1 Samuel 8:19 - Maung a Balita Biblia

¹⁹ Ag dinengel na saray totoo si SAmuel. Inkuanda, Andi! Labay miy nawalaan na ari,

Maung A Balita Biblia

¹⁹ Ag dinengel na saray totoo si Samuel. Inkuanda, “Andi! Labay miy nawalaan na ari,

1 Samuel 8:19 Referans Kwoze

Jeremias 44:16

Ag mi labay a dengelen iray salitam, saray salitan imbagam ed ngaran na Katawan.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Jeremias 7:13

Ginagawa yo ra yay kasalanan a binitlak. Anggaman ya akisalita ak ed sikayon amimpiga-piga, ag kayo dinmengel. Ag kayo inmebat nen tinawag ta kayo.

Isaias 66:4

Kanyan iyakar kod sikaray deralsaray bengatlan tatakotan dalapud anggapod sikaray inmebat nen tinmawag ak, odino dinmengel nen nansalita ak. Nilabay day ag mangonur ed siak tan say manggaway kaogsan.

Saray Salmo 81:11

Balet ag ondengel ed siak iray totook; say Israel ag da ak toluken.

Deuteronomio 17:14

Kayari yon nakayaryan so dalin ya iter ed sikayo na Katawan a Dios yo tan manaayam kayo lad man, pampapaknaan yod stan a mankaukolan kayo na sakey ya ari a singa saray arum a bansan walad kaliber-liber yo.

1 Samuel 12:12

Balet nen ngalngali kayo la labanan nen Nahas ya ari ed Ammon, impolisay yon ari yo so Katawan tan kuanyod siak, Labay miy sakey ya arin manoley ed sikami.

2 Saray Arari 21:9

Balet ag inonur na saray totood Juda so Katawan, tan inlagyat nen Manases iran nankasalanan na ambelat ni nen saray kasalanan a ginagawa da ray totoon pinapataynan na Katawan legan a mankukurang iray totoo to.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.