1 Juan 2:7 - Maung a Balita Biblia

⁷ Inararo, sayan isusulat kon ganggan ed sikayo et aliwan balo, no ag ingen daan a ganggan a wala lad sikayo nanlapud gapo. Say daan a ganggan et say salitan nadngel yo la.

Maung A Balita Biblia

⁷ Inararo, sayan isusulat kon ganggan ed sikayo et aliwan balo, no ag ingen daan a ganggan a wala lad sikayo nanlapud gapo. Say daan a ganggan et say salitan nadngel yo la.

1 Juan 2:7 Referans Kwoze

Levitico 19:18

Ag kayo ombabawi ed siopaman a too odino say ituloy yon bosulen, no ag ingen aro yo so kapara yon too a singa panangaro yo ed sikayon dili. Siak so Katawan.

1 Juan 3:11

Say bangat a nadngel yon nanlapud gapo et saya: nepeg a manaarowan itayo.

1 Juan 3:23

Sayay ganggan to: nepeg a manisia tayod ngaran na Anak ton Jesu-Cristo, tan manarowan itayo onung na ingganggan nen Cristo ed sikatayo.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

1 Juan 2:24

Pansiansia yo sirin ed puso yo so salitan nadngel yon nanlapud gapo. No pansiansiaen yoy nadngel yon nanlapud gapo, mansiansia kayo lawas ed Anak tan diad Ama.

Mateo 5:43

Nadngel yo met a niganggan nen saman, Arom iray kakaarom tan bosul mo ray kalaban mo.

Saray Gawgawa 17:19

Kanyan inala ray Pablo, insan da inyakar ed Areopago, tan inkuanda, Labay min amtaen no anto tay balon bangat ya ibabawag mo.

Juan 13:34

Iter kod sikayoy sakey a balon ganggan: manaarowan kayo! Onung na impangarok ed sikayo, ontan met so panaarowan yo.

Saray Hebreo 6:9

Inararok ira, anggan onyay panangibaga mi, anggapoy panduaruwa mi a magmaung so kipapasen yo tan mamapaarap kayod kilalaban.

1 Juan 3:2

Inararon anak, sikatayo natan so anak na Dios, balet aliwa nin malinew no antoy pagmaliwan tayo. Anggaman ontan, amta tayo a diad ipawil dia nen Cristo, magmaliw itayon singa sikato, ta nanengneng tayo diad dilin inkasikato.

1 Juan 3:21

Kanyan, inararo, no mareey konsinsia tayo, walay biskeg na linawa tayod arap na Dios.

1 Juan 4:1

Inararo, ag yo nepeg a sisiaen iray amin a mangibabagan walad sikaray Ispiritu, no ag ingen sobuk yo ni ra no kasin say ispiritun walad sikara et nanlapud Dios. Ta amayamay a tila-tilan propita so linmetaw lad intiron mundo.

1 Juan 4:7

Inararo, manaarowan itayo, ta say aro manlalapud Dios. Siopamay mangaaro et anak na Dios tan kabat toy Dios.

1 Juan 4:11

Inararo, no onyay impangaro na Dios ed sikatayo, nepeg met sirin a manaarowan itayo.

1 Juan 4:21

Saya sirin so ganggan ya inter nen Cristo ed sikatayo: say mangarod Dios nepeg met ya aroen toy agi to.