YOSWÖ 10:40 - PIPÏLIA

⁴⁰ Kïlenyona kïrïnta Yoswö pipö koros löwïr cho mi wölo le kamas nko wölo le to nko nariytin nko pöytoghikwa löwïr, möminye nyo kingötï, wölo kïgh anka tïkwïl nyo satate lenyini kimwa ECHOTYON Tororöt pö Israel.

YOSWÖ 10:40 Referans Kwoze

TUMWÖY 9:17

Petöy mwokïyis ngwen nko pipö punton löwïr cho wutyegho Tororöt.

1 PÖYTOGHÏ 15:29

Panini lawel, kewany pipö ara Yeropoam löwïr kïrïp kegh nko ngölyonto ECHOTYON nyo kimwagha kuti mötworintenyi, werkoyon Aiya nyo pö Syilo, amelö kingötï nyo le ompö akonga.

YOSWÖ 10:37

Kinam akïpar pöytoghintenyi nko kanastinechi cho lekïtöch nko chi anka tïkwïl nyo kimi ori, melö mi chi nyo kingötï le wölo kida Eklon.

YOSWÖ 10:35

Kinam kanasyante asisini akïpar chi anka tïkwïl nyo kimi ori le wölo kida Lakis.

YOSWÖ 9:24

Kuyokyï pïchay Yoswö lö, “Kikighacha lenyoni ompöwölo kikïlïmacha lö kimwochï ECHOTYON Tororötïngu Musa mötworintenyi kïkonokwa koronï kïmïkul akïpar akwompö akwa pich löwïr cho möngöy ori, kïlenyona kikyotyecha nyoman ompö akwa.

YOSWÖ 8:27

Kïcheng pipö Israel tïch nko tïku walaka kilïkwï pöröw, kïrïp kegh nko ngölyonto ECHOTYON nyo kimwochï Yoswö.

YOSWÖ 8:2

Ighchï Ai nko pöytoghintenyi le wölo kidenyi Yeriko nko pöytoghintenyi. Wölo lïku pöröwekwa twachi nko tïkuchi. Itö nyu pich kulep akupokyï kanasyan ompö wölo le löt.”

YOSWÖ 6:17

Kikengot kanasyantanï kïpöyit ECHOTYON nko tïkwïn löwïr cho mito ori atökenyar, kïpoto cheporesyantanay le Raap nko pikökwa löwïr cho mito konyi cho ngötu, ompöwölo kiwïny ghotichay kikïyonta.

KINONO KIRURUT 7:24

Akutö pöytoghi pïchoni morikwa. Opörekwa chane kuwonyö lömïs ompö ngwïny. Möminye chi nyo muköy kïmirokwa kegh, oporekwa chane lömïs.

YOSWÖ 18:21

Kanastina ara Penchamen kïrïp kegh nko korikwa kï: Yeriko nko Pet Okla nko Emek Kesis

YOSWÖ 12:8

Kïngata kore wölo le kamas nko tömko Arapa nko nariytin nko surkwen nko Nekep* koro pipö Ititi nko Amori nko Kanan nko Peris nko Ipiti nko Yepusi.

KINONO KIRURUT 1:7

Omïlisyenö anam pan apa koroninö pö kutïngkot pö pipö Amori nko koros löwïr cho lekïtöch ntat mpöghoghyo Arapa. Apusta komos nko wölo le tömköy atang okumpö tagh apa ntat atolekïtö nanampa Kwen, koro pipö Kanan nko Lepanon ntökwit lalwanay wow le Yuparet.

WUWÖT 34:12

Orip kegh atömam mis nko pipö koronini opetekwa, atömölïkwï ngöghöp ompö kwenunkwa.

YOSWÖ 10:39

Kïnam kanasyante nko pöytoghintenyi nko kanastinechi akïpar chi anka tïkwïl nyo kimi ori amelö mi nyo kingötï. Kighchï nyu Daudi Depir le wölo kida Epron nko Lipna nko pöytoghintenyi.

YOSWÖ 11:16

Kïlenyona kïcheng Yoswö koroswechï löwïr, koro komos nko wölo le to, kore kïmïkul nyo pö Kosyen nko Nekep* nko Arapa.

KIYITUT 13:17

Otini kiyontoy Musa chane kïpa kïghot Kanan, kïlenchï chane, “Ape atanga Nekep,* apusta koro komos.

KINONO KIRURUT 2:34

Kechengacha nyu asisoni kanastinechi löwïr akepar chi anka tïkwïl, mïrön nko kor nko monïng. Melö kikïpïstecha ompö akonga.

NEEMIA 9:24

Kïlenyona kïpa monekwa akïcheng koronay kïlïkwï nyingwa akirïntenyi pipö Kanan cho kipö korononi aitönönyi chane pöytoghikwa morikwa nko pikökwa kwida wölo kedoy.