1 Timoteo 1:11 - Maung a Balita Biblia

¹¹ Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

Maung A Balita Biblia

¹¹ Sayan bangat naalmod Maung a Balitan manlalapud mapagalang tan masanton Dios, tan nimatalek ed siak ya ipulong ko.

1 Timoteo 1:11 Referans Kwoze

TAGA GALACIA 2:7

Abirbir da ingen a say Dios pinili to ak a mangipulong na Maung a Balita ed saray Hintil, a singa impamili tod kinen Pedro a mangipulong ed saray Judio.

Tito 1:3

Impaamta to diad salita to nen sinmabiy niganan panaon. Nimatalek ed siak so pampulong ed saya onung ed ganggan na Dios a Manangilaban tayo.

1 Timoteo 6:15

Ompanengneng no asabi lay oras ya ingganay Dios, a sikato labat so masanton Manoley, Ari da ray arari, tan Katawan da ray kakatawan.

2 CORINTO 4:4

Ag ira manisia ta say dios na sayan mundo et sasakbungan to niy kanununotan da. Sasakbungan to ra, pian ag da nanengneng so liwaway Maung a Balitan nipaakar ed marlang a kagalangan nen Cristo a kaparparay Dios.

Saray Taga Roma 2:16

Onung ed Maung a Balitan ipupulong ko, onyay nagawa no onsabiy Agew sano: say Dios, diad panamegley nen Jesu-Cristo, sintinsiaan toy amin a maamut a kanunotan da ray katoowan.

2 Timoteo 2:2

Saray salitan nadngel mod siak diad arap na amayamay a tasi so ibangat mod saray totoon napanmatalkan tan nayarian day mangibangat met ed arum.

2 Timoteo 1:14

Diad tulong na Ispiritu Santo a manaayam ed sikatayo, asikasom so maung a bengatlan nimatalek ed sika.

2 Timoteo 1:11

Say Dios pinili to ak ya apostol a mampulong tan mambangat na Maung a Balita,

1 Timoteo 6:20

Timoteo, asikasom a maung so nipia ed sika. Paliisan moy tongtongan ya aliwan makapaliket ed Dios, tan say sangsangan na Pakatalus, onung ed aliwan pananawag na arum a totoo.

1 Timoteo 2:7

Lapud saya, atoro ak ya apostol tan bumabangat ed saray Hintil, pian nipulong kod sikaray nipaakar ed pananisia tan katwaan. Katwaay ibabagak, ag ak mantitila!

1 TESALONICA 2:4

Ingen, lapud inabubonan kamiy Dios tan impia tod sikami so Maung a Balita, mampupulong kami onung ed linawa to. Aliwan say too so paliliketen mi, no ag ingen say Dios a manusubok no antoy getma mi.

COLOSAS 1:25

Say Dios ginawa to ak a managlingkur ed iglisia, pian natulongan ta kayo diad panggawak na kimey ya inter na Dios ed siak. Sayan kimey et say nasput a pangipulong na salitay Dios,

TAGA-EFESO 3:10

pian diad panamegley na iglisia, nipakabat natan so andi-anggaan a kakabatay Dios ed saray manoley tan saray walay pakayari ed katawenan.

TAGA-EFESO 2:7

Ginawa to ya pian nipanengneng tod arapen a panaon so ag nabilang a kayamanay panangaro tod sikatayo, diad panamegley nen Cristo Jesus.

TAGA-EFESO 1:12

Sikami sirin ya onaan a nanilalod Cristo, itanduro miy kagalangan na Dios!

TAGA-EFESO 1:6

Igalang tayo lapud makapakelaw a panangaro ton inter tod sikatayo diad panamegley na inararo ton Anak!

2 CORINTO 4:6

Ta say Dios ya angibaga, Ompaway a manlapud kabilongetan so liwawa! et sikato lamlamang so angiwandag na liwawad saray puso mi, pian nakabatan miy kagalangay Dios a mandarlang ed lupa nen Cristo.

1 CORINTO 9:17

No pinilik yan kimey, walay ilaloan kon tumang. Balet gagawaen ko yan pangonur kod sakey a ganggan, ta nipia yan kimey ed siak.

Lucas 2:14

Galang ed Dios ed tawen a sankatageyan, tan diad dalin kareenan ed saray totoon pakaliliketan to!

Saray Salmo 138:2

Ondadakmomo ak ed arap na masanton Timplom tan idadayew koy ngaran mo, lapud ag mangoman a panangarom tan katooran mo, ta impanengneng mon sankatageyan so ngaran mo tan saray ganggan mo.