YOSWÖ 1:7 - PIPÏLIA

⁷ Wölo ichïchïm ainyakanitï tya, ateripö airïp kirurut löwïr cho kimwowunyi mötworintenyan Musa, mepeny ompö or anka tïkwïl löt, atökesoyönïn ompö wöloni iwestegho.

YOSWÖ 1:7 Referans Kwoze

1 OTÖPTINO OSIS 22:13

Ato irïpanyi kirurut löwïr cho kitö ECHOTYON pipö Israel kuwerï Musa, imuktonyi. Inyakanitï aighyong lasiny, amewöghisyö nyonikïny.

KINONO KIRURUT 5:32

“Kïlenyona orip nyu lenyoni kimwowokwa ECHOTYON Tororötïnkwa. Mamasta kamas nko kamas

YOSWÖ 1:8

Mewutyeghö isomön kitapu Kirurut,* wölo inan pöghet nko nangat, aterïpa lasiny aigh le otini kikekir, atökesoyönïn ompö ighisyewutköku löwïr.

NGÖTÏNYÖ 4:27

Memasta itang ewu tagh anta nyo pö löt, imala kegh ghöyityö.

YOSWÖ 11:15

Kimwochï Musa Yoswö lenyini kimwochï ECHOTYON mötworintenyi Musa, akwigh Yoswö lenyoni. Melö kipïstö nyinte kïgh anka tïkwïl ompö ngalechini löwïr kimwochï ECHOTYON Musa.

KINONO KIRURUT 12:32

“Orip nyu kïgh anka tïkwïl nyo omwowokwa asete arïp, matas kïgh anta achïchuk.

KINONO KIRURUT 31:7

Atolapay kïkur Musa Yoswö akïmwochï kïmi nko pipö Israel löwïr lö, “Ikil kegh ainyakanitï, ompöwölo nyi nyo intöghoghchini pïchï ntökwit koronini kiyomisyï ECHOTYON papotïnekwa lö otöni chane.

KINONO KIRURUT 29:9

Orip nyu mumanoni amopïstö ato omököy tökeperurok.

KINONO KIRURUT 28:14

Wölo mapeny ngalechï omwowokwa asisete ompö or anka tïkwïl, anta asagh tororötin walaka.

NGÖTÏNYÖ 8:20

Owestoghenan ara tïlilïn, ompö kwenu ortïna man,

1 PÖYTOGHÏ 2:3

airip lasiny tïkwïn cho möcheninyi ECHOTYON Tororötïngu ighe airip nko kirurutkachi nko kikirutkachi, kïrïp kegh nko kirurut pö Musa, atenyorunö perur ompö kïgh anka tïkwïl nyo ighenyi nko wölo iwetenyi.

KIYITUT 27:23

Akukanagh morichi möt pö Yoswö akuyomis nyinte lenyini kimwochï ECHOTYON Musa.

YOSWÖ 1:1

Otini kirapas Musa mötworinto ECHOTYON, kïlenchï ECHOTYON Yoswö wero Nun nyo kile kingörokintö Musa,

KINONO KIRURUT 11:8

“Kïlenyona, orip nyu kirurutkachi löwïrcho omwowokwa asisete. Atonyorunö owesyö nyo olïto koronini atape achenga,

YOSWÖ 1:9

Inan lö ani, ECHOTYON Tororötïngu nyo kyomwowunyi lö, ichichïm ainyakanitï, mewöghisyö anta meghïn mu, ompöwölo omitan nko nyi ompö wop anka tïkwïl nyo iwesteghonyi.”

YOSWÖ 23:6

Kïlenyona orip kegh, akaman agh tïkwïn löwïr cho kirote ompö kitapu Kirurut* pö Musa amamasta kamas nko kamas,

1 PÖYTOGHÏ 2:2

“Karich ato amachan oweghö ngwïnyinï, kïlenyona inyakanitï, nya kesïwin lö ichï mïrön

2 PÖYTOGHÏ 22:2

Kigh Yosia nyo karam ompö tawu ECHOTYON. Kirïp otöpto kwanta pöytoghin Daudi. Melö kipïstö kirurut pö ECHOTYON nyo le ompö akonga.

2 OTÖPTINO OSIS 15:7

Wölo onyökönitu cho le akwa makany kwoghochö ewunekwa, ompöwölo onyorunekwa ropöwon ompö ighisyenkwa.”

AYUPU 1:8

Kïtep ECHOTYON lö, “Akesïwenyi mötworintenyan Ayupu nya? Möminye chitö anka nyo kikongityot nko nyinte ompö ngwïny, chi nyo tenate akï pö man, chi nyo konyïtanïn akïripöy kegh tömegh ngokï.”

DANIEL 10:19

akïlö, “Daniel, ichinyi chamat nyoman, mewöghisyö, inyorï pöghisyö, aichïchïm, ainyakanitï.” Nyini kiwany kïngalan achïchïman, alenchan, “Ngalana echotyon, ompöwölo kechïchimaninyi.”

KINONO KIRURUT 4:2

Matas ngölyon nyonikïny ngalechï omwowokwa anta achïchuk ngale walaka, atamuka arïpa kirurut pö ECHOTYON Tororötïngwo.

KINONO KIRURUT 29:8

akecheng korengwa ketö pipö Rupen nko kareran pö pipö Manase nko cho pö Kad kïlïkwï nyingwa.

2 OTÖPTINO OSIS 26:5

Kikil kegh nyoman Usya kïrïp Tororöt otinö kitökïsöpöy Sakaria nyo kinetöy nyinte kughan akïrip ngala Tororöt. Ompö osiswechoni kighönöy Tororöt, kiperur Tororöt nyinte nyoman.

TUMWÖY 80:19

Yokwecha otöptönyo ngat, we ECHOTYON, Tororöt Kimuktoghin. Porwecha kisyonötengu, atökesörwecha. Ompö kintöghoghinto tumï, kïrïp kegh nko kuti Kat. Tum pö Asap.