YUDA 1:20 - PIPÏLIA

²⁰ Wölo cho le akwa kongotichu, aleta tagh achïchima kegh ompö kighanatengwo nyo tïlil nyoman, asagh ompö owesyo Mïkulögh nyo Tïlil,

YUDA 1:20 Referans Kwoze

EPESO 6:18

Asagha kïnomnyö ompö owesyo Mïkulögh nyo Tïlil. Osomö Tororöt kingarakat. Osyepisyenö moghochö, osoghchinö pipö Tororöt löwïr kïtenö osis

1 KORINTO 14:15

Oghan ne nyu nya? Osoghonan mïkulöwunyu, asoghonan ngöghomnyenyu. Otumonan mïkulöwunyu, atumonan ngöghomnyenyu tïkwïl.

KOLOSAY 2:7

Mïchinokwa osïkö sikin ompö nyinte achïchïm ompö kighanatengwo kïle wölo kikinetïtakwa. Alïkwï pich cho oyokyini Tororöt söro nyoman.

1 TESALONIKE 5:11

Kïlenyona nyu asaghsagha kegh angarak kegh akwane lenyoni omitekwa oghöy ye.

1 KORINTO 14:26

Anyï kïyoni omwoghan, werköcho. Otini karyamakwa asagh, tumö chitö anka, kunetisyö anka, kïmwowï anka ngongut nyo ngwïno wölo mi Tororöt, kïmwowï anka ngölyon ompö kut nyo sis, kïwöghökwï anka ngalechoni. Mïchini kegh kïgh nyo kilöy kanisa.

RUMI 8:15

Ompöwölo meghokwanye sekey Mïkulögh nyo kikonokwa Tororöt, amelö ighokwa onyökoröchitunö, wölo ighokwa alïkuna monïngo Tororöt akwighecha Mïkulöwunoni kekurö Tororöt lö, “Papo! Paponyu!”

KALATIA 4:6

Kiyonï nyu Tororöt Mïkulöwuto Werïnyi kïlït mïkulöwecha, riröy Mïkulöwunoni lö, “Papo, Paponyu.”

EPESO 4:29

Makany kelïma kwenunkwa ngölyon anka tïkwïl nya gha. Opöghisyeghenö kïnomyö ngal cho tïng tösunöt akïteköy pich atökutö pöropchö pich cho teröy ngalekwa.

IGHISYEWUT 9:31

Kïlenyona nyu, kïnyorï kimïny nko kalya kanisa kïmïkul nyo kimi Yudea nko Kalilaya nko Samaria. Kïtösisyö pich kïchangit cho kighan ompö kingarakata Mïkulögh nyo Tïlil, akïpesïta ompö kiwaghata Echotyon.

EPESO 4:16

Tuyot nyu portö kïmïkul ompö nyinte akïnomnyö ngichayay löwïr kïrïp kegh nko wölo kikighta. Otini kö pöghisyö ngichaya anka tïkwïl le wölo roko, kïnöröy nyu portö kïmïkul akïteka ompö chomnyogh.

EPESO 4:12

Tökumï kwigh pipö Tororöt kï pöghisyö atökïtek por pö Kristo,

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

SAKARIA 12:10

“Onyïghitan mïkulöwu kisyonchin nko saghat pipö ara pöytoghin Daudi nko pipö kanasyanta Yerusalem. Ato topön chane nyinte nyo kipara chok, kïsönönchï le chi nyo sönönchini montanyi nyo le akonga atoma, anta le nyo kamegha poretyenyi.

1 YOANA 5:4

ompöwölo muköy mompö Tororöt anka tïkwïl kïrïnta ngwïnyinï. Akï ore nyo kïrïnteghonecha ngwïnyinï kï ompö kighanatenyo.

YAKOPO 2:22

Mesïwïyenyinye so lö kinomnyotö kighanatenyi nko ighisyewutkachi? Kiten kighanatenyi ompö ighisyewutkachi,

TITO 1:1

Ani Paulö mötworinto Tororöt achï kiyoktoghinto* Yeso Kristo,* nyo kakirï palalyantanï. Kikïkïlanïn akeyoktanïn owö angarak kighanata pipö Tororöt cho le löwönkachi atanet chane ngala man pö ngölyonto Tororöt nko konyït nyo kïkonyïtöy Tororöt,

1 KORINTO 10:23

Mwoghöy chane lö, “Kïchomwecha keghe kïgh anka tïkwïl.” Lata nyoni nyoman, wölo melö karamach tïkwïn tïkwïl, “Kïchomwecha keghe kïgh anka tïkwïl,” wölo melö ngörokecha tïkuchoni löwïr.

RUMI 15:2

Akanya kwigh chi anka tïkwïl pöröryenyi kïngarak atökïtech nyinte ompö kighanat.

IGHISYEWUT 15:9

Akimatarechanye kesisituna nko chane. Kilöstoghchï chane ngokikwa ompöwölo kighan.

2 TIMOTEO 1:5

Ononan tïkwïl kighanat nyo puryö lïs nyo itïngetenyi, kighanat nyo karkegh nko nyo kitïng kokötöngu Lois nko yongu Yunis akï nyo otïngetan man lö mi oringu tïkwïl.

1 TIMOTEO 1:4

Mwochinö chane kuchal ngalechay pö tyankoy nko kinanat nyo pö kukötin cho chang cho kikuwer cho ipu kimölöto kegh amengörokönye pich ngalechoni kenagh tötut pö Tororöt cho kinkïtu ompö ara kighanat.

1 KORINTO 1:8

Komönokwa nyinte ntökwit söröm, atömökïsöchokwa lelut ompö Asisoni pö Echotyontenyo Yeso Kristo.

NGONGUT 13:10

Chi nyo kakemutyï kenam akewuw, kenömöy akewuwöy lenyoni nyo mötïny. Akwanka tïkwïl nyo kakemutyï kepara chok, kepöro chok nyo mötïny. Kïlenyona, mïchini pipö Tororöt kïmïkukön ompö kighanat.

YUDA 1:3

Tupchenichu, kyotïngetan machat, akirwokwa ngala sörunöt nyo kïghömö tïkwïl, wolö kasïwan lö mïchini akirwakwa lawel atosïkö mïkulögh akilkegh lasiny ompö kighanat nyo töni Tororöt pikachi kïnyïl akonga kïpoto.

2 PETRO 1:1

Kakiran palalyantanï ante Simon Petro nyo ochï mötworin achï akonga ompö kiyoktoghinto* Yeso Kristo.* Kakirwakwa cho kyonyorï kighanat nyo pö olyot nyo wow lenyini kikïnyorucha ompö manpa Tororötïncha nko Ghetintencha Yeso Kristo:

IGHISYEWUT 6:7

Kïlenyona kulet tagh ngölyonto Tororöt kïyasta akïtösisyö nyoman ompö Yerusalem kiyitöto kighönï, kughan tuyot nyo wow nyo pö tïsï tïkwïl kighanatanoni.