1 Juan 5:7 - Maung a Balita Biblia

⁷ Taloray mantasi:

Maung A Balita Biblia

⁷ Taloray mantasi:

1 Juan 5:7 Referans Kwoze

Mateo 28:19

Kanyan, laka yod saray katoowan ed amin a bansa tan gawa yo ran disipulok. Binyagan yo ra diad ngaray Ama tan diad Anak tan diad Ispiritu Santo,

Saray Gawgawa 5:32

Natasian mi ra yan agawgawasikami tan say Ispiritu Santo ya inter na Dios ed saray mangonur ed sikato.

Juan 1:1

Diad gapoy gapo wala la so Salita. Say Salita kaibay Dios tan sikatoy Dios.

Saray Gawgawa 2:33

Niatagey ed nikawanay Dios, tan inawat toy Ispiritu Santo ya insipan na Ama to. Inter nen Jesus yan Ispiritu Santo ed sikami, onung na nanenengneng tan narerengel yo natan.

1 Juan 5:6

Si Jesu-Cristo so linma diad mundo, a sikatoy abinyagan ed danum tan angiterter na dala to diad impatey to. Linma dian ag labat abinyagan ed danum, no ag ingen interter to met so dala to. Say dilin Ispiritu so amaneknek a tua ya, ta say Ispiritu et katwaan.

Juan 8:54

Inmebat si Jesus, No idayew koy laman kon dili, anggapoy kakanaay dayew ko. Idayew ak na Amak, a sikatoy kuanyon Dios yo.

Mateo 17:5

Mansasalita niy Pedro nen tinarungan iray maliwliwawan lorem tan walay bosis a nanlapud man ya inkuanto, Sikato yay inararok ya Anak a pakaliliketan kodengel kayod sikato!

Isaias 61:1

Say Katawan a Dios pinano to ak na ispiritu to. Pinili to ak tan imbaki to ak A mangibagad saray mairap-bilay na maung a balita. Mamaabig ed saray maermen, Mangibawag na kawayangan ed saray adakep Tan mangibolus ed saray priso.

Juan 10:30

Siak tan say Ama, saksakey kami.

Saray Salmo 33:6

Pinalsa na Katawan iray katawenan diad panamegley na ganggan to; pinalsa toy agew, bulan, tan saray bitewen diad panamegley na salita to.

Deuteronomio 6:4

Sikayo ran Israelita, tandaan yo ya! Bukor na Katawan a Dios tayo so Katawan.

Juan 5:26

Ta onung a walay pakayari na Ama a mangiter na bilay, ontan met ya initdan toy Anak na pakayarin mangiter na bilay.

Puyan 19:13

Nitaksaw ed dala so kawes to. Say Salitay Dios so tawag ed sikato.

Juan 12:28

Ama, pagalangan moy ngaran mo! Insan walay bosis a nanlapud tawen a kuanto, Pinagalangan ko la, tan pagalangan ko lamet.

Juan 8:18

Siak tan say Ama ya angibakid siak so mantatasid siak.

Mateo 18:16

Balet no ag to ka dengelen mangitagar kay sakey o duaran totoo, pian napaneknekan na duara o taloran tasi ray amin a pantongtongan yo.

1 Juan 1:1

Isusulat mid sikayoy nipaakar ed Salita na bilay a wala la nanlapud gapoy gapo. Nadngel mi, anengneng na dilin mata mi, on, naimatunan mi, tan naegnaan na dilin lima mi.

Juan 14:17

a salanti say Ispiritu na katwaan ya ag naawat na sankamundoan, lapud ag to nanengneng tan ag to met kabat. Balet kabat yo, ta manaayam ed sikayo tan walad sikayo.

Juan 15:26

Say Mananulong, a salanti say Ispiritu na katwaan, onsabin manlapud Ama. Ibakik ed sikayon manlapud Ama, tan sikatoy mantasin nipaakar ed siak.

1 Juan 5:8

say Ispiritu, say danum, tan say dala; et mankakasakey ira yan talo.