YONA 1:3 - PIPÏLIA

³ Wölo kuperta Yona kutang Tarsis ompö tawu ECHOTYON, akïwö kïröytö Yopa, akinyorï meli nyo kiwetöy Tarsis. Kilït melinay akutötö ropïyen cho kiweghö, akïwö nko chane kutang Tarsis kurïpö ECHOTYON.

YONA 1:3 Referans Kwoze

YOSWÖ 19:46

nko Meyarkon nko Rakon nko rotyot nyo mi okumpö Yopa.

TOWUNÖT 4:16

Kïweghö Kain wölo mi ECHOTYON akïwö kïmang kor nyo kïkuro “Kitwopöt,” nyo mi okumpö kongasis nyo pö Eden.

IGHISYEWUT 9:36

Kimito korka akong Yopa nyo kikuro Tapita, nyo kighanate. (Kikuro kaynenyi ompö ngala Krik Dorkas, nyo ato kïwaghach kï chemïl.) Kighchini pich nyo karam akungöroköy mey.

IGHISYEWUT 9:43

Kïtöpö Petro Yopa osis cho chang nko ighinto angwoy nyo kikuro Simon.

YONA 4:2

Kïlenyona kïsagh Yona lö, “ECHOTYON, melö so kïyete nyay kyamwaghan atanye kyomitan korenyan? Nka nyay kyapertan lawel atang Tarsis. Ompöwölo kyonkïtön lö ichinyi Tororöt pö chomnyogh nko kisyonöt, amelö nyïmnyïm kïnarek, akï nyo mi kïpsach kïmolchï kamas sitöt nyo kötetöni chi.

ISAYA 23:6

Oteghyenö ompö nyarïl pïchï pö Poinike! Omukyinö osurchinö koro Tarsis!

ISAYA 23:1

Anyï ngölyon nyo cheröy Tiro. Oteghyenö ompö nyarïl pïchï opegho melino Tarsis! Ompöwölo kakiwur möngenkwa kïtuwit, möminye kö nyo köngötï anta wölo kïlïtöy. Kikïngongchï chane lökoyechoni otini kingetunö melinekwa koro Kupro.

1 PÖYTOGHÏ 19:3

Kïmïgh Eliya nyoman akuperta kutang Persyepa kanasyan nyo pö Yuda atökïsörï söpontanyi. Kïpïsyï mötworintenyi kanasyantanoni.

2 TESALONIKE 1:9

Wonguno chane kichopata kong nko kiwurat nyo pö kokay akepesyeghö chane wölo mi Echotyon nko owesyeto ororyenyi,

1 KORINTO 9:16

Ato omtonan Lökoy cho Karamach, kïmelö kïgh nyoni nyo okwolonan kegh, ompöwölo kakisikwanïn agh lenyoni. Wölo ochech ompö ani ato mamtanye Lökoyechete Karamach!

IGHISYEWUT 26:19

“Kïlenyona, pöytoghin Akripa, kimalïkwanye tighin ompö sïwïyaghnoni pö yïm.

ESEKEL 27:12

“Kigh Tarsis mïnchïrïsnön nko nyi ompöwölo kichinyi makos ompö silpa nko karïn nko mapatin, iyalanyi tïkwïl tïkuku.

ISAYA 23:10

Ape ocholchinö pögh parenikwo, pich cho kyapa amang koro Tarsis! Tökïmi ngo nyu nyo körtonokwa ngat.

AYUPU 1:12

Kuyokyï ECHOTYON Onyöt lö, “Achona tïkuchi löwïr mi moriku, idena wölo kedoy, wölo meswanga ewungu nyinte.” Kïweghö nyu Onyötonay otini kimi ECHOTYON.

2 OTÖPTINO OSIS 2:16

Kirulecha ket anka tïkwïl nyo imökenyi ompö Lepanon akeratacha kepunyi kuwerï nanam ntökwitï Yopa, ateritö nyinte kïpa Yerusalem.”

IGHISYEWUT 15:38

Wölo kilö Paulö merokonye, ompöwölo melö kitöpö nko chane ntökwit sörömu rutoghtöngwa, wölo kinya kïmïla akïpïsyï chane Pampulia.

LUKA 9:62

Kïlenchï Yeso chichay, “Ngo nyo menkït lö möngoronye par kuten ato nam chi köpompo eghin akïmi kurosöy löt? Kïlenyona ye, ato pïsï chi tïkwïn kukaper möngenyi, kïmötïngnye kinyiwut ompö Pöyunöto Tororöt.”

ESEKEL 3:14

Kisïtanïn Mïkulögh akwipanïn, owan chi nyo narekat nyoman nyo kilil kïgh Tororöt onkït nyo kechiktanïn.

ISAYA 60:9

Melin choni cho rotuno koros cho lowöch, akuntöghoghchini melino Tarsis. Yoku kaw moneku cho pkono wölo low. Ipu chane silpa nko koltinekwa, atökïkonyït ECHOTYON Tororötïngu, akïsal Tororöt pö Israel Nyo Tïlil, ompöwölo keghakwa osïkö ororyö.

ISAYA 2:16

nko ompö melin tïkwïl cho pïchighöch tya cho kïchömöy cho pö Tarsis.

AYUPU 2:7

Kïweghö nyu Onyötö otini kimi ECHOTYON akïmungö nyinte tasusay kïghömï portanyi kïmïkul.

1 PÖYTOGHÏ 19:9

Nyini kitïta wölini, kïlït köpön akïrï. Kïngalan ECHOTYON nko nyinte akïtep lö, “Ighenyi ne yi nya Eliya?”

TOWUNÖT 3:8

Kïlïm chane ECHOTYON Tororöt kïwestegho paranini asisoni otini kimön, kïghïpa Adam nko korkenyi kwenu ket cho kimi paranoni tömasïwa ECHOTYON Tororöt chane.

IGHISYEWUT 9:38

Ompöwölo ki lekïto Yopa Lida, otini kïlïm kighönï lö, mi Petro Lida, kïyonta pich odeny kïpa kïkur nyinte lö, “Ngwangwa nyonchech lawel.”

IGHISYEWUT 9:42

Kïlïm pich lapay cho kimi Yopa ngalechoni kighisyö, pich cho chang kughan Echotyon.

ESRA 3:7

Kutö pipö Israel ropïyen teki koghïn nko cho pö ket akutö pipö Tiro nko Sidon omisyewut nko tïkwïn cho kïgheghöy nko mwaghpa orolwö tökwipï tarakit ompö Lepanon kuwerï nanam ntökwit Yopa. Kikipï nyu lenyini kichömchï Sayras pöytoghinto Pasya chane.

TUMWÖY 107:23

Pegho walaka melin ompö nanam, akwigha mïnchïrïsnön nanam.

YEREMIA 10:9

Kikïmina körkeyïntinechoni silpa cho kikipunö koro Tarsis, akemina kotin cho kikipunö koro Upas, choni löwïr kï ighisyewut pö chi nyo le tïngan. Kikilokyï körkeyïntinechoni sïro cho lata akwa lamay nko cho pïröch, sïro cho kinap tïngan.

YONA 1:10

Atolapay kïmwochï chane Yona ngalechi, kunkïtï nyu pïchay lö kirïpö Yona ECHOTYON. Kimïghyö nyoman pïchay, atolapay kïlenchï Yona, “Wechï gha kïyoni keghanyi!”

2 OTÖPTINO OSIS 2:15

Kïlenyona nya kuyokyï echotyontenyan mötworichi nkanun nko matay nko mwaghpa orolwö nko dipay le otini kikïmwa.

2 OTÖPTINO OSIS 9:21

Ompöwölo kitïng pöytoghintö melin cho kipetöy Tarsis nko mötwori Uram akipkono melinechoni Tarsis kïnyïl akonga ompö könyis sömök, kwipu koltin nko silpa nko kela pelöw nko tïkwïn cho lata möyosoy nko törit cho tïng sonkol cho pïchighöch.

ESEKEL 2:8

“Wölo nyi wero chi tera ngalechï omwowunyi melïkwï tighin le pïchï, nganya kutingu aiyam kïyï okoninyi.”