1 Samuel 18:12 - Maung a Balita Biblia

¹² Antakot si Saul ed kinen David, ta walad kinen David so Katawan a tinmaynan lad kinen Saul.

Maung A Balita Biblia

¹² Antakot si Saul ed kinen David, ta walad kinen David so Katawan a tinmaynan lad kinen Saul.

1 Samuel 18:12 Referans Kwoze

1 Samuel 18:29

Kanyan lalon tinmakot ed kinen David tan kinabosul to legan ton nambilay.

1 Samuel 18:15

Naimano nen Saul so ontan lan iyaaligwas nen David tan lalon tinmakot ed sikato.

1 Samuel 28:15

Inkuanen Samuel ed kinen Saul, Akin et sinigensigen mo ak? Akin et pinapawil mo ak? Inmebat si Saul, Nagugunigonan ak a maung! Babakalen ak na saray Filisteo, tan inkaindan ak na Dios. Ag to ak la ebatan a balut, diad panamegley na saray propita, o diad saray kogip. Kanyan tinawag ta kan mangibagad siak no antoy nepeg kon gawaen.

1 Samuel 16:18

Inkuan na sakey ed saray managlingkur to, Si Jesse a taga Betlehem et walay anak ton laki a maung a manogtog. Masebeg met tan guapon laki, maung a sondalo, tan maung a manalita. Walad sikato so Katawan.

Saray Gawgawa 24:25

Balet nen ituloy nen Pablo so mampaliwaway nipaakar ed kamaungan, panagadyad dilin laman, tan say okum ya onsabi, ataktakot si Felix tan inkuanto, Alis ka ni, ta patawag ta ka no walay panaon ko.

Saray Gawgawa 7:9

Saray anak nen Jacob angimonan day Jose, kanyan inlako ra a paaripen ed Egipto. Balet walad sikatoy Dios,

Lucas 8:37

Amin da ray Gadareno kinerew dad kinen Jesus ya ontaynan la, ta ontan lay takot da. Kanyan linmogan lay Jesus ed baloto tan linma la.

Marcos 6:20

Antakot nen Herodes si Juan, ta amta to a maung tan masanton too, kanyan iyaagel to. Labalabay ton dengelen si Juan, anggaman a saray ibabaga to et ag makapareen na isip to.

Mateo 25:41

Insan ikuantod saray walad nikawigi to, Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.

Saray Salmo 53:5

Balet ontan lay kataktakot da; anggapo niy asali ran onyan takot; ta ibuyak na Dios iray pokepokel na saray kalaban da ray totoo to. Impolisay ira na Dios, kanyan sigput a taloen ira na Israel.

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

1 Samuel 22:13

Tinepet nen Saul, Akin et pankokomplutan yo ak nen David? Akin et initdan moy nakan tan sakey ya ispada, tan impanonan mod Dios? Natan sinumlang to ak tan manaalagar na pankanawnawan pamatey tod siak!

1 Samuel 18:20

Balet si Micol ya anak nen Saul inmibeg ed kinen David, tan akaliket si Saul nen akabatan to.

1 Samuel 16:4

Ginawa nen Samuel so imbaga na Katawan a gawaen to. Linmad Betlehem, a diman inabet na saray manggiwgiw a panguloy siudad tan tinepet da, Mangiter kasiy kareenan yan imbisitam, managparles?

1 Samuel 20:13

No getma to ka nin pasakitan, pateyen ak komun na Katawan no ag ko paipakabat ed sika, pian nibatikan moy kaatapan. Wala komud sikay Katawan a singa inkiwala to nen saman ed kinen amak!

Saray Huis 16:20

Insan inmeyag, Samson! Nitan la ray Filisteo! Binmangon tan ninunot to, Makaokpus ak tan nabolus ak a singa gendat. Ag to amta a tinaynan la na Katawan.

1 Samuel 3:19

Legan ya ombabaleg si Samuel, walad sikatoy Katawan tan pinapatua to ray amin ya imbabaga nen Samuel.

2 Samuel 5:10

Pinmalalo lan pinmalalo so inkatalonggaring nen David, ta walad sikatoy Katawan a Dios a Makapanyarin-amin.

2 Saray Awaran 17:3

Binindisionan na Katawan si Josafat, lapud inalig toy akaonan impanbilay nen ama to, tan ag to angigalang ed Baal.