YUDA 1:6 - PIPÏLIA

⁶ Anan ya malayken cho kiyörchï kegh wowïn kïsir nyini le nyingwa, akïpïstö möngengwa nyo kö pö su. Kikïrata Tororöt chane sïrïmtin akureytö wölo tuw, akïkörchï chane wölini ntökïtenö kwitï Asisay wow kirwokini chane.

YUDA 1:6 Referans Kwoze

2 PETRO 2:4

Kimesyonchïnye Tororöt malayken cho kigh ngokï, wölo kïtorchï chane ngwen wölo tuw kïrötot kïköngöy kirwok.

EPESO 6:12

Ompöwölo melö kïporsonecha nko pikö walaka, wölo kïporsonecha nko lïk nyo pö ilot cho ghach cho pö ngwïnyinï cho pöytoy akïtïng kimukat nko owesyö cho pöytoy ngwïnyinï pö tuwïn.

MATAYO 25:41

“Atolapay kïlenchï pïchinö mi ewu löt, ‘Apeghena wölo omitan cho kikechïpok, ape olïte mapa kokay nyo kikengotyï Onyöt nko malaykenichi!

MATAYO 8:29

Kïnyini kuteghyö tya lö, “Kïtïngecha kegh ne nko nyi nya, Wero Tororöt? Kengwïnanyi so inyarilecha kong kïtomö kwitïta asistanyi?”

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

EPRANIA 10:27

nyo köngötï nyu kï kirwoko Tororöt nyo pö otyogh nko ma nyo ngwan nyo ngwïnöy kuwuröy pich löwïr cho möterchinicha nyinte.

YOANA 8:44

Ochikwa moneko papongwo Onyöt. Ki pörin nyinte kïngeta towunöt. Meghyongonye nyinte okumpö man, ompöwölo möminye man orinyi. Otini ngölonöy nyinte ngala putintön, kwighöy lenyoni, ompöwölo putin nyinte akï papoto putintön kïmïkul.

NGONGUT 20:10

Atolapay kewirchï Onyöt nyo kilïs pich nanampa ma nyo ngwan lakat, mapa koghïn cho nöghsot. Kikïwirchï wöloni tïkwïl tyonyay nko werkoyontonay pö putintön. Nyörïlyegho chane wöloni pöghet nko nangat, kokay nko kokay.

MATAYO 10:15

Omwowokwa nyoman lö, syonchini Tororöt asispa kirwok tya pipö Sodoma nko cho pö Komora, kïsir piko kanasyantanoni!

RUMI 2:5

Akwompöwölo kelïkunyi tighin, nyo mölïmönye ngal, imitenyi itösini kegh kïngwanit tya sitöt nyo koninyi Tororöt ompö asis nyo poru nyinte nörekyenyi ompö ngokï akurwokï pich ompö man.

YUDA 1:13

Karkegh chane nko mïrtino pögho nanam, cho mïlu pïchan nyo pö pöghisyewutkökwa cho pö arasï. Karkegh chane nko kokel cho pestotoy akï cho wetöy Tororöt kïkörchini wölo tuw lömïs kokay.

NGONGUT 20:2

Kïnam ntaranay moroyonanya kipö könyisyok, nyaye le Onyöt akï Oyin. Kinam akïrat nyinte könyis elpu akonga