YOEL 3:4 - PIPÏLIA

⁴ “Ochikwa ngo ompö ani nya Tiro nko Sidon nko koroswo Pilistia? Ayo mi kïgh nyo omökekwa oghokwanïn? Nyo ato mi kïgh nyo oyokwanïkwa, ayokwokwa nyu lawel kïrïp kegh nko wölo lata ighisyewutkökwa.

YOEL 3:4 Referans Kwoze

YEREMIA 47:4

Ompöwölo kikwitïta ato kiwuröy pipö Pilisti lömïs, akengötigh lömak kingörokut, nyo ngwïno koro Tiro nko Sidon. Ompöwölo owuran ante ECHOTYON pipö Pilisti, pïchoni löwïr pkono Kaptori, kor nyo riköy kegh nko nanam.

ISAYA 59:18

Chopöy kong pungkachi kïrïp kegh nko tïkwïn cho kigh chane, kïrkegh kömi chane koros cho lowöch.

ISAYA 34:8

Ato mi nyu ato söru ECHOTYON Sayon* akutökyï pungkachi ghöyityengwa.

2 TESALONIKE 1:6

Ighöy Tororöt kïgh nyo tenate: ipchini nyarïl pich cho chopokwa kong,

IGHISYEWUT 9:4

Kupïtyï ngwïny akïlïm kut nyo kilenchini nyinte, “Saulö, Saulö! Ompö ne techopaninyi kong?”

LUKA 18:7

Aki yeo, olontekwa möporyechininye Tororöt kïlankachi cho rirchini nyinte pöghet nko nangat kïnyorï man? Alentekwa meghönye lawel?

MATAYO 11:21

Kilenchï, “Heywey we, Korasin! Heywey ompö nyi Petsayda tïkwïl! Ompöwölo ntökikigha Tiro nko Sidon töngönchintin cho kikighwekwa, kitö kikïkötö köny chane akulach sarankwachtin akuchukö kegh aren.

YEREMIA 51:6

Arye apeghena Papilon, sörunö chi anka tïkwïl söpontöngu! Orip kegh momeghyö kwïle akwompö ngoki Papilon. Ompöwölo pöroyïntanyan nyete nyo otökisïyi, omungan pipö Papilon kïrïp kegh nko ngokikwa,

2 OTÖPTINO OSIS 21:16

Kiwïkwï ECHOTYON pipö Pilisti nko pipö Arapia cho kimöngöy ato le kïtö pipö Etopya kïpa kïporyö nko Yeoram.

KIRWOKÏ 11:12

Atolapay kïyonta Yepta pich kïpa kïtep pöytoghinto Amon lö, “Itïngetenyi ne nyo isyölonyi nko acha temökenyi nyone poryeghone korencha?”

KINONO KIRURUT 32:35

Tököy ECHOTYON akuchop kong pïchoni, itïtoy asista ato pïtyot chane, ompöwölo karik asis nyo kiwongöy chane, akwitïta lawel nyarïltangwa.

MATAYO 11:22

Wölo omwowokwa nyoman lö, ‘Syonchini Tororöt ompö asispa kirwok tya pipö Tiro nko Sidon kïtïlekwa!’

LUKA 10:13

“Heywey Korasin! Heywey Petsayda! Ompöwölo ntökikigh töngönchin ompö Tiro nko Sidon, le wölo kyaghan ompö kwenunkwa, kötökikuchukö kegh aryon piko kanastinechoni könyisyok, akulak sarankwachtin omö kiporunöt lö kipïstö chane ngokikwa.

LUKA 10:14

Wölo ngwongwonöy Tororöt pipö Tiro nko cho pö Sidon asispa kirwok kïtïlakwa cho kasïwa.

ISAYA 14:29

Kakimïregh lïkïp nyo kïmungo pipö Pilisti, wölo mongörekyö. Ompöwölo ato ma moroya, kuchumu lötunyi mïnya nyo ngwan tya, ngwïno adösyonto moroy moroya nyo pilöy nyo karkegh nko ma.

YEREMIA 47:1

Kingölonwanïn ECHOTYON kïtomö kïrïnta Parao kanasyanta Kasa ompö pipö Pilisti lö,

YOEL 2:2

Asispa tuwïn nko wurönöt, asispa kapuret nko tuwïn nyo wow. Lenye ighot nyo kakikörkorchï kutïngkot parak, söpïch pö pich cho köromöch nyoman. Möminye kïgh nyo lenye nyoni nyo kikwigha astanka. Amökwighonye ngat ompö könyis nko pïnwöy löwïr.

YOEL 2:10

Körtoy asis nko arawa melïwï akïlö kokel tïrmïs.