1 Samuel 11:2 - Maung a Balita Biblia

² Inmebat si Nahas, Mipaknaan ak ed sikayo no ontoluk kayon sukiten koy kawanan a mata na balang sakey ed sikayo, pian napabanday so intiron Israel.

Maung A Balita Biblia

² Inmebat si Nahas, “Mipaknaan ak ed sikayo no ontoluk kayon sukiten koy kawanan a mata na balang sakey ed sikayo, pian napabanday so intiron Israel.”

1 Samuel 11:2 Referans Kwoze

1 Samuel 17:26

Tinepet nen David ed saray totoon asingger ed sikato, Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?

Saray Bilang 16:14

Talagan ag mo kami inyakar ed mataban dalin odino initdan na kaalogan tan kaubasan, et natan labay mo kami nin palikdoen. Ag kami ondago!

Genesis 34:14

Inkuandad kinen Sikem, Ag mi iyabuloy a miasaway agi mi ed sakey a lakin ag asegat; makapabaing yad sikami.

Jeremias 39:7

Insan to impasokit iray mata nen Sedekias, tan to impagulonggulongan ya iyakar ed Babilonia.

Probirbio 12:10

Say toon matonung kokomponien to ray ayayep to, balet saray totoon maoges maruksa ed saray ayayep da.

2 Saray Arari 18:31

Ag yo dedengeley Ezekias. Igaganggan na impriador na Asiria a paway kayod siudad tan suko ki la. Naabuloyan kayon mangan na ubas ed dilin kaubasan yo, mangan na igos ed dilin kaigosan yo, tan oninom na danum ed dilin bobun yo

Saray Huis 16:21

Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.

Exodo 3:6

Siak so Dios na saray lalakim, say Dios di Abraham, Isaac, tan Jacob. Sinakuban nen Moises so lupa to, ta tinmakot ya onnengneng ed Dios.

1 Samuel 12:12

Balet nen ngalngali kayo la labanan nen Nahas ya ari ed Ammon, impolisay yon ari yo so Katawan tan kuanyod siak, Labay miy sakey ya arin manoley ed sikami.

Saray Salmo 44:13

Sankanengneng na saray kakaabay mi so ginawam ed sikami, kanyan eelek-elekan tan luludlureyen da kami.

1 Samuel 11:10

tan kuandad kinen Nahas, Nabwas onsuko kamid lad sika, tan gawam lay labay mon gawaen ed sikami.