1 Samuel 21:2 - Maung a Balita Biblia

² Wadya ak, ta ingganggan ak na ari, ebat nen David. Binilin to ak ya ag ko ibagay angibakian tod siak a gawaen ko. Imbagak ed saray totook a mambabana kamid sakey a pasen.

Maung A Balita Biblia

² “Wadya ak, ta ingganggan ak na ari,” ebat nen David. “Binilin to ak ya ag ko ibagay angibakian tod siak a gawaen ko. Imbagak ed saray totook a mambabana kamid sakey a pasen.

1 Samuel 21:2 Referans Kwoze

TAGA GALACIA 2:12

Ta kasakbayan a sinmabid man iray pigaran lalakin imbaki nen Santiago, mirorongoy Pedro ed saray Hintil. Balet nen sinmabi la ra, inarawian to ra tan ag la akirongod sikara, lapud antakot ed saray Judion Cristiano a say labay da et pasegat iray Hintil.

COLOSAS 3:9

Ag ki met la mantitilaan, ta sinalatan yo lay daan ya inkatoo, pati saray kagagawa to,

1 Saray Arari 13:18

Insan inkuan na samay masiken a propitan taga Betel, Propita ak met a singa sika, tan diad ganggan na Katawan inkuan ed siak na anghil ya itagar ta kad abung ko, ta sangkailien ta ka. Balet mantitila may masiken a propita.

1 Samuel 22:22

Inkuanen David ed sikato, Nen anengneng koy Doeg ed saman ya agew, amtak ya andisaew ton ibaga. Kanyan siak so makasengeg na impatey na amin a kakanayon mo.

1 Samuel 19:17

Tinepet nen Saul ed kinen Micol, Akin et pinalikdo mo ak diad impamabatik mod kalaban ko? Inmebat si Micol, Imbaga tod siak a pateyen to ak no ag ko tulongan ya ombatik.

Genesis 27:24

balet tinepet to lamet, Sikan talagay Esau? On, siak, ebat to.

Genesis 27:20

Inkuanen Isaac, Panoy impakalam a tampol, anak ko? Inmebat si Jacob, Tinulongan ak na Dios a Katawan yo.

Saray Salmo 119:29

Iyarawi mo ak pad aliwan tua a dalan, tan lapud kaabigan mo ibangat mo pad siak so ganggan mo.

1 Samuel 21:3

Antoy walad tan a nakan? Itdan mo ak na limaran tinapay o antokaman a wala.

Saray Salmo 141:3

Katawan, mangyan ka pay guardiad sangik, sakey a bumabantay ed puirta na saray bibil ko.

1 Samuel 22:9

Si Doeg a taga Edom et manalalagey diman a kaiba na saray opisyal nen Saul, tan inkuanto, Anengneng koy David nen linmad kinen Ahimelec ya anak nen Ahitub diad Nob.

Nehemias 11:32

Anatot, Nob, Ananias,

Isaias 10:32

Wala la natad sayan agew ed baley na Nob iray kalaban, tan aayagan day poniti so Palandey na Sion tan say siudad na Jerusalem.