1 Juan 2:6 - Maung a Balita Biblia

⁶ Siopamay toon mangibagan mansiasiansiad Dios, nepeg a mambilay a singa impanbilay nen Jesu-Cristo.

Maung A Balita Biblia

⁶ Siopamay toon mangibagan mansiasiansiad Dios, nepeg a mambilay a singa impanbilay nen Jesu-Cristo.

1 Juan 2:6 Referans Kwoze

1 Pedro 2:21

Say pantepel na kairapan et kabyangay impamili na Dios ed sikayo; ta nanirap met si Cristo lapud sikayo tan angitilak na oliran ya aligen yo.

Juan 13:15

Impanengneng kod sikayoy sakey ya oliran, pian aligen yo yan ginawak ed sikayo.

1 CORINTO 11:1

Alig yo ak sirin, a singa pangaalig kod Cristo.

1 Juan 3:6

Kanyan siopamay mansiansiad Cristo ag to ituloy so mankasalanan; balet siopamay ituloy toy mankasalanan ag ton balut anengneng o akabat si Cristo.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

Mateo 11:29

Sakbat yoy pakok tan manaral kayod siak, ta mauyamo tan mapaabeba ak, et makapampainawa kayo.

1 Juan 2:4

No ibagay sakey a too, Kabat koy Dios, balet et ag to onuren iray ganggan na Dios, matila tan a too. Anggapo met so katwaan ed sikato.

1 Juan 2:28

On, anak, mansiansia kayod Cristo, pian mataletalek itayo no sikatoy ompatnag tan ag itayo nabaingan ed sikato no Agew na isabi to.

Saray Salmo 85:13

Manonaan ya onlad arap na Katawan so inkatonung, tan iparaan toy dalanen na Katawan.

Juan 15:10

No onuren yo ray ganggan ko, mansiansia kayod arok; singa siak, oonuren ko ray ganggan nen Amak, kanyan mansiasiansia ak ed aro to.

1 Juan 3:24

Siopamay mangoonur na saray ganggan na Dios, mansiasiansiad Dios tan say Dios so mansiasiansiad sikato. Diad panamegley na Ispiritu ya inter tod sikatayo, amta tayo a mansiasiansiay Dios ed sikatayo.

1 Juan 4:17

Say getma na inkayadyari na aro ed sikatayo et say ag tayo itakot no Agew na Okum. Ag itayon talaga ontakot, ta say bilay tayod sayan mundo et kapara na bilay nen Cristo.