1 Juan 5:10 - Maung a Balita Biblia

¹⁰ Kanyan siopamay manisisiad Anak na Dios, walad sikato yan panagtasi. Balet siopamay ag manisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

Maung A Balita Biblia

¹⁰ Kanyan siopamay manisiad Anak na Dios, walad sikato yan panagtasi. Balet siopamay ag manisisiad Dios, ginawa ton matilay Dios lapud ag to anisiad panagtasi na Dios nipaakar ed Anak to.

1 Juan 5:10 Referans Kwoze

Saray Taga Roma 8:16

Say dilin Ispiritu, a kaiba toy ispiritu tayo, so mamaneknek a sikatayo ray anak na Dios.

TAGA GALACIA 4:6

Tan lapud anak kayo lay Dios, imbaki toy Ispiritu na Anak to ed puso tayo say Ispiritu a mantawag, Ama, O Amak.

Juan 3:33

Say mangawat ed paneknek to paneknekan ton tua so Dios.

Juan 5:38

Ag yo papablien iray salita to lapud ag kayo manisia ed imbaki to.

Saray Hebreo 3:12

Agagik ira, manalwar kayo ya anggapo komud sikayoy maoges so puso to tan naandiay pananisia a mansumpal ed pangibeneg tod Dios a mabilay.

Saray Bilang 23:19

Say Dios et aliwan singa saray totoo a mantila; Aliwan singa too a mangoman na kanunotan to. No antoy insipan to tooren to; No antoy imbaga to sumpalen to.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 1:10

No ibaga tayon ag itayo nankasalanan, gawaen tayon matilay Dios tan anggapod sikatayoy salita to.

Saray Salmo 25:14

Kaaro na Katawan iray matoluk ed sikato, tan papaletan toy impisipanan tod sikara.

Puyan 2:17

Sikayo ran walay layag, dengel yoy ibabagay Ispiritu ed saray iglisia! Saray manalo itdan ko ray akaamut a mana. Itdan ko met so balang sakey ed sikara na ampotin bato a nisulat so sakey a balon ngaran, ya anggapoy makaamta no ag say mangawat labat.

COLOSAS 3:3

Ta inatey kayo la, tan diad Dios akaamut so bilay yo a kaiba nen Cristo.

Probirbio 3:32

lapud makapaingungot ed Katawan iray manggagaway kaogsan, balet makapaliket ed sikato iray totoon matonung.

Puyan 12:17

Diad pasnuk to may dragon, insoblay ton labanan iray atilak a kabyangay boleg to may bii, a salanti saray mangoonur ed ganggay Dios tan matoor ed katwaan ya imbawag nen Jesus.

Puyan 2:28

Iter ko met ed sikaray bitewen na kabwasan.

2 Pedro 1:19

Kanyan lalon binmiskeg so pananisia mid impulong na saray propita. Pankaabigan yo no imanoen yo ya, ta aliling toy lamparaan ya onsisindag ed kabilongetan, anggad isabiy Agew tan ibutay ed puso yo na kabontatalad kabwasan.

Juan 3:16

Ta diad ontan lan panangaroy Dios ed sankamundoan inter toy bogbogtung ya Anak to, pian siopamay manisiad sikato et ag nabalang no ag ingen nawalaay bilay ya andi-anggaan.

Isaias 53:1

Onebat iray totoo, Siopa kasiy anisia ed ibabalita mi natan? Siopa kasiy akabirbir ed pakapanyari na Katawan ed sayan agawa?

Say Libro nen Job 24:25

Walay makapangibaga ya aliwa yan tua? Walay makapaneknek ya aliwan tua ray salitak?

Jeremias 15:18

Akin et ag mansamput so paniirap ko? Akin et ag onabig iray sugat ko? Getmam ta ya ekalan ak na biskeg na linawa a singa kolus a nanaekatan no tiagew?

Juan 3:18

Ag nadusa so manisiad Anak, balet asintinsiaan lan nadusa so ag manisia, lapud ag anisia ed ngaran na bogbogtung ya Anak na Dios.

TAGA GALACIA 4:1

Say labay kon ibaga onya: no melag nin ogaw so tumatawir, anggapoy pidomaan tod aripen, anggaman a kayaryan ton amiy kayamanan na ama to.