6 Nyo kiyï chi kï chi kïkany nyo kiyï Mïkulögh kï mïkulögh.
Kïlenyona nyu ato tuyö kegh chi anka tïkwïl nko Kristo kïkalïkwï nyinte ighan nyo rel, kikuwer ngala köny, ketï otöp nyo rel.
Meletönye tagh kwigh ngokï chi anka tïkwïl nyo kalïkwï mompö Tororöt, ompöwölo mi orinyi asïl pö Tororöt. Akwompöwölo Kwanta Tororöt, kïmelö letöy tagh kwighöy ngokï.
Wölo chi nyo kelinyö kegh nko Echotyon kïlïku mïkulögh akonga nko nyinte.
Ompöwölo onkïtön lö, kïrïp kegh nko otöptönyan nyo pö ptangengmöt möminye kïgh nyo karam nyo mi orinyan. Ompöwölo kïrkegh kömi machate orinyan nyo karam, kïmomukanye oghey.
Kïtopön Tororöt ngwïny akïsïwa lö kinyara tya, ompöwölo kirïp chi anka tïkwïl arenyi nyo gha.
Konante mïkulögh nyo karam, we Tororöt, aitö orinyan mïkulögh nyo sis.
Lïku nyu chi lö ne, chi pö man ompö tawu Tororöt? Akïtïlilitu lö ne, ptangengmöt nyo kïyï korka?
Ngo nyo muköy kwigh kïgh nyo tïlil kungwïna nyo le sïmnyon? Möminye chi nyo muköy.
Ompöwölo ato omöngisyekwa kïrïp kegh nko mökutko porwöyikwa, omeghyonekwa, wölo ato arïpakwa cho Mïkulögh otïghekwa ighisyewutkökwo cho ghach asöpchö.
Kikïlatecha tïkwïl choni, kikïrïpecha möchutko porwöyicho akegh kïgh anka tïkwïl nyo kimököy porwöyicho nko kinonutköcho. Kikïchicha monïngo nörekyo Tororöt le pikö walaka.
Atanya kyolinyekwa nko Kristo alïkukwa pich cho kikemut amelö mutata por nyo kïpöghisyegho rotwö, wölo nyo mutöy nyinte otini kamutïta otöptonkwa nyo pö ngokï, anyorï kityakat.
Kikïwudochï chane cho kikïpöyit Kristo Yeso kimurtöwon otöptöngwa nyo pö por nko pïrchintinechi cho ghach.
Malïkwïnye chane monïngo Tororöt ompö owesyo ptangengmöt, anta ompö machata por anta ompö chomnyo chi, wölo ompö owesyo Tororöt.
Ompöwölo atanya kikïmöngisyecha kïrïp kegh nko asïltönyo nyo pö ptangengmöt, kingetngetöy kirurut pïrchin pö ngokï nyo kimi porwöyicha ntökïyi akwa meghat.
Kïsïwa nyu ECHOTYON lö kighetï tya ghöyityo ptangengmöt ompö ngwïny akï gha kïgh anka tïkwïl nyo kinonöy nyinte osis lapay.
Otini kitïng Adam könyis 130, kïsïch monïng nyo le weri nyo kikarkegh nko nyinte, kïkurö Set.
Oyokyinan Tororöt sörö, nyo ighöy nyoni ompö Echotyontenyo Yeso Kristo. Nka nyi nyu wölo lata otöptönyan: opöghisyechinan ante Kirurut pö Tororöt ompö mïkulöwunyan, wölo opöghisyechinan kirurut pö ngokï ompö portönyan.
Metangany, ompöwölo komwowunyi lö, mötïnye keyï chi kïnyïl odeny!
