YOSWÖ 24:15 - PIPÏLIA

¹⁵ Wölo ato mochömekwanye opöghisyechinö ECHOTYON akïl asisete lö ngo opöghisyechini, ato kö tororötinechay kipöghisyechini papotïnekwa ompö koro Mesopotamiya, anta tororötino pipö Amori chï omöngekwa korengwa, wölo ani nko katanyan opöghisyechinan ECHOTYON.”

YOSWÖ 24:15 Referans Kwoze

1 PÖYTOGHÏ 18:21

Kïwö Eliya wölini akïlenchï, “Otomtomönekwa nko oyï? Ato ECHOTYON kï Tororöt, asagh nyinte kïnyïl ato kö Paal arïp!” Wölo kïsisyö pïchay lapay.

KINONO KIRURUT 29:18

Kïlenyona mömïchininye kïrumunö chi kwenunkwa nyo le mïrön anta korka anta kapor anta ortïn nyo mi asete nyo wöghököy mïkulöwunyi akïpïstö ECHOTYON Tororötïnyo akïwö kïpöghisyechï tororötino puntonichoni. Atömökarkegh nko ket nyo yinu akwa cho ngwonöch le ködöwï.

ESEKEL 20:39

Kïlenyona lentöy Echotyon TORORÖT, “Ape nyu, we pipö Israel asaghatena körkeyïntinekwo kokay ato moterwanïkwanye. Wölo itïtoy ato melö tosïmnyonekwa kaynenyan ompö ropöwekwa nko körkeyïntin.

IGHISYEWUT 11:23

Nyini kitïta akïsïwa wölo kisoyöntö Tororöt piko wöloni, kïngarak akukil chane lapay kïrïp Echotyon ompö mïkulöwekwa kïmïkul.

WUWÖT 23:24

Mokïtïngchï tororötinekwa anta asagh anta arïp ighisyeghutkökwa. Mïchini anyarakwa arultö pchörinekwa kïlïkwï mïrngany.

KIRWOKÏ 6:10

omwowokwa lö, “Ochan ECHOTYON Tororötïnkwa, masagh tororötino pipö Amori cho omöngekwa korengwa.” Wölo kyapenyakwa ngalechan.’ ”

TOWUNÖT 18:19

Ompöwölo onkïtön lö sötöy nyinte monechi nko piko konyi cho rïpu nyinte kïrïp arenyan, akwigh man, atamukan otö Apraam kiyomisutköchan.”

TUMWÖY 101:2

Otöponan ompö or nyo puryö lelut, ingwïnenyi oyï wöl omitan? Omöngan konyu ompö kitenat.

TUMWÖY 119:106

Oripan ayomistanyu lasiny mapeny, arip möchutköku cho pö man.

KINONO KIRURUT 13:7

Tororötino punton cho möngöy nko akwa anta cho lowöch.

WUWÖT 34:15

Meam mis nko pipö korononi, atömapa pich kwigh cheporesnan nko tororötinekwa akutö ropöw akïkurinyi atyamanyi ropöwekwa

TOWUNÖT 35:2

Kïmwochï Yakopo piko konyi nko pich tïkwïl cho kimi nko nyinte lö, “Apakaytena körkeyïntino tororötin cho mi kwenunkwa cho pö pipö puntoni walaka atïlil kegh awaghach sïrokökwo.

YOSWÖ 24:16

Kuyokyï nyu pïchay lö, “Mökïpïstonechanye kepöghisyechinö ECHOTYON akepöghisyechï tororötin walaka.

DANIEL 3:18

Wölo kïrkegh mösörwechanye, we pöytoghin, inkïtï lö, melö kïpöghisyechinecha nyonikïny tororötineku anta kïsagh körkeyïnï pö koltin kighanyi.”

MIKA 4:5

Soghöy puntonï löwïr akïterchï tororötinekwa, wölo kïsoghecha ECHOTYON Tororötïncha kokay nko kokay.

WUWÖT 23:2

Marïp söpïch apa agh ghöyityö. Ato osowintönöy ompö kirwok, moghöpönö ngala man.

LAWIN 14:42

Atolapay kechengwï koghïn walaka aketö walay kikïponchos akechengwï nyïngwïny walaka kemala wölay kikïngongogh ompö köyay.

1 OTÖPTINO OSIS 1:14

nko pipö Yepusi nko pipö Amori nko pipö Kirkasyi