1 Pedro 2:19 - Maung a Balita Biblia

¹⁹ Ta panliketan na Dios so pangitepel yoy kadusa yon anggapoy kasalanan, lapud amta yon sikato yay linawa to.

Maung A Balita Biblia

¹⁹ Ta panliketan na Dios so pangitepel yoy kadusa yon anggapoy kasalanan, lapud amta yon sikato yay linawa to.

1 Pedro 2:19 Referans Kwoze

1 Pedro 2:20

Wala tay nagunggona yo no manirap kayo lapud panggawa yoy kaogsan? Anggapo! Balet panliketan na Dios so pangitepel yoy kadusa yon anggapoy kasalanan lapud panggawa yoy kamaungan.

1 CORINTO 15:10

Balet lapud baleg a panangaroy Dios, nagmaliw ak ya apostol, tan ag met naandiay kakanaan so baleg a panangaro ya inter tod siak. Mairap niy impankimey ko nen say siopaman ed sikara, anggaman ya aliwan lapud biskeg kon dili, no ag lapud baleg a panangaro na Dios ed siak.

Lucas 6:32

No saray mangaarod sikayo labat so aaroen yo, anto niy tumang ya alagaren yo? Anggan saray makasalanan aaroen da met iray mangaarod sikara!

Saray Taga Roma 13:5

Kanyan nepeg yoy ontoluk, aliwa labat a lapud labay yon paliisay pasnuk na Dios, no ag ingen lapu met ed konsinsia.

Juan 15:21

Balet gawaen da yan amin ed sikayo lapud siak, ta ag da kabat so angibakid siak.

2 Timoteo 1:12

tan sikato yay makasengeg ya onya lay paniirap ko. Anggaman ontan, ag ko ibabaing yay nagagawad siak ta amtak no siopay panmamatalkan ko tan ag ko panduaruwaan a naasikaso ton maung, anggad saman ya Agew, so inmatalek kod sikato.

2 CORINTO 8:1

Labay min ipaamtad sikayo, agagi, no panoy impankimey na baleg a panangaroy Dios ed saray iglisiad Macedonia.

2 CORINTO 1:12

Sikato yay nayarian mi ya ikinon: paneknekan na konsinsia mi a masanto tan anggapoy pankonkonwari so pipiolup mid sankamundoan, lautlad pipiolup mid sikayo. Onyay pambibilay mi, lapud baleg a panangaroy Dios, aliwan lapud kakabatay too.

Saray Salmo 119:86

Napanmatalkan ya amin iray ganggan mo; papairapen na saray totoo diad panamegley na panagpalikdo ra tulongan mo ak pa!

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Saray Salmo 38:19

Saray kalaban ko et maabig so laman da tan mabiskeg ira; dakerakel iray mamobosul ed siak ya anggapoy makasengeg.

Saray Salmo 35:19

Ag mo iyaabuloy a saray kalaban ko, saraman a matitila, et elek-elekan day inkatalok. Ag mo pa met iyaabuloy a saray mamobosul ed siak ya anggapoy makasengeg et ludlureyen day impanermen ko.

Say Libro nen Job 21:27

Amtak no antoy nununoten yo, tan say plano yon manggaway maoges ed siak.

Saray Gawgawa 11:23

Nen sinmabid man tan anengneng toy pamibindision na Dios ed sikara makaliliket, tan binilin to ran amin a mansiansia ran matoor tan matwa ed Katawan diad intiron puso ra.

Saray Hebreo 10:2

No talagan napirdona so saray mangigagalang ed Dios lapud sarayan bagat, ag da la komun nunoten a nankasalanan ira, tan ontonda met lad satay amin a bagat.

1 Pedro 4:15

Nepeg ya anggapoy nadusad sikayo lapud pampatey na too, o pantakew, o panggaway kaogsan, o pibalid ag to nepeg a pibalian.