YOEL 2:14 - PIPÏLIA

¹⁴ Ngo nyo nkït lö möwöghökönye wölo kenontoy akïpïswekwa perur totötenö ropöwo pagh nko dipay* ompö ECHOTYON Tororötïngwo?

YOEL 2:14 Referans Kwoze

YONA 3:9

Nkït ngo ne, muköy ana Tororöt kïwöghöko akïpïstö nörekyenyi nyo körom atömökiwonyö!’ ”

AKAY 2:19

Kïrkegh melö tökïmi pagh töpot, akï tomönye kuyin keti sapipun nko makany nko makomanka nko arol, wölo osoyönokwa kïngeta ye.”

YOEL 1:13

Ay akwa tïsï, alaka sïro cho poru lö omitekwa lok, oriryenö cho opöghisïyi ompö ato kïtïsisyegho. Olïtö Kö pö Tororöt alaka sarankwachtin kïyech, akwa chona opöghisyechini tororötïnyan. Ompöwölo mömicha ropöwo pagh nko cho kïgheghöy cho töketötoy kïpa Kö pö Tororöt.

SEPANIA 2:3

Ayara ECHOTYON wey, akwa cho ochï tölose, akwa cho orïpöy kirurutkachi. Agha man, ap kegh ngwïny. Töptoy ana ochïwïtyonekwa mönyorwok sito ECHOTYON asispa nörekyenyi.

YONA 1:6

Kïlenyona kïwö wowïn pö meli kïlenchï, “Ayo, ne nyï ighenyi nya rïwintonï? Ngeta aisagh tororötïngu. Tömö ana kïkonecha nyinte kingörokut tömökiwonyö.”

AMOS 5:15

Atagha kïgh nyo gha acham nyo karam achïchïma man ompö kokwotïn, töptoy ana syonchini ECHOTYON, Tororöt Kimuktoghin, ngötunön pö pipö ara Yosep.

2 PÖYTOGHÏ 19:4

Köyonï pöytoghinto Asirya Rapsyake nyo kengwïn kumwagh Tororöt nyo söpöy. Nya kunan ECHOTYON Tororötïngu ngalechï pö chïpö atökïkar kong pïchoni kangalana kutingwa ngalechoni. Kïlenyona, soghchinö piköcho cho le ngötunön.”

2 SAMWEL 12:22

Kïlö Daudi, “Kyalokan akïruran ato kisöpöy monïngay alan, ‘Nkït ngo töptoy muköy ECHOTYON ntökusyonchanïn akusop montö?’

WUWÖT 32:30

Kïlenchï Musa pich ato le asïyech, “Kaghakwa ngokï cho echön, owetan ye wölo mi ECHOTYON, töptoy oghan kinyoryogh ompö ngokikwa.”

2 TIMOTEO 2:25

Mïchini tïkwïl kïlïkwï chi nyo porchini man ompö tölosyö pich töghöy ngalechi, ompöwölo töptoy töni ana Tororöt chane pöroyïn kïlasta ngokikwa akunkïtï man.

YOEL 1:16

Ayo kichö mapeghenechanye pagh kerose akupot ngörekyö ompö Kö pö Tororötïncha?

YOEL 1:9

Mömicha ropöwo pagh nko tïsöw Kö pö Tororöt.* Ay, alokyenö nyu tïsï cho opöghisyechini ECHOTYON.

ISAYA 65:8

Mwoghöy ECHOTYON lö, “Möminye chi nyo nyoröy sapipun, wölo ighöy kïlïkwï dipay.* Kïlenyoni tïkwïl ompö ani. Monyoranye pikachu löwïr. Osörunan cho pöghisyewanïn.

1 SAMWEL 6:5

Agha körkeyïntino tösus nko mïr cho kipokyï kor atö ororyö Tororöt pö Israel, töptoy ana muköy kuchïchuk sitenyi ompö akwa nko tororötinekwa korenkwa.

YOSWÖ 14:12

Kïlenyona nyu konanïn wölo le koro kamas lenyini kimwa ECHOTYON asisoni, ompöwölo kilïmanyi tïkwïl asisoni wölo kilata pipö Anakim cho kimöngöy kanastinekwa cho echön cho tekote nïyetwö. Töptoy ana mi ECHOTYON nko ani amukan ntayon chane le otini kimwa ECHOTYON.”

YEREMIA 26:3

Töptoy lïmöy ana akïpïstö chi anka tïkwïl orenyi nyo gha. Ato igh lenyoni kumuko achalan opchï chane meghat nyo kyatatan lö opchini chane akwompö ighisyewutkökwa löwïr cho ghach.

YEREMIA 18:8

wölo ato wöghökisyö chane akïpïstö ortïnekwa cho ghach, kï mowetanye oghöy lenyini kyamwaghan lö oghchini chane.

YEREMIA 26:13

Kïlenyona mïchini owöghökisyenö ompö ortïnekwo nko ighisyewutkökwo ater kuti ECHOTYON Tororötïngwo. Ato aghakwa lenyoni, kïmelö ipkokwa ECHOTYON meghat nyo kimwa lö opu.

2 SAMWEL 16:12

Töptoy sïwïyi ECHOTYON kichoputköchan asete akïkonanïn köromnyö ompö chïpötonï pö asete.”