YOSWÖ 1:1 - PIPÏLIA

¹ Otini kirapas Musa mötworinto ECHOTYON, kïlenchï ECHOTYON Yoswö wero Nun nyo kile kingörokintö Musa,

YOSWÖ 1:1 Referans Kwoze

KINONO KIRURUT 34:9

Kinyïghitate ngöghomnyö Yoswö wero Nun, ompöwölo kökikïl Musa nyinte. Kïterchï pipö Israel Yoswö akïrïp kirurutkachi cho kökikutö ECHOTYON chane kuwerï Musa.

KINONO KIRURUT 31:23

Atolapay kïmwochï ECHOTYON Yoswö wero Nun lö, “Ikil kegh ainyakanitï, ompöwölo nyi nyo imïtöy pipö Israel kïlïtöy koronanya kyoyomisyan chane amitan nko nyi.”

KINONO KIRURUT 31:3

Ntöghoghwokwa ECHOTYON Tororötïnkwa oghyenö antakwagh. Wongöy nyinte punton cho mi wölini atö achenga kore. Ntöghoghwokwa Yoswö oghyenö lalwa Yordan kïrïp kegh nko ngölyonto ECHOTYON.

KINONO KIRURUT 1:38

Wölo lïtöy kingörokintengu Yoswö wero Nun, ikïl nyinte, ompöwölo nyinte nyo ighöy pipö Israel kïcheng koronini.

WUWÖT 24:13

Kïwö Musa nko Yoswö kingörokintenyi. Kïpusta Musa kutïng pö Tororöt.

RUMI 1:1

Kakiran palalyantanï Paulö ante mötworinto Kristo* Yeso, nyo kikekurön alïkwï kiyoktoghin* akelöwon kwamta Lökoy cho Karamach cho pö Tororöt.

IGHISYEWUT 7:45

Ato mi lötï, kwipï kukötïnecho emanay ato kimi chane nko Yoswö, akïnam koro pipö punton cho kiyona Tororöt tawuto kukötinecho. Kïtöpö emanoni atoni ntökwit osiswo Daudi.

KINONO KIRURUT 34:5

Kïlenyona, kïröpösyï Musa mötworinto ECHOTYON koro Moap le ato kimwa ECHOTYON.

2 PÖYTOGHÏ 3:11

Kïtep pöytoghintö Yeosyapat lö, “Möminye so werkoyonto ECHOTYON nyo muköy kïmwowecha kïgh nyo kighöy?” Kuyokyï yetïntö anka nyo pö pipö lïko pöytoghin Yoram lö, “Mi yete Elisya wero Syapat, akï nyinte nyo kingöroköy Eliya.”

1 PÖYTOGHÏ 19:16

Aiyil Yeu wero Nimsyi kïlïkwï pöytoghinto Israel nko Elisya wero Syapat nyo pö Apel Meola kïlïkwï werkoyon kukerinyi.

YOSWÖ 12:6

Kirïnta Musa mötworinto ECHOTYON nko pipö Israel pöytoghichay kwodeny akutötö korengwa kïpöyit ara Rupen nko ara Kad nko kareranpa ara Manase.

KINONO KIRURUT 33:1

Achï kisoyönut cho kimwochï Musa nyo le chi pö Tororöt pipö Israel otini kitomö kïma.

KIYITUT 13:16

Chï kï kaynötut pö pich cho kiyonta Musa kïpa kïghot kore. Kiwaghach Musa kayna Osyea wero Nun kïlïkwï Yoswö.

KIYITUT 12:7

Wölo sis ompö mötworintenyan Musa, ompöwölo kotönön nyinte kuntöghoghchï piköchan pipö Israel.

KIYITUT 11:28

Kïlö Yoswö wero Nun nyo kipöghisyechini Musa, “Echotyontenyu Musa, taghena chane.”

NGONGUT 1:18

Ochan nyinte nyo satate! Kikyameghan, wölo ochan ye satate kokay nko kokay. Otïngetan owesyö ompö meghat nko ngwen.

YAKOPO 1:1

Ani Yakopo mötworinto Tororöt nko Echotyon Yeso Kristo,* nyo kakirwakwa atakwesak cho ochï ortïn taman nko odeny cho kyayasta oghömï ngwïny kïmïkul.

TITO 1:1

Ani Paulö mötworinto Tororöt achï kiyoktoghinto* Yeso Kristo,* nyo kakirï palalyantanï. Kikïkïlanïn akeyoktanïn owö angarak kighanata pipö Tororöt cho le löwönkachi atanet chane ngala man pö ngölyonto Tororöt nko konyït nyo kïkonyïtöy Tororöt,

LUKA 16:10

Chi anka tïkwïl nyo ghanate ompö kïgh nyo mïnïng tya, keghönöy ompö nyo wow tïkwïl. Akwanka tïkwïl nyo meghanatenye ompö kïgh nyo mïnïng, kïmeghönönye chi ompö nyo wow tïkwïl.

KINONO KIRURUT 34:12

Akï möminye werkoyonte anka nyo kimï kwigh tïkwïn cho echön cho pö otyogh le cho kigh Musa kïsïwïyi pipö Israel löwïr.

YOSWÖ 1:2

“Kima mötworintenyan Musa, ngeta wïyö ye oghyenö lalwa Yordan, nyi nko pipö Israel atanga kor nyo otöninan chane.

YOSWÖ 1:15

ntökïtenö kutö ECHOTYON chane kalya le akwa akïcheng chane tïkwïl kor nyo töni Tororöt. Atolapay omïlisyekwa nyu amang korengwo, nyay kikonokwa Musa mötworinto ECHOTYON, ompö Yordan okumpö kongasis.”

NEEMIA 8:17

Kïtek pïchay kipkana pïnotön löwïr tunkun akïmang, ompöwölo melö kitökwigh pipö Israel lenyoni kïngata osiswo Yoswö wero Nun. Kïnyorï nyu ngörekyö nyo wow.