1 CORINTO 11:24 - Maung a Balita Biblia

²⁴ akisalamat ed Dios, insan to pinipisag tan kuanto, Sikato yay laman ko a para sikayo; gawa yo ya a pakanudnunotan ed siak.

Maung A Balita Biblia

²⁴ akisalamat ed Dios, insan to pinipisag tan kuanto, “Sikato yay laman ko a para sikayo; gawa yo ya a pakanudnunotan ed siak.”

1 CORINTO 11:24 Referans Kwoze

Isaias 26:8

Oonuren miy linawam tan manmamatalek kamid sika; sika labat so pampilpilalekan mi.

Kanta nen Solomon 5:1

Linmoob ak la ed tanamanan ko, O inarok, O nobiak. Manaala ak na saray tanamanan kon balsamo tan mira; manaakan ak na dilok ed obung na bayaung; oniinom ak na alak ko tan say gatas ko. Mangan tan inom kayo, sikayo ran manangaro, anggad nabuek kayo na aro!

Probirbio 9:5

Gala dia, mangan kad kakanen ya imparaan ko tan inom kad alak a tinimplak.

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundosakey a ponsian sankananaman iray kakanen tan sankaabigan iray alak ya isaklang.

Kanta nen Solomon 1:4

Ala mo ak, ta ombatik ita; sika so arik tan iyakar mo ak ed kuartom. Manliket itan dua, penepeneken tay sikaton dili ed panangaro a singa pampera na sakey a too ed alak. Ag pankelawan ya inaro ka na amin a bibii!

Saray Salmo 111:4

Ag ipapalingwan na Katawan iray makapakelaw a kimey to; sikatoy mapangasi tan maabagey.

Mateo 26:13

Natan, tandaan yo ya! Inerman ed sankamundoan so pangipulongan na sayan Maung a Balita, nasalitay ginawa to yan bii a pakanudnunotan ed sikato.

Saray Salmo 22:29

Ondakmomod sikato iray amin a totoon mapaatagey; ondakmomod sikato iray amin a totoon manganggay bilay da.

Saray Salmo 22:26

Saray mairap-bilay mangan iray labalabay da; saray ondaragod Katawan igalang da. Onaligwas ira komun ed ando lan ando!

Josue 4:7

ibaga yod sikara a tinmondan onagos so danum na Jordan nen imbaliw diman so Kaban na Sipanan na Katawan. Saratan a bato et mangipanunot lawas ed saray totood Israel na nipaakar ed agawa dia.

Exodo 28:12

Ipeket mo ra ed saray balabal na takeb na ipod, ta sikaray pakanudnunotan ed saray boleg na Israel. Diad onya si Aaron sakbaten tod saray takeb to so kangaranan da, pian siak a Katawan et nanunotan ko lawas iray totook.

1 CORINTO 11:23

Ta inawat kod Katawan so bangat ya inter kod sikayo: say Katawan a Jesus, diad samay labin impangyawat dad sikato, angalay tinapay,

1 CORINTO 11:25

Ontan met kasumpal dan nandem, angalay kupa tan kuanto, Sayan kupa sikatoy balon impisipanay Dios a paneknekay dalak. Kapag oninom kayod saya, gawa yo a pakanudnunotan ed siak.