1 Juan 3:9 - Maung a Balita Biblia

⁹ Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

Maung A Balita Biblia

⁹ Siopaman ya anak na Dios ag to ituloy so mankasalanan, ta walad sikato so inkanatural na Dios; tan lapud say Dios so Ama to, ag to nayarian ya ituloy so mankasalanan.

1 Juan 3:9 Referans Kwoze

1 Juan 5:18

Amta tayo ya anggapoy anak na Dios ya itutuloy toy mankasalanan, ta aasikasoen na Anak na Dios, tan ag balut nadiwit na samay Maoges.

1 Pedro 1:23

Ta nianak kayo lamet aliwan diad panamegley na too, no ag ingen diad panamegley na pakayari na mabilay tan ag manganggan salitay Dios.

Juan 1:13

Nagmaliw iran anak na Dios, aliwan lapud nianak iray too, tan aliwa met a lapud linawa na laman o pakayari na too, no ag ingen lapud pakayari na Dios.

1 Juan 2:29

Amta yon matonung si Cristo; nepeg yon kabaten met sirin ya anak na Dios so balang sakey a manggagaway katonungan.

1 Juan 5:1

Anak na Dios so toon manisia a si Jesus et sikatoy Cristo. Siopamay mangarod ama, aroen to met so anak na ama.

1 Juan 5:4

ta balang sakey ya anak na Dios nayarian ton taloen so sankamundoan. Say panatalo tayod sankamundoan et say pananisia tayo.

Juan 3:3

Inmebat si Jesus ed sikato, Ibagak ed sikay katwaan: likud a nianak lamet so sakey a too, ag to nanengneng so Panariay Dios.

TAGA GALACIA 5:17

Ta saray liket na inkatoo et sumlang ed linaway Ispiritu Santo tan say linaway Ispiritu Santo et sumlang ed saray liket na inkatoo. Mansusumlangan ira yan dua, kanyan ag yo nagawaan so labay yon gawaen.

1 Juan 4:7

Inararo, manaarowan itayo, ta say aro manlalapud Dios. Siopamay mangaaro et anak na Dios tan kabat toy Dios.

Mateo 7:18

No maung so kiew, ag makapambungay makapoy; no makapoy so kiew, ag makapambungay maung.

Saray Taga Roma 6:2

Andi! Inatey ti lad kasalanan, panon niy pambilay tid kasalanan?

Saray Gawgawa 4:20

Ta ag mi nayarian ya ag ibalitay anengneng tan nadngel mi.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Say Libro nen Job 19:28

Panoy pamairap tayod sikato? Nananap kayoy pamasengegan yoy pangabil yod siak.

Saray Salmo 119:3

Ag iran balut manggagaway maoges; mankukurang irad saray dalan na Katawan.

1 Juan 3:6

Kanyan siopamay mansiansiad Cristo ag to ituloy so mankasalanan; balet siopamay ituloy toy mankasalanan ag ton balut anengneng o akabat si Cristo.

3 Juan 1:11

Pinablin kaarok, ag mo aaligen so maoges a kagagawa; say maung so alig mo. Say toon manggagaway kamaungan et kayaryan na Dios, balet say toon manggagaway kaogsan et ag to anengneng so Dios.

Levitico 11:37

No nadapoan day bokel ya itatanem, samay bokel mansiansian malinis.