YOSWÖ 18:10 - PIPÏLIA

¹⁰ Kïchöghchï Yoswö chane ompö parata kwegh ompö tawu ECHOTYON. Kïchöghchï nyu nyinte ortïna pipö Israel koroswekwa.

YOSWÖ 18:10 Referans Kwoze

KOLOSAY 1:12

Oyokyinö Papo sörö nyo kasïwa lö mïchinecha kenyorunö kareran pö tïkwïn cho kingotyï nyinte kïlankachi ompö paytaghtanyi nyo pö löpoyïn.

IGHISYEWUT 13:19

Otini kökikunyar punton cho le mut nko odeny cho kimi koro Kanan kutö pikachi kïpöyï koronay,

YOSWÖ 18:6

Achagha korononi kïlïkwï wop mut nko odeny, apkanïkwa nyu tötutkö, atochöghwok ompö parata kwegh ompö tawu ECHOTYON Tororötïnyo.

IGHISYEWUT 26:18

Nyi nyo iyotyini chane konyikwa ategha chane kïmïlisyeghö tuwïn kïpka wölo mi löpoyïn, akïngetunö owesyo Onyöt kïpka wölo mi Tororöt, akelöstoghchï chane ngokikwa ompö kighanatengwa nyo tïng ompö ani, atökelöwönchï wölo tïpisot nko pich cho le kïlanpa Tororöt.’

YOANA 17:2

Ompöwölo kitönönyi nyinte kïpayta pich löwïr, atökumï nyinte kutö söpon pö kokay pich lapay cho ketönönyi nyinte.

MATAYO 27:35

Otini kiwany kïwudochï Yeso kimurtöwon, kïpöghisyeghö chane söker kupar sïrokachi,

ESEKEL 48:29

Koronï nyu nyo ichöghchinenyi ortïna pipö Israel, kïrïp kegh lenyoni. Mwoghöy Echotyon TORORÖT.

ESEKEL 47:22

Ichöghenyi kïlïkwï mïlatenkwa nyo le nyinkwa nko to nko monekwa cho kikïyichï korenkwa kïnyorï tïkwïl mïlat kïkarkegh nko akwa. Lenye chane monïngo pipö Israel.

NGÖTÏNYÖ 18:18

Kïpïröy kura tökuwany kimölöto kegh, akepesyö pich cho owesöch cho poryot.

TUMWÖY 61:5

Kelïmanyi kiwolwolutköchan, we Tororöt, akekonaninyi mïlat nyo pö chane cho konyïtinyi.

TUMWÖY 47:4

Kikïlwecha kor nyo kïmïlöy Yakopo nyo le chamanenyi.

YOSWÖ 19:51

Chete kï koros cho kichaghta Eleasar tïsin nko Yoswö wero Nun nko poyi ortïna pipö Israel ompö parata kwegh ompö Syilo, tawu ECHOTYON ompö kuka Ema nyo mi ECHOTYON.* Kuwany nyu kïchaghta koros.

YOSWÖ 18:8

Kïlenchï Yoswö pïchay petöy kukirotoy kor, “Ape apestegha korononi akir, atolapay apkan wölo omitan ngat, atochöghwok ompö parata kwegh ompö tawu ECHOTYON ompö Syilo.”

KIYITUT 34:16

Kïlenchï ECHOTYON Musa,

YOSWÖ 18:9

Kïlenyona kïpa pïchay kïpestegha koronay, atolapay kukirchï kitapï akïtat woptin mut nko odeny kimi nko kanestinekwa. Atolapay kïpa wölo mi Yoswö ompö möngot pö Syilo.

YOSWÖ 18:11

Kechöghchï ara Penchamen koroswekwa kïrïp kegh nko korikwa. Kimito koroswechoni kwenu pipö ara Yuda nko Yosep.

YEREMIA 7:12

Ape nyu Syilo, kanasyantenyan nyo kyakïlan köny lö kïsoghenanïn tasïwena wölo kyanyartan ompö ngoki piköchan, pipö Israel.

MIKA 2:5

Kïlenyona ato itïtoy atoni, möminye nyo tökemutyini par.

YOSWÖ 14:2

Kipegha chaghengwa nyo pö koros parata kwegh lenyini kimwochï ECHOTYON Musa kwighchï ortïn mut nko angwan nko kareranpa ara Manase nyo pö odeny.

YOSWÖ 14:5

Kupar pipö Israel koros lenyini kimwochï ECHOTYON Musa.

YOSWÖ 23:4

Kyokonokwa kïlïkwï chikwa koroswo puntonichay kingötï nko cho kyarïntan löwïr, kïngata Yordan ntökwit nanampa Kwen mi okumpö ta.

1 OTÖPTINO OSIS 24:5

Ompöwölo kimito kwenu monïngo Eleasar nko Itamar yetïntino Kö pö Tororöt* nko cho netisïyi, kïlenyona kikïchöghchï chane ighisyewutkökwa ompö pkiryot.

NEEMIA 11:1

Kimang nyu Yerusalem kintöghoghï, atolapay kïnget pich cho kingötï kïpïr kura lö tökïmang kareran akonga ompö taman Yerusalem, kanasyan nyo tïlil, kudong chinö le mut nko angwan ompö taman kanastin walaka.