1 Pedro 4:7 - Maung a Balita Biblia

⁷ Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Maung A Balita Biblia

⁷ Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

1 Pedro 4:7 Referans Kwoze

1 Pedro 1:13

Kanyan iparaan yo ray kanunotan yo. Mantadya kayo lawas tan sigput yon ipeket so ilalo yo ed bindision a niiter ed sikayo no nipaamta lay Jesu-Cristo.

1 Pedro 5:8

Mamparaan tan manasikaso kayo! Ta say kalaban yon Diablo et singa lion a mangwam tan liber-liber a mananap na buagen to.

2 Timoteo 4:5

Balet nepeg a maadya ka lawas. Itepel mo ray kairapan ya onsabid sika. Gawam so kimey na sakey a managpulong na Maung a Balita, tan say amin a kimey na sakey a managlingkur na Dios.

Lucas 21:34

Manalwar kayo! Ag kayo mapalalon kapaakan tan kapabuek, tan ag kayo met kapagunigon ed panagbilay yo, ta ompan biglan onsabid sikayo yan Agew

Saray Hebreo 10:25

Ag tayo nepeg a paolyay pantitipon tayo, a singa gagawaen da ray arum. Ingen, mampapabiskegan tayoy linawa, lautla ni met ta nanenengneng yon asingger lay isabiy Agew na Katawan.

COLOSAS 4:2

Ag yo totondaay mampikasi. No mampikasi kayo, gawa yon masimoon tan tekepan yoy pisasalamat ed Dios.

Tito 2:12

Sayan panangaro ibangat to itayon mangibeneg ed aliwan masanto a panagbilay, tan saray minumundon maoges a pilalek. Ibangat to itayo met a mambilay a maadya, maptek tan masanto diad tapew na dalin,

Ezekiel 7:6

Sinmabi lay pansamput mo. Anggaan mo la. Ayari ka la.

Saray Taga Roma 12:12

Manliket kid paniilalo yo, mananos kayod saray kairapan yo, tan mampikasi kayo lawas.

FILIPOS 4:5

Ipanengneng yoy kaabigay linawa yod amin a katoowan. Magano lan onsabiy Katawan.

Lucas 22:46

Inkuantod sikara, Akin et nanaogip kayo? Bangon kayo tan mampikasi kayo, pian ag kayo napelag ed tukso.

Puyan 16:15

Dengel kayo! Onsabi ak a singa matakew! Maliket iray abangon tan ag naneekal na kawes da, pian ag ira manakar-akar ya anggapoy akasolung ed laman da, et ag ira nabaingan ed saray totoo!

1 Pedro 3:7

Sikayo ra met a lalaki, talusan tan pagalangan yoy kaasawaan yo diad piaamung yod sikara, ta makapoy ira tan kapara yo ran manawir na bilay a rigaloy Dios. Diad panggawa yod saya, ag nasebelay pikakasi yo.

TAGA-EFESO 6:18

Gawa yo ra yan amin diad panamegley na pikakasi tan mikerew kayoy tulong na Dios. Mampikasi kayo lawas diad panangiwanwan na Ispiritu. Kanyan mamparaan kayo lawas tan ag ki ontotonda; ituloy yon ipikasi ray amin a totooy Dios.

1 CORINTO 15:24

Insan onsabiy kasamputan, kasumpal a taloen nen Cristo iray amin a maispiritun manoley, saray walay betang tan pakayari; tan yawat tod Dios Ama so Panarian.

1 CORINTO 7:29

Niay labay kon ibaga, agagi: manasingger lay niganan panaon, kanyan manlapud natan, saray walay asawa nepeg day mambilay, a singa ra anggapoy asawa;

Mateo 24:42

Manalwar kayo sirin, ta ag yo amtay agew na isabiy Katawan yo.

Jeremias 5:31

saray propita tilan amin so sasalitaen da; saray papari manooley ira diad panangiganggan na saray propita, et onya so labay da ray totook a nagawa. Balet antoy gawaen da no mangangga la yan amin?

Lucas 21:36

Kanyan nakaukolan a sipaparaan kayo lawas tan ag yo totondaay mampikasi, pian nawalaan kayoy biskeg ya ompaliis ed amin da ra yan nagawa, tan makapiarap kayod Anak na Too.

Mateo 25:13

Inkuanen Jesus a pamasamput, Manalwar kayo sirin, ta ag yo amtay agew odino say oras.

Ecclesiastes 7:2

Magmaung niy onlad abung a walay ermen lapud walay inatey nen say onlad abung a walay ponsia, ta diad iyakar ed kawalaay inatey nipanunot a say patey et manaalagar ed sikatayon amin.

Genesis 6:13

Inkuan na Dios ed kinen Noe, Tinibokel ko lad kanunotan ko a panganggaen koy bilay na amin a katoowan. Sigput ko ran deralen, ta napnoy mundo na maoges a gawgawa ra.

Saray Hebreo 9:26

Ta no andi, nakaukolan komun a mamimpigapigan ompatey nanlapu lad inkapalsay mundo. Balet natan aminsan labat a nampanengneng, nen mansasamput la ray panaon, pian napaandi toy kasalanan, diad panamegley na impangibagat tod sikaton dili.

Genesis 19:35

Kanyan diad saman a labi, binwek da lamet si ama ra, tan inakdulan na samay yogtan; balet diad inkabwek ton maung ag to amtay agawa.