1 Juan 4:21 - Maung a Balita Biblia

²¹ Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.

Maung A Balita Biblia

²¹ Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.

1 Juan 4:21 Referans Kwoze

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

1 Juan 3:11

Say bangat a nadngel yon nanlapud gapo et saya: nepeg a manaarowan itayo.

1 TESALONICA 4:9

Nipaakar ed pangarod agagid pananisia, ag la nakaukolan ya isulat ed sikayo, ta imbangat lad sikayo na Dios no panoy panaarowan yo.

1 Pedro 3:8

Kaonuran, nepeg a mankakasakey kayod kanunotan tan liknaan. Nepeg a panaaroway sanaagi so panaarowan yo; mapangasi tan mapaabeba kayo.

TAGA GALACIA 5:14

Ta natitibokel so amin a Ganggan ed saksakey a ganggan: Arom so kaparam a too a singa panangarom ed sikan dili.

Juan 15:12

Sikato yay ganggan ko: manaarowan kayo a singa panangarok ed sikayo.

1 Juan 3:23

Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

1 Juan 3:14

Amta tayon imbeneg ti lay patey tan wala ti lad bilay, ta inaro tayo ray agagi tayo. Siopamay ag mangaaro, wala ni ed patey.

1 Pedro 4:8

Manonad amin, manaarowan kayon maung, ta sakuban na aro so dakerakel a kasalanan.

Lucas 10:37

Samay angasid sikato, ebat to may makabat ed Ganggan. Inkuanen Jesus, Laka la, sirin, tan ontan met so gawaen mo.

1 Juan 4:11

Inararo, no onyay impangaro na Dios ed sikatayo, nepeg met sirin a manaarowan itayo.

TAGA GALACIA 5:6

Ta diad saray mikakasakey ed Cristo Jesus, anggapo lay kakanaan na pampasegat o ag pampasegat. Say manona et say pananisian nanengneng a mankikimey lapud aro.

1 Juan 3:18

Anak! Ag tayo nepeg so mangaro diad panamegley na salita o balikas labat. Nepeg ya ipanengneng tayoy tuan panangaro diad panamegley na gawa.

Mateo 5:43

Nadngel yo met a niganggan nen saman, Arom iray kakaarom tan bosul mo ray kalaban mo.

1 Juan 2:7

Inararo, sayan isusulat kon ganggan ed sikayo et aliwan balo, no ag ingen daan a ganggan a wala lad sikayo nanlapud gapo. Say daan a ganggan et say salitan nadngel yo la.