YOSWÖ 14:12 - PIPÏLIA

¹² Kïlenyona nyu konanïn wölo le koro kamas lenyini kimwa ECHOTYON asisoni, ompöwölo kilïmanyi tïkwïl asisoni wölo kilata pipö Anakim cho kimöngöy kanastinekwa cho echön cho tekote nïyetwö. Töptoy ana mi ECHOTYON nko ani amukan ntayon chane le otini kimwa ECHOTYON.”

YOSWÖ 14:12 Referans Kwoze

EPRANIA 11:33

Kirïnta chane pöytoghi koros akwompö kighanat. Kigh chane ngala man ato mi löt kïnyorï tïkwïn cho kiyomisyï Tororöt. Kikar kutïwa ngötuny,

PILIPI 4:13

Omukan oghöy tïkwïn löwïr ompö Kristo nyo konanïn owesyö.

KIYITUT 13:33

Akesöchicha korononi Nepilim, monïngo Anak cho pkono Nepilim, akikïlatecha peron ompö chane.”

KIYITUT 13:28

Wölo owesöch pich cho möngöy koronini, akï echön kanastinekwa akïtekote nyoman. Akïmöchonicha pat, kökïsöchicha monïngo Anak koronini.

RUMI 8:31

Kwoto lata choni ngalechï, kemwoghecha ne ngat nyu nya? Ato mi Tororöt okuntöncha, kï ngo nyo rïntonecha?

YOSWÖ 15:14

Kïyon Kalep werpö Anak kï sömök ompö atoni: Syesyay nko Aiman nko Talmay.

TUMWÖY 60:12

Ato mi Tororöt nko acha, kerïntocha, nyinte nyo rïntoy pungköcha. Ompö kintöghoghinto tumï. Kïpöghisyegho pïkan. Tum pö Daudi.

TUMWÖY 44:3

Melö kirïntegha piköku owesyeto chokonikwa amelö kirïnta chane ompö owesyengwa kegh. Kirïnta chane ompö owesyengu akinkït lö, kimitenyi tïkwïl, ompöwölo kichamanyi chane.

2 OTÖPTINO OSIS 14:11

Kïlokyï Asa ECHOTYON Tororötïnyi lö, “ECHOTYON, möminye chi nyo lata nyi nyo ngöroköy cho nyarkalal ompö kwenu cho tïng owesyö. Ngarakecha, we ECHOTYON Tororötïnyo, ompöwölo kitwoytonecha kegh nyi kakïpkanacha kepar kegh nko söpïchï wöw le nyï ompö kaynengu. We ECHOTYON, ichinyi Tororötïncha. Mekany kïkwol kegh ptangengmöt ompö tawungu.”

1 SAMWEL 14:6

Kïlenchï Yonatan ipintonay pö karichi pö poryot, “Nyonö kepe möngonï pö sompenichï mi yi ate. Töptoy muköy ECHOTYON kungarakech, ompöwölo möminye kïgh nyo körtoy ECHOTYON kïsörï ompö pich cho chang anta kö ngörï.”

KIRWOKÏ 1:20

Ketö nyu Kalep Epron lenyini kimwa Musa. Kïyona Kalep wöloni ortïn sömök cho pö Anak.

KIYITUT 21:34

Wölo kïlenchï ECHOTYON Musa, “Mewagh nyinte, ompöwölo kotönön nyinte moriku nko pikachi löwïr nko kore, idonyi nyinte wölo kidenyi Sion pöytoghinto pipö Amori nyay kimöngöy Espon.”

KINONO KIRURUT 1:28

Kïpustocha kepetöy onö? Kimeghecha mutïnö atanye kipka werköcha akïlenchecha, “Owesöch tya piko koronini, akï koghöch kïtïlecha, echön kanastinekwa akikïtek nïyetwekwa kïnam yïm. Akï möchonicha opïn. Kakïsöchicha wölini pïchay tïrusöch akï koghöch.” ’

2 PÖYTOGHÏ 19:4

Köyonï pöytoghinto Asirya Rapsyake nyo kengwïn kumwagh Tororöt nyo söpöy. Nya kunan ECHOTYON Tororötïngu ngalechï pö chïpö atökïkar kong pïchoni kangalana kutingwa ngalechoni. Kïlenyona, soghchinö piköcho cho le ngötunön.”

KINONO KIRURUT 9:1

“Atere, pïchï pö Israel. Opetekwa asiswanete nyï oghsot lalwa Yordan, atape achenga koroswo pipö punton cho owesöch kïtïlokwa nko kanastin cho echön cho kikïtek kïnam yïm.

KINONO KIRURUT 9:3

Kïlenyona, onkïtï asisete lö, ECHOTYON Tororötïnkwa nyo ntöghoghwokwa le ma nyo nöghöy. Nyinte nyu nyo rïntoy pïchoni atamukakwa nyu ayona chane awany kïrïp kegh nko kiyomisöto ECHOTYON.