YOEL 2:23 - PIPÏLIA

²³ “Ay, oturönökwa werpö Sayon, oserönö ompö ECHOTYON Tororötïngwo, nyo kakonokwa pögho kitokot ompö chamatenyi, kakonokwa ilat nyo wow, ila sarngatat nko nyo pö pengat, le wölo kilenye tagh.

YOEL 2:23 Referans Kwoze

PILIPI 4:4

Ongörökyenö ompö Echotyon osis tïkwïl otösan ngat omwoghöy lö, ongörökyenö!

LAWIN 26:4

okonokwa nyu rop ompö oroyechi tökïrïr pagh akuyin ketï akwekwa.

OSEA 6:3

Nya kenkïtunö ECHOTYON akelet tagh kenkïtï nyinte lasiny. Ngwïnchinecha nyo mötïny le yekon akungwïnöy le ila sarngatat nyo nuröy ngwïny.

KINONO KIRURUT 11:14

kïkonu nyu rop ompö korenkwa nyo pö sarngatat nko nyo pö kitokot, atemuka ilö paghekwo nko dipay* nko mwaghpa arol.

ISAYA 41:16

Iwirchinenyi chane kwenu yomat atökïkutïta chepkiriri kïtoyö. Atolapay ingörökenyi ompö ECHOTYON, ainyorchï ororyö Tororöt pö Israel nyo Tïlil.

TUMWÖY 149:2

Nya kïngörekyö pipö Israel ompö Ighintengwa, oturonchenö pipö Sayon* ompö pöytoghintengwo!

PILIPI 3:1

Nyo pö lötï nyu werköcho, ongörekyenö ompöwölo kotuyekwa nko Echotyon. Melö oghöchan amwagh ngat ngalechanye kyakiran ato le tagh, ompöwölo konokwa tösunöt ngalechoni.

SAKARIA 10:1

Atepa ECHOTYON rop osiswo pengat, ECHOTYON nyo yoku poltoy cho ipu rop. Konu nyinte pkopïson cho ighöy tïkwïn kïpit ompö tösunöto chi anka tïkwïl.

TUMWÖY 28:7

Owesyenyan ECHOTYON akï longenyan. Oghönan nyinte. Konanïn kingörokut akwighanïn oturön. Osölan nyinte ompö tumwöy.

ISAYA 30:23

Yokwokwa ECHOTYON asisoni rop kïnomnyö otini kaletekwa kösïghekwo, atökïpityö akïkonokwa ilö nyo wow nko sus cho omöy kyakikwa cho pitöy kïnapasa ompö paren cho pöroyöch,

KINONO KIRURUT 32:2

Röröku kinetutköchan le rop, le röyön ompö sökö. Pïspisu ngalechan le pkopïs cho ropönchini sus cho ngwïrngwïröch akïkarkegh nko pögh cho rörökyini sikoryon.

KINONO KIRURUT 28:12

Yotwokwa ECHOTYON yïm atökïropchï korenkwa akusoyön ighisyewut löwïr cho oghekwa. Opösönchinekwa ropïyen pipö punton cho chang, wölo melö opösönokwa chane.

PILIPI 3:3

Ompöwölo acha cho kïtïng mutat nyo pö man, ompöwölo kïsoghecha Tororöt ompö kingörokutyeto Mïkulöwunyi akemitecha keturonchot ompö söpontönyo nyo mi Kristo* Yeso. Melö kimontonecha kegh por.

SAKARIA 10:7

Lïku pipö Epraim nyökon pö lïk Turonchot le pich cho kagha dipay* sïwïyi monekwa choni löwïr akïngörekyö, Ngörökyini ECHOTYON ompö tïkwïn löwïr cho kighchï chane.

YEREMIA 5:24

Mömwoghöcha ompö mïkuliskökwa lö, ‘Kewagha ECHOTYON Tororötïnyo, nyo konech rop ompö osiswechi, ropa sarngatat nko nyo pö kitokot, akï konecha tïkwïl osiswo ilö.’

TUMWÖY 104:34

Nya kïmïlïn tumtönyan, we ECHOTYON, ompöwölo ngwïno ngörekyenyan wölo imitenyi.

YEREMIA 3:3

Nka nyï kipot rop lö weng, amakïminye ropay pö sarngatat. Kïrkegh choni löwïr, kiyomö nyi konyïn le chepores nyinte, metïngönyinye arasï ompö nyo le kite.

ISAYA 61:10

Oturönan nyoman ompö ECHOTYON, ngörököy söpontönyan akwompö Tororötïnyan. Ompöwölo kelokwaninyi sïro pö sörunöt, ailumenaninyi sïra kitenat, le chi pö kensyö nyo kimina kegh sïrenyi nyo pïchigh, anta mïraru kensyö nyo kilaka karïn nko kaymoris.

ISAYA 30:21

Ato imastenyi or iwö ewu tagh anta nyo pö löt, ilïmenyi kut nyo mi lötungu nyo lentöy, “Anyï ore. Rïpa.”

NGÖTÏNYÖ 16:15

Mi söpon löpoyïn pö tokochu pöytoghin, akïlenye kisyonötenyi polta ila sarngatat.

TUMWÖY 32:11

Ongörekyenö ompö ECHOTYON, oturonchö cho ochï pipö man. Otumö ompö ngörekyö, akwa löwïr cho ochï tenote ompö mïkulögh.

AYUPU 33:23

“Ato mi malaykayan nyo ngöroköy nyinte, ngölonintö nyo le akonga ompö pich elpu akonga, kuporchï ptangengmöt kïgh nyo mïchini kwighöy,

SAKARIA 9:9

Akwa pipö Sayon,* ongörekyenö nyoman! Akwa pipö Yerusalem, oteghyenö ompö ngörekyö! Anyona pöytoghintenkwa ketï! Ketï ompö turönöt nko rïntagh! Talase nyinte akï wegho sïkïryö akï sïkïrye nyo le moda!

AMOS 4:7

Kyaratan ilat ompö akwa kïtomö aro sömök tökekosisyö otöninan rop kanasyan akonga omulön rop kanasyante anka ropönchini paren walaka, wölo melö ropönchini paren walaka.

LOK 4:2

Ki pïchighöch chumwakayi Sayon* kikiyitöcha lö karkegh nko koltin cho kwerkwersot, wölo ye karkegh nko töreni nyïngwïtyan.

SAKARIA 9:13

Lïku Yuda kwantinyan, kïlïkwï Israel koti Ilïkunenyi we Sayon* chok nyo opörenan pipö Krik. Onömeninyi yïm le choko nyakan.”

IGHISYEWUT 14:17

Wölo porï nyinte kegh osis lapay ompö tïkwïn cho ighöy cho karamach, konokwa rop nyo ngwïno yïm, akïkonok osiswo ilö konokwa omisyö akwighak ongörekyenö.”

TUMWÖY 84:6

Wöghöko mpöghoghyo Paka, kïlïkwï kori pöghon otini weröy chane, nyïghitöy ngörpil pö pögh cho kösyökï.

1 PÖYTOGHÏ 8:36

iterchï chane sowutkökwa ompö yïm. Ailöstoghchï ngokikwa mötworiku pipö Israel ainet chane kwigh kïgh nyo tenate. Atolapay, itö rop koronete le nyengu, nyo kitönönyi piköku kïlïkwï nyingwa nyo mïlöy.

AYUPU 37:13

Kutö pich sitöt anta kïropönchï korenyi anta kuporï chomnyenyi.

TUMWÖY 147:8

Yeno nyinte poltoy wölnö le mïröt akutö rop ngwïny akwigh sus kïpita komos.

ESEKEL 34:26

Osoyönan chane nko koros cho kewit kutïngtönyan nyo tïlil. Oyokyinan chane rop otini kösyökï, kïlïkwï pkopïs pö kisoyonöt.