YOSWÖ 21:45 - PIPÏLIA

⁴⁵ Möminye nyo le ompö akonga ompö kiyomisutchay löwïr kimwa ECHOTYON nyo meghanye. Kipuntö löwïr.

YOSWÖ 21:45 Referans Kwoze

1 PÖYTOGHÏ 8:56

“Nya kïsala kaynata ECHOTYON nyo ketö kalya pikachi Israel, kïrïp kegh nko kiyomisötenyi. Möminye ngölyon nyo le ompö akonga nyo köngötï metïta ompö kirurutkachi löwïr cho pö töngönchin, cho kimwowï mötworintenyi Musa.

KIYITUT 23:19

Melö lenye Tororöt chi nyo mïröy put? Amelö lenye chi nyo wöghököy ngalechi. Ato kimwa kwighöy akupuntoy kïgh nyo kiyomis.

1 TESALONIKE 5:24

Ighöy nyinte nyo kikurokwa ngölyontononi ompöwölo ghanate nyinte.

1 KORINTO 1:9

Ghanate Tororöt nyinte nyo kikurokwa oghömenö nko Werïnyi, Echotyontenyo Yeso Kristo.

EPRANIA 6:18

Mi nyu tïkuchoni le odeny: kiyomisöt nko muma, memuköcha tïkuchoni ntökïwöghökisyö, amemukönye Tororöt kïmwoghöy putintön, nyo ighecha chï kiketach kiyomisötononi kekile kegh lasiny otini kïmitecha kerïpöy kikönöt nyo kiketö tawuncha.

TITO 1:2

nyo rïpöy kegh nko kikönöto söpon pö kokay. Kiyomiswecha Tororöt, nyo mömïrönye putintön söpononi kïngeta otini le towunöt,

ISAYA 48:3

Mwochini ECHOTYON pipö Israel lö, “Kyangoran könyisyok kïgh nyo itu, akwigha kini lawel lenyini.

1 SAMWEL 3:19

Kïyetï Samwel akimi ECHOTYON nko nyinte amöminye ngölyon nyo kimwa nyo kiwö ngwïny.

1 PÖYTOGHÏ 8:15

Kïlö ompö saghatenyi, “Nya kïsala ECHOTYON Tororöt pö Israel nyo kakïrip kiyomisötenyi nyo kimwochï paponyan Daudi, lö,

1 PÖYTOGHÏ 8:20

“Kepuntö ye nyu ECHOTYON kiyomisötenyi nyo kimwa. Kotöpan ngacharuto paponyu le pöytoghintö Israel, akyatekan Kö pö Tororöt nyo kïsogho ECHOTYON, Tororöt pö Israel.

1 PÖYTOGHÏ 8:24

Keripönyi kiyomisötengu nyo kimwochinyi paponyan Daudi. Ketïta ngölyon anka tïkwïl asisete nyo kimwochinyi nyinte.

NEEMIA 9:8

Ompöwölo kisïwenyi lö kighöninyi nyinte kyamanyi muma* nko nyinte lö, itöninenyi monechi koro pipö Kanan nko koro pipö Ititi nko Amori, koro pipö Peris nko Yepusi nko Kirkasyi. Kepuntenyi ye nyu kiwalwalatengu, ompöwölo ipoyenyi man.