1 Pedro 2:4 - Maung a Balita Biblia

⁴ Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

Maung A Balita Biblia

⁴ Singger kayod Katawan, say baton mabilay ya imbantak na totoo, balet pinili na Dios tan mabmablid pakanengneng to.

1 Pedro 2:4 Referans Kwoze

1 Pedro 2:7

Mabmabli yan bato ed sikayo ran mananisia, balet diad saray aliwan mananisia nasumpal so walad Masanton Sulat: Say baton impasen ya andi-kakanaan na saray karpintiro, nagmaliw lamlamang a sankakanaan a bato.

Isaias 28:16

Balet natan saya so kuan na Katawan a Dios; Mangipapasen ak ed Sion na mabiskeg tan baleg a pundasion. Mangililira ak ed pundasion na baleg a baton suyok ya akapangisulatan na sarayan salita, Maanos met so malet a pananisia.

COLOSAS 3:4

Si Cristo so tuan bilay yo, tan no sikatoy ompanengneng, ompanengneng kayo met a kaiba to tan minabang kayod kagalangan to!

Zacarias 3:9

Ipasen kod arap nen Josue so sakey a baton pitoray lupa to. Itatak kod sayan bato so sakey a balikas, et diad sanagew ekalen koy kasalanan na sayan dalin.

Daniel 2:34

Legan mon nenengnengen, walay sakey a baleg a baton ginmeray a nanlapud palandey anggaman ya anggapoy aniwit, atolinan to ra may balatyang tan dalin a sali na samay talintao, tan tinemek to ra.

Isaias 42:1

Say Katawan kuanto, Saya so aripen ko a pinabiskeg ko sikatoy pinilik tan pakaliliketan ko. Pinanok na ispirtuk, tan sikatoy mangyakar ed balang bansa na inkatonung.

2 Pedro 1:4

Lapud saya, inter tod sikatayo ra may baleg tan mabmablin rigalo ya insipan to, pian lapud sarayan rigalo, napaliisan yoy makaderal a maoges a pilalek a walad panagbilay ed sayan mundo, tan makapinabang kayod inka-Dios to.

2 Pedro 1:1

Sayan sulat nanlapud kinen Simon Pedro, ya aripen tan apostol nen Jesu-Cristo. Diad saray kapara min angawat na mablin pananisia diad panamegley na inkatonung na Dios tan Manangilaban tayo a Jesu-Cristo:

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.

1 Pedro 1:7

Say balituk a naderal, iparalad apoy pian naamtaan no tuan puro. Ontan met, say pananisia yo a maung nen say balituk, nasubok pian naamtaan no tuan malet. Diad ontan napagalangan, nadayew, tan nitanduro kayo no Agew a nipanengneng si Jesu-Cristo.

Saray Taga Roma 5:10

Kabosul itayoy Dios nen saman, balet natan kakaaro to ti la diad panamegley na impatey na Anak to. Natan ta kakaaro itayo lay Dios, lalon andi-saew a nilaban itayo diad panamegley na bilay nen Cristo!

Juan 14:19

Maganggano lan ag ak nanengneng na sankamundoan. Balet nanengneng yo ak lapud mambilay ak tan mambilay ki met.

Juan 14:6

Inmebat si Jesus, Siak so dalan, say katwaan, tan say bilay; anggapoy toon makaonlad Ama no ag diad panamegley ko.

Juan 6:57

Say mabilay ya Ama so angibakid siak, tan mambilay ak lapud sikato. Ontan met a siopamay mangan ed siak, mambilay lapud siak.

Juan 6:37

Ondagon amin iray iter na Ama ed siak. Ag con balut ipolisay so siopaman ya ondagod siak.

Juan 5:40

Balet, ag yo labay so onsingger ed siak pian nawalaan kayoy bilay.

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Mateo 21:42

Inkuanen Jesus, Ag yo ta ni abasa ed Masanton Sulat? Say baton impasen ya andi-kakanaan na saray karpintiro nagmaliw lamlamang a sankakanaan a bato. Ginawa ya na Katawan; makapakelkelaw a nengnengen!

Mateo 12:18

Sava so aripen ko a pinilik, sikatoy inarok tan pakaliliketan ko. Iter koy Ispirituk ed sikato, tan sikatoy mangipakabat na katonungan ed amin a katoowan.

Mateo 11:28

Dago kayod siak, amin yon nakekesawan ed panaawit yoy ambelat, ta pampainawaen ta kayo.

Zacarias 4:7

Naandipat ed arap mo iray bangen a singa ra palandey. Napasimbalom a nipaalagey so Timplo, tan diad pangiliram na sankasamputan a bato, saray totoo iyeyag da, Marakep, marakep!

Daniel 2:45

Anengneng mo no panon a ginmoray imay baton baleg a nanlapud palandey tan tinmolin ed samay talintaon balatyang, gansa, dalin, pilak, tan balituk. Say matalonggaring a Dios impaamta to, Kagalang ya Ari, so nagawa ed arapen a panaon. Sikato ya so tuan kinogip mo tan say petepeteg a kabaliksan to.

Isaias 55:3

Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 3:22

Pawil kayo, amin yon angikaindan ed Katawan; paabigen to kayo, tan pagmaliwen to kayon matoor. Ikuanyo, On, onsisingger kamid Katawan, ta sikatoy Katawan a Dios mi.

1 CORINTO 3:11

ta anggapo lay arum a pundasion a nayarin iletneg, likud ed samay niletneg la, a si Jesu-Cristo.