1 Samuel 1:21 - Maung a Balita Biblia

²¹ Sinmabi lamet so panaon ya iyakar ed Silo nen Elcana tan say pamilya to a mangisaklang na tinaon a bagat tan say nidoma-doman bagat ya insipan to.

Maung A Balita Biblia

²¹ Sinmabi lamet so panaon ya iyakar ed Silo nen Elcana tan say pamilya to a mangisaklang na tinaon a bagat tan say nidoma-doman bagat ya insipan to.

1 Samuel 1:21 Referans Kwoze

1 Samuel 1:3

Tinaon ya ontataynan ed Rama si Elcana, ta onlad Silo a mangigalang tan mangibagat ed Katawan a Makapanyarin-amin. Diad Silo manaayam irad man di Ofni tan Finees ya anak nen Eli, ta papari ra na Katawan.

Deuteronomio 12:11

Say Katawan mamili na saksakey a pasen a pangigalangan ed sikato, tan iyakar yod man ed sikato iray amin ya ingganggan kod sikayo: saray isaklang yon bagat a popoolan tan saray arum a bagat, say kakaplo na saray kayaryan yo tan saray bagat yo, tan saray nidoma-doman rigalo ya insipan yon iter ed Katawan.

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.

Saray Salmo 101:2

Mambilay ak ya anggapoy kaogsan ko. Kapigan so idagom ed siak? Mambilay ak ya anggapoy pakabalawan diad abung ko

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.

1 Samuel 2:19

Tinaon ya igawaan nen ina to na melag a kawes tan awit ton iter ed sikato no olupen toy asawa ton mangisaklang na tinaon a bagat.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.