YOSWÖ 24:19 - PIPÏLIA

¹⁹ Wölo kïlenchï Yoswö pïchay, “Melö omukekwa opöghisyechinö ECHOTYON, ompöwölo Tororöt nyinte nyo tïlil akï söstoghin ompö tororötin walaka. Melö löstoghekwa lelutkökwo anta ngokikwo.

YOSWÖ 24:19 Referans Kwoze

ISAYA 5:16

Wölo kikusöy ECHOTYON Kimuktoghin ompö man akuporu tïlilyenyi ompö kirwok nyo rwokyini pikachi.

WUWÖT 23:21

Orip kegh ompö tawunyi ater cho mwoghöy. Mapeny ngalechi, ompöwölo mölöstewekwanye lelutkökwo, ompöwölo mi kaynenyan orinyi.

TUMWÖY 99:9

Asala ECHOTYON Tororötïncha asagha nyinte ompö kutïngtanyi nyo tïlil. Tïlil ECHOTYON Tororötïncha. Tum nyo kiyokyino Tororöt sörö.

TUMWÖY 99:5

Asala ECHOTYON Tororötïncha, asagha ompö tawu ngacharenyi! Tïlil nyinte!

LAWIN 19:2

“Mwochinö pipö Israel lö otïlilitunö, ompöwölo ochan tïlil ECHOTYON Tororötïnkwa.

WUWÖT 20:5

Mesagh tïkuchoni anta ipöghisyechï, ompöwölo ochan ECHOTYON Tororötïngu nyo le söstoghin ompö tororötin walaka. Otökonan monïng ghöyïntino papotïnekwa pïnta nyo pö sömök nko nyo pö angwan, chona reyanïn.

1 SAMWEL 6:20

Kïlö pipö Pet Syemes, “Ngo nyo muköy ngalechï pö Santuku Muma ECHOTYON, Tororötnï tïlil? Akïngeto yi kïwetöy wölo mi ngo?”

WUWÖT 34:14

“Mesagh tororöt anka tïkwïl, ompöwölo ochan ECHOTYON, Tororöt nyo le söstoghin ompö tororötin walaka.

MATAYO 6:24

“Möminye chi nyo pöghisyechini echot odeny, ompöwölo töghöy anka kïcham anka, anta terchï nko anka kïsas anka. Momukekwanye topöghisyechï Tororöt nko mökosyö.

ISAYA 30:15

Ompöwölo mwoghöy Echotyon TORORÖT Kimuktoghin, Tororöt pö Israel nyo Tïlil nyo pö Israel pich lö, “Kïsörwokwa ato omïlonchekwa, aghananïn. Osïkekwa nyu owesyö atïpï ato tïghume.” Wölo ataghakwa agha lenyoni!

ISAYA 30:11

Amalteghena kegh arencha, anategha kegh ompö arencha nyo kiweröy. Melö tökemökecha kelïme ngat ngala Tororöt pö Israel nyo Tïlil.”

2 OTÖPTINO OSIS 36:16

Wölo kitas tagh kïpeny mötwori Tororöt, pirönö ngala Tororöt akïngem werkoykachi, tökïtenö kïnyölechï ECHOTYON pikachi tömökïminye wölo chïwïto.

1 SAMWEL 3:14

Owolwolan ye lö, memukonye ghöyityo kö pö Eli ntöketïlilö amöros anta kitötogh kokay.”

RUS 1:15

Kïlenchï nyu Naomi Rus, “Kesïwenyi lö kiwö korkenkwa kïmïla wölo mi pikökwa akïmi tororötïnyi. Mïlena rïpa korkengwo.”

YOSWÖ 24:23

Kïlö nyu Yoswö, “Alastena tororötinechï le to mi kwenunkwa, akany kutang mïkulöwekwa wölo mi ECHOTYON Tororöt pö Israel.”

LAWIN 20:26

Alïkuna cho tïlilöch ompö ani, ompöwölo ani ECHOTYON, ochan tïlil. Ani nyo kyangotokwa asisituna nko pich walaka atalïkuna chichan.

LAWIN 10:3

Kïlenchï Musa Aron, “Kimwowï ECHOTYON ngalechï otini kilö, ‘Mïchini kïkonyït pich löwïr cho pöghisyeghwanïn tïlilyenyan aporchinan chane ororyenyan.’ ” Kïsï Aron lasay.

APAKUK 1:13

Tïlilöch konyiku tya cho mötopönöcha ghöyityö, amöchömönye kïsïwa pich cho le lelï. Ompö ne nyu tesisenyi otinö mi mwokïyis kuwongöy pich cho tïlilöch kïtïl chane?

ISAYA 27:11

Silonchot mori ket akïmïrisyö, atolapay kïghamït korï kïlïkwï kwenkakwa. Akwompöwölo melö kisïkwï pich kïgh, kïtagh Ighintengwa Tororöt kusyonchï chane.

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

LAWIN 20:7

Otïlilitö kegh nyu, ompöwölo ochan ECHOTYON Tororötïnkwa.

YOSWÖ 24:18

Kiyon ECHOTYON ompö tawuncha pipö Amori cho kimöngöy koronï, kïlenyona, kïpöghisyechinecha ECHOTYON, ompöwölo nyinte kï Tororötïncha.”

TUMWÖY 99:3

Nya kïsal pich löwïr kaynenyi nyo pö otyogh. Tïlil nyinte!

NAUM 1:2

Töni ECHOTYON Tororöt sitöt nyo mötïny pich cho söghöy tororötin walaka. Mungöy pich ompö kitököt ompöwölo pïchoni cho kigh nyinte kïnarek.

LAWIN 11:44

Ochan ECHOTYON Tororötïnkwa otïlilö kegh ompöwölo ochan tïlil. Amosïmnyon kegh ompö kïgh anka tïkwïl nyo westegho ngwïny.

LAWIN 11:45

Ompöwölo ochan ECHOTYON nyo kyamïtwakwa apkanena koro Misri atalïkwan Tororötïnkwa. Kïlenyona otïlilitunö ompöwölo ochan tïlil.”

ISAYA 2:9

Kimïnïngitöy nyu chi anka tïkwïl aketö arasï. Melöstoghchï chane ECHOTYON!