1 CORINTO 8:11 - Maung a Balita Biblia

¹¹ Kanyan sayan too a makapoy ed pananisia, say agi yon makasengeg na inateyan nen Cristo, nabalang lapud pakaamta yo!

Maung A Balita Biblia

¹¹ Kanyan sayan too a makapoy ed pananisia, say agi yon makasengeg na inateyan nen Cristo, nabalang lapud “pakaamta” yo!

1 CORINTO 8:11 Referans Kwoze

Saray Taga Roma 14:15

No napasakitan moy agim lapud bengatlan kanen mo, sumlang lad panangaro so gagawaen mo. Inatey para agim si Cristo, kanyan nepeg ya ag mo dederaley agim lapud bengatlan kanen mo!

1 CORINTO 8:13

Kanyan no kakanen so makasengeg na pankasalanan na agik, ag ak lan balut mangan na karni, pian ag ko la nalagyat a mankasalanan so agik.

1 CORINTO 10:33

Gawa yoy gagawaen ko; papaliketen koy amin a katoowan tan ag ko nununotey pankaabigan ko, no ag say pankaabigan na amin pian nilaban ira.

Juan 6:27

Mankimey kayo, aliwan pian nawalaan kayoy kakanen a naderal, no ag ingen pian nawalaan kayoy kakanen a mansiansia ya anggad bilay ya andi-anggaan. Iter na Anak na Too yan kakanen ed sikayo, lapud sikatoy initday Dios Ama na pakayari to.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon sasakey labat so Dios.