YUDA 1:18 - PIPÏLIA

¹⁸ Kimwowokwa lö, “Chumu pich osiswo söröm cho nyernyerenekwa akï pich cho rïpöy pïrchintinekwa cho mökonyïtönye Tororöt.”

YUDA 1:18 Referans Kwoze

2 PETRO 3:3

Nyo pö tagh, mïchinokwa onkïtune lö, itu pich osiswo löt cho pöyu möngengwa möchutkökwa cho pö por. Nyernyerenekwa chane,

2 TIMOTEO 4:3

Pkonöy osiswö cho mökïteröcha pich kinetut cho pö man, akïrïp pïrchintinekwa, akïghömïtï kegh konetï cho chang tya cho mwochini chane ngal cho chömöy yitikwa kïlïmöy.

2 TIMOTEO 3:13

Tösöy tagh kïghochitu tya pich cho ghach cho le lïsï cho lïsöy pikö walaka akelïs kegh chane tïkwïl.

2 PETRO 2:1

Kïle wölo kichumuna kwenu pich werkoyi putintön ompö osis cho kikuwer, kuchumu lenyoni tïkwïl koneti putintön kwenunkwa. Lepu chane kinetut cho wuröy pich, akï pö putintön, akïtagh Echotyon nyo kisörï chane. Akwompö aranoni kwipchï kegh kiwurat nyo chumchini lö tursïs.

IGHISYEWUT 20:29

Onkïtön lö atowan kulungokwa suyï cho köromöch, amesyonchinicha okwot pö kechir.

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

2 PETRO 2:10

ntökïmïr pich cho rïpöy pïrchintin pö por cho ghach cho le sïmnyon akï sas wowïn pö Tororöt. Pkatis konetichoni akunisonchot ametönicha konyït ighan cho ororöch cho mi parak, nyinö köteghöy lenyoni kumwa.

YUDA 1:4

Ompöwölo mi pich cho kilepï kegh kïlïtu kwenuncha cho mewöghöcha Tororöt, akïkwanykwany pich tömökïpköchïnye lasiny ngala pöropcho Tororötïncha akï töghöy pöytoghintenyo nyo le nyinte onkït akï Echotyontenyo Yeso Kristo. Ighöy chane lenyoni atökïnyorï ortïn cho igho ngalekwa cho ghach. Wölo kikikïngor Kikirut otini le könyisyok kirwok nyo nyoru pïchoni.