YOSWÖ 6:26 - PIPÏLIA

²⁶ Kyomchï nyu Yoswö muma atoni lö, “Chïpote chi ompö tawu ECHOTYON nyo teköy kanasyantanï pö Yeriko. Meghöy poretya chi nyo toröy kïteköy kanasyantanï akïmeghöy töwonionto chi nyo teköy kukoti.”

YOSWÖ 6:26 Referans Kwoze

1 PÖYTOGHÏ 16:34

Kïtek ngat Iyel nyo ngwïno Petel kanasyanta Yeriko ato kipöytoghin Aap. Kima Apiram poretya Iyel otini kitor nyinte kïtek kanasyanta Yeriko, akïma töwoniontenyi Sekup otini kimi nyinte kïteköy kukotiko kanasyan kïrïp kegh nko ngölyonto ECHOTYON nyo kökimwa ompö Yoswö wero Nun.

IGHISYEWUT 19:13

Kimi pipö Yaudi walaka cho kipestoy akïyono oy cho ghach pich cho kimukyï kwigh lenyoni ompö kaynata Echotyon Yeso kïlenchï oyichay, “Omwowokwa lö ongetunenö chichï ompö kaynata Yeso nyay omtoy Paulö.”

MATAYO 26:63

Wölo kïsï Yeso lasay. Kïlenchï Tïsintonay, “Omunyi muma ompö kaynata Tororöt nyo satate lö mwowu ne köny ato ichinyi Kristo,* Wero Tororöt.”

MALAKI 1:4

“Ato lö pipö Edom cho pö ara Esau, ‘Kïrkegh kenyar kanastinecha, kïtekecha ngat,’ omwoghan ante ECHOTYON Kimuktoghin lö, ‘Orultenan kïrkegh kïtek ngat.’ Kïkuro korengwa, ‘Koro ghöyityö,’ kekurö pikökwa, ‘Pich cho nörekyini ECHOTYON kokay.’ ”

1 PÖYTOGHÏ 22:16

Wölo kïlenchï Aap nyinte, “Komwowunyi kïnyïl cho chang lö ato ingölonöy nko ani ompö kaynata ECHOTYON kïmïchini mwaghanyi ngala man?”

2 PÖYTOGHÏ 2:4

Atolapay kïlenchï Eliya Elisya, “Kaykay töpene yete le Petel, ompöwölo kayontanïn ECHOTYON wölnö le Yeriko.” Wölo kuyokyï Elisya lö, “Kile ato söpöy ECHOTYON nko nyi, melö opïstoninyi kokay.” Kïpa nyu chane kwodeny ntökwitïta Yeriko.

YOSWÖ 16:7

Atolapay kïröytö ompö Yanoa ntökwit Atarot nko Naara, kïnam Yeriko akiwö kuwonyechï Yordan.