1 CORINTO 8:13 - Maung a Balita Biblia

¹³ Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

Maung A Balita Biblia

¹³ Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

1 CORINTO 8:13 Referans Kwoze

Saray Taga Roma 14:21

Maung so ag pangay karni, say ag iyinom na alak, o say ag panggaway bengatlan pansengegan na pankasalanay agim.

2 CORINTO 11:29

No walay onkapoy, milikna ak ed sikato; tan no walay mankasalanan, ontan lay isakit na pagew ko.

2 CORINTO 6:3

Ag kami manggagaway antokaman a pakapankasalanay siopaman, pian ag nabalaw so kimey mi.

1 CORINTO 13:5

say aro aliwan mabanday so kagagawa to, aliwan masiblet, o maipapasnuk; ag mamopokuk na sakit na linawa.

1 CORINTO 6:12

Walay mangibaga, Nayarian kon gawaen so anggan anto. On, nayari, balet aliwan amin et pankaabigan yo. Nayarian ko met ya ibaga, Nayarian kon gawaen so anggan anto; balet ag ak paoleyan ed anggan anto.

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

1 CORINTO 9:12

No saray arum et walay onyan kanepegan dad sikayo, ag kasi nagkalalod sikami? Balet ag mi ya inkanan kanepegan. Intepel mi ingen iray amin a bengatla, pian ag kami makapangyay makasbel ed ikayat na Maung a Balitan nipaakar ed Cristo.

Mateo 17:27

Balet pian anggapoy nibaga rad sikatayo, lakad dayat ta mambanwit ka. Alam so onaan a siran nabanwit mo. Walay kuartan naalmom ed sangi to a dugan ibayar tan buis a para Timplo. Alam, ta ibayar mo.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Saray Taga Roma 14:13

Ag tayo la mansisintinsiaan, no ag ingen saya lay talagan gawaen yo: ag kayo manggagaway pakatumbaan o pakapankasalanay agi yo.

1 CORINTO 10:32

Mambilay kayo ya aliwan sikayoy panlapwan na pankasalanay siopaman--saray Judio, saray Grigo, o saray kabyangay iglisia na Dios.