YOEL 2:17 - PIPÏLIA

¹⁷ Akanya kïlokyö tïsï cho pöghisyechini ECHOTYON ompö kwenu ato kïpelo amöros nko kuka Kö pö Tororöt* akïsagh lö, ‘Syonchinö piköku, we ECHOTYON. Mepïstö piköku kesas amekany kïroröchï puntonï. Pö ne kïmwa pich lö, “Mi onö tororötïngwa?’ ”

YOEL 2:17 Referans Kwoze

ESEKEL 8:16

Kwipkanïn Kö pö Tororöt ori, anyorchan kukat mïrön 25 cho portoy kongasis kïsoghöy asis, kipörtochï patagh Tororöt.

TUMWÖY 115:2

Pö ne kïtep pipö punton lö, “Mi onö tororötïngwa?”

TUMWÖY 79:10

Ompö ne tökïtepecha puntonï lö, “Mi onö Tororötïnkwa?” Nya kesïwena lö kenyarilanyi kong pipö punton ompö kisön pö mötworiku cho kimïlta chane.

MATAYO 23:35

Tötomi löt kïchïnchokwa kirwoko nyarïl ompö pörsyo pipö man cho kikïmïlta kisönkökwa, kïngeta kepar Apel nyo kimötïnye lelut ntökïtenö kepar Sakaria wero Perakiya, nyay kyopörchikwa Kö pö Tororöt, kwenu atay Tïlil tya nko ato kïpelo amörostin.

AMOS 7:2

Kyam nyu talamechay susechay ompö kore kïmïkul, akwotini kimuchö, olan, “Löstoghchinö piköku, we Echotyon TORORÖT! Sopchot lö ne piköku nya? Ompöwölo nyörkölöl chane nyoman.”

YOEL 1:9

Mömicha ropöwo pagh nko tïsöw Kö pö Tororöt.* Ay, alokyenö nyu tïsï cho opöghisyechini ECHOTYON.

OSEA 14:2

Oyokyinö kegh ECHOTYON, asagha nyinte lö “Lastena ngokicha löwïr aitakech ompö pöropchö atökesalacha nyi ompö mïkulisköcha.

1 PÖYTOGHÏ 6:3

Kïlïkwï kuke nyo kïlïto kö pö kikorön miten 4.5 ato kïröytö kï miten 9 töpesïntö karkegh töpesïnto köyoni wölo le tagh.

WUWÖT 34:9

lö, “Ato kechamanyi kïgh nyo kaghan, we Echotyon, osoghinyi lö, wïyö nko acha, kïrökegh kö pich cho oghïghe mötöwöy ailöstewecha ghöyityenyo nko ngokicho aichengecha kelïkuna piköku kegh.”

MIKA 7:10

Sïwïyi nyu pungköchan, akïnam arasï chane cho mwowanïn lö, “Mi onö ECHOTYON Tororötïngu tagh nya?” Orosan ye nyu chane ketyökotyököy le norayonto ara kanasyan.

AMOS 7:5

Atolapay osoghinyi lö, “We Echotyon TORORÖT, söpchot nyu lö ne pipö Yakopo? Ngorï nyoman chane!”

ESEKEL 20:9

Wölo olulön kaynenyan kegh, tamalïkwï arasï ompö kwenu puntonichï möngöy nko chane kïsïwïyi opunan pipö Israel kïpkana Misri.

ISAYA 37:20

Kïlenyona, ye nyu, we ECHOTYON, Tororötïnyo, sörwecha kechïwïtyeghenö ewuno pipö Asirya atökunkïtï pipö punton tïkwïl lö nyi onkït nyo ichï Tororöt.”

TUMWÖY 89:51

Rotöy punköku pöytoghintengu, we ECHOTYON, ompö wop anka tïkwïl wölo weröy.

TUMWÖY 89:41

Kachor pich cho weröy atoni tïkuchi, kerat pöröriskachi nyinte.

TUMWÖY 79:4

Kemwaghecha pörörisköcha akïsasecha akïroröchecha.

TUMWÖY 74:10

Ayo we Tororöt, roröchininyi pungköcha nko oyï? Nyerinyi so chane kokay?

TUMWÖY 42:10

Le chepserkech nyo mi portönyan, kanyernyerenanïn pungköchan akïtepanïn lö, “Mi onö Tororötïngu nya?”

2 OTÖPTINO OSIS 8:12

Atolapay kïropchï Solomon ECHOTYON ropöw cho kïpelöy ompö ato kïpelo amöros nyo kitekyï körkör tagh ompö tawu Kö pö Tororöt.*

KINONO KIRURUT 32:27

Wölo melö opïsyinan pungkökwa kïkwol kegh lö, kakiwany piköchan akwanyï ante kegh nyo kawany chane.’

MATAYO 27:43

Kitwoytoy kegh nyinte Tororöt, nya kïsörï Tororöt nyinte ye ato chömo kegh nyinte, ompöwölo kilö. Ochï Wero Tororöt?”

MALAKI 1:9

Kïlenyona nyu akwa tïsï, asagha Tororöt atökusyonchech. Wölo ato lata choni ropöwe cho opchinekwa nyinte, porwokwa nyoman pöropchenyi?

NEEMIA 9:36

Topöne ye nyu lö kïchicha asisete sekey, ompö koronete kitönönyi papotïnecha tökïngörökyï akwechi nko ropöwechi cho karamach.

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

TUMWÖY 42:3

Kalïkwï lok omisyenyan nyo omöy pöghet nko nangat. Kïmi pich kïtepanïn kïtenö osis lö, “Mi onö Tororötïngu nya?”

2 OTÖPTINO OSIS 7:20

ongwïsokwa angetena korononi kyokonokwa nko köyï kyotïlilchan kaynenyu, owirtonan ompö tawunyan, aghan nyu kwama pich löwïr kelat.

1 PÖYTOGHÏ 9:7

ochenonan nyu Israel koronini kyotönön chane. Atolapay apakadan köyete kyotïlilön kïlïkwï ato kïsoghenanïn. Kïchïpotegho nyu Israel koros löwïr.

KINONO KIRURUT 28:37

Otyot pipö koroswechoni yonchinokwa ECHOTYON ompö kïyoni kegha ompö akwa. Pechini chane kukorenokwa akïroröchokwa.

KIYITUT 25:6

Kwipï chi pö Israel akong konyi korka nyo pö Midyan kïsïwïyi Musa nko pipö Israel löwïr ato kimi chane kïlokyegho kuka Ema nyo mi ECHOTYON.*

ISAYA 22:12

Kimi Echotyon, TORORÖT Kimuktoghin kïkurokwa asisoni lö oriryenö ateghyö ompö nyarïl, angwïl mötöwekwo alak sarankwachtin.

YOSWÖ 7:9

Ompöwölo lïmöy ye pipö Kanan nko punton löwïr cho möngöy koronï akïpka kurikecha akïtïp kaynencha kupot ompö ngwïny, ighenyi ne nyu ompö kaynengu nyo töror?”

TUMWÖY 42:4

Wongu mïkulöwunyan ato ananan cho kakuwer, ato kyonomnyotan nko söpïchis, antöghoghchan kelïtöy Kö pö Tororöt* aketeghyotoy ompö ngörekyö nko tumwöyi kiyokyinogh pö sörö, akimi nyu pich ichon kwen!

TUMWÖY 42:11

Ompö ne tökïsilön söpontönyan le nyï? Kölö ne towongwan le nyï? Okönan Tororöt, osölan nyinte ngat. Sörunintenyan nyinte akï Tororötïnyan.