YONA 1:14 - PIPÏLIA

¹⁴ Kïlenyona kïrirchï chane ECHOTYON lö, “Kïsoghecha nyi, we ECHOTYON lö, mekany kewonyenöcha ompö chichï, amekany kwamecha kisön pö chi nyo motïny lelut. Wölo keghanyi lenyini kemökenyi, we ECHOTYON.”

YONA 1:14 Referans Kwoze

TUMWÖY 115:3

Mi Tororötïncha yïm, kwighöy kïgh anka tïkwïl nyo mököy.

TUMWÖY 135:6

Ighöy ECHOTYON kïgh anka tïkwïl nyo kömököy, ompö yïm nko ngwïny, ompö nanamtin nko ompö pögh ori.

KINONO KIRURUT 21:8

Heywey! ECHOTYON, ilöstoghchï piköku Israel cho kimïtunenyi koro Misri. Ilöstowecha amekany kwamecha kisön pö chi nyo puryö lelut.’

EPESO 1:11

Kikegh tïkwïn löwïr kïrïp kegh nko tötutyo Tororöt nko machatenyi, ompöwölo kikïlecha nyinte kelïkuna pikachi otini kikïlinyecha nko Kristo ompö machatenyi le wölo kilata kinonutyenyi nyo kinonöy otini le wïyay.

TUMWÖY 107:28

Kïlokyï nyu ECHOTYON otini kimi nyarïl kïsörunö chane kiwongunötengwa.

MATAYO 11:26

Owöy, Papo, ompöwölo kichamanyi nyinte lenyoni.

YONA 1:16

Kuwagh pïchay ECHOTYON nyoman, akïropchï nyinte amöros akuwalwal kegh lö kïpöghisyechini nyinte.

YONA 1:5

Kimïghyö nyu piko melinay nyoman akïrirchï chi anka tïkwïl tororötïnyi. Atolapay kïwirchï tïkwïn cho kipöy meli nanam ori lö tökïkwïskwïsit melinay. Wölo kökikïwö Yona kïröytö toyo melinay akïrï rïwön nyo nïkis.

EPESO 1:9

Akwighecha kenkïtunö ngal cho kimenkïtnye pich ato le tagh wölo kïcham nyinte kïngongwecha ompö machatenyi kïrïp kegh nko wölo kinontoy nyinte lö oghöy kuwerï Kristo.

IGHISYEWUT 28:4

Kïsïwa pïchay pö koronay kïyïsö moroyonay ewu Paulö, kïmwochï kegh lö, “Kipörisyö chichï nyoman, wölo kïrkegh kachïwïta nanam, wölo möpïsininye manpa Tororöt kïsöp.”

ISAYA 26:16

Kinyarilanyi piköku kong, we ECHOTYON kïsaghinyi chane otini kimi chane kiwongunöt.

TOWUNÖT 9:6

Kïtïghöy chi anka tïkwïl nyo pöröy chitö anka, ompöwölo kikigh chi ompö körkeyïn pö Tororöt.

YONA 1:13

Wölo kumukyï pïchay keyoda meli kïmïla kor wölo tïyame, wölo kimemïcha ompöwölo kiyetu mirtino nanam ompö chane.

YONA 3:8

Wölo akanya kulach chi anka tïkwïl nko kyak sarankwachtin, atolapay kïrirchï Tororöt nyoman. Ipïstö chi anka tïkwïl ortïneku cho ghach nko ghöyïntöngu.