1 Samuel 3:14 - Maung a Balita Biblia

¹⁴ Kanyan sinambaan kod pamilya nen Eli ya anggapoy bagat o saklang a makaekal ed dusa na sayan kaogsan a ginawa na pamilya nen Eli.

Maung A Balita Biblia

¹⁴ Kanyan sinambaan kod pamilya nen Eli ya anggapoy bagat o saklang a makaekal ed dusa na sayan kaogsan a ginawa na pamilya nen Eli.”

1 Samuel 3:14 Referans Kwoze

Isaias 22:14

Say Katawan a Makapanyarin-amin a Dios a dili et akisalitad siak tan inkuanto, Legan dan mambilay, ag balut napirdona yan kaogsan a ginawa ra. Siak, say Katawan a Makapanyarin-amin a Dios, so nansalita.

Jeremias 15:1

Insan inkuan na Katawan ed siak, Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 7:16

Inkuay Katawan, Jeremias, ag mo ipipikasi ra yan totoo. Ag mo ra itatagleeyan o ikekerewan ed siak, ta ag ta ka dengelen.

1 Samuel 2:25

No say sakey a too et mankasalanan ed kapara ton too, nayarin iyagel na Dios; balet siopay nayarin mangyagel ed toon mankasalanan ed Katawan? Balet ag ira dinmengel ed ama ra, ta ginetma la na Katawan a pateyen to ra.

Saray Salmo 51:16

Ag mo labay iray bagat, ta no labay mo ra komun, isaklang ko la rad sika; ag mo pakaliliketay bagat iran popoolan.

Levitico 15:31

Say Katawan imbaga tod kinen Moises a pasakbayan to ray totood Israel nipaakar ed inkarotak da, pian ag da nadotakan so Tulda a walad pegley na kampo. No dotakan da nepeg a pateyen ira.

Ezekiel 24:13

Jerusalem, dinotakan ka na ginagawam ya immoralidad. Anggaman a sinalik a linisan ta ka, nansiansia kan marotak. Ag ka magmaliw a malinis lamet ya anggad naliknam so sulit na pasnuk ko.