YOSWÖ 11:15 - PIPÏLIA

¹⁵ Kimwochï Musa Yoswö lenyini kimwochï ECHOTYON mötworintenyi Musa, akwigh Yoswö lenyoni. Melö kipïstö nyinte kïgh anka tïkwïl ompö ngalechini löwïr kimwochï ECHOTYON Musa.

YOSWÖ 11:15 Referans Kwoze

YOSWÖ 1:7

Wölo ichïchïm ainyakanitï tya, ateripö airïp kirurut löwïr cho kimwowunyi mötworintenyan Musa, mepeny ompö or anka tïkwïl löt, atökesoyönïn ompö wöloni iwestegho.

IGHISYEWUT 20:20

onkïtökwa lö möminye ngölyon anka tïkwïl nyo kimuköy kungörokokwa nyo kyachïchukan momwowokwa, wölo kyanetakwa, ompö tawu pich nko ompö kestonikwo tïkwïl.

KINONO KIRURUT 7:2

Otini ketö ECHOTYON Tororötïnkwa chane morikwa apar chane kuwonyö lömïs. Mam mis nko chane amotöp ntosyonchï.

2 OTÖPTINO OSIS 30:12

Kwigh Tororöt pipö Yuda kïcham löwïr ngölyonto pöytoghin nko yetïntinechi kïrïp kegh nko ngölyonto ECHOTYON.

KINONO KIRURUT 31:7

Atolapay kïkur Musa Yoswö akïmwochï kïmi nko pipö Israel löwïr lö, “Ikil kegh ainyakanitï, ompöwölo nyi nyo intöghoghchini pïchï ntökwit koronini kiyomisyï ECHOTYON papotïnekwa lö otöni chane.

KINONO KIRURUT 12:32

“Orip nyu kïgh anka tïkwïl nyo omwowokwa asete arïp, matas kïgh anta achïchuk.

KINONO KIRURUT 4:5

“Kyanetakwa kirurut löwïr kïrïp kegh nko wölo kimwowanïn ECHOTYON Tororötïnyan, atamuka arïpa ngalechoni ompö kor nyo opetekwa ochengöy.

IGHISYEWUT 20:27

Ompöwölo kyomwowokwa ngal lapay cho mököy Tororöt.

KINONO KIRURUT 4:2

Matas ngölyon nyonikïny ngalechï omwowokwa anta achïchuk ngale walaka, atamuka arïpa kirurut pö ECHOTYON Tororötïngwo.

1 SAMWEL 15:11

“Opï atanye okïlöy Saulö kïlïkwï pöytoghin, ompöwölo köpïstö kïrïpanïn akïtagh kwigh ngal cho kyomwochan.” Kïnyala nyinte akïlokyï ECHOTYON oghononi kïyech.

YOSWÖ 11:12

Kïnam Yoswö kanastina pöytoghichoni nko pöytoghikwa akïpar. Kuwonyö chane lömïs le ato kimwa Musa mötworinto ECHOTYON.

LUKA 11:42

“Ochech akwa Parisaytin! Karoptekwa kareranpa taman nyo pö tïkwïn cho makes cho lata köröstin nko kapïrïmen nko nkïy angetakwa atagh oghchï pich man acham Tororöt. Kömïchokwa agha choni nyo tagh, amopïstö chona walaka.

MATAYO 23:23

“Heywey akwa koneti kirurut nko Parisaytin! Lïsï! Omökekwa otöne Tororöt kareranpa taman nyo pö amörostin nko pinsarin nko chira, wölo moyongekwanye kirurut cho echön lata: kitenat nko kisyonöt nko kighanat. Mïchinokwa anyagha agha chï kïny, kïrkegh melö kömïchini opïstenökwa chini walaka.

YOSWÖ 11:14

Kïrang pipö Israel tïch akïcheng tïkwïn löwïr cho pö kanastinechoni kïlïkwï pöröwekwa, wölo kïpar chi anka tïkwïl, mïs amelö mi chi nyo kikïpïstö kï satat.

YOSWÖ 11:16

Kïlenyona kïcheng Yoswö koroswechï löwïr, koro komos nko wölo le to, kore kïmïkul nyo pö Kosyen nko Nekep* nko Arapa.

KIYITUT 33:50

Kïlenchï ECHOTYON Musa ompö tömköyi Moap atolekïtö Yordan antakwaghpa Yeriko,

KIYITUT 33:52

ayon pich cho möngöy tagh korononi, anyar koghikwa cho kigho körkeyïntin nko körkeyïntinekwa cho pö karïn arultö ato osoghokwa.

KINONO KIRURUT 31:3

Ntöghoghwokwa ECHOTYON Tororötïnkwa oghyenö antakwagh. Wongöy nyinte punton cho mi wölini atö achenga kore. Ntöghoghwokwa Yoswö oghyenö lalwa Yordan kïrïp kegh nko ngölyonto ECHOTYON.

KINONO KIRURUT 31:5

Konokwa ECHOTYON owesyö nyo orïntegho chane, parakunkwa nyu oghchinö chane lenyini komwowokwa.