13 Möminye chi nyo kiwö yïm kïpoto Wero Chi nyo kirökunö yïm.
Ngo nyo kapusta yïm akïrokwï nya? Akï ngo nyo kakïghamïta yomat morïnenyi? Ngo nyo kamömönchï pögh sïra? Akï ngo nyo kichïchim luchtina ngwïny kïmïkul? Ngo kaynenyi akï ngo kayneto werïnyi? Inkïtönyi nyoman!
Ompöwölo korökunan yïm angwïn ngwïny atagh machata Tororöt nyo kiyokwanïn, melö machatenyan.
Ompöwölo mapustanye Daudi nyinte yïm wölo mwoghöy lö, ‘Kimwochï Echotyon Echotyontenyan: Mpurö okumpö tagh nyo pö ewunyan,
Möminye chi nyo kikïsïwa Tororöt kokay. Wölo kikuporwecha nyinte Werïnyi nyo le akonga nyo ghömote nko Kwanta.
Kikigha Adam nyo pö tagh nyïngwïtyanta ngwïny kungwïna chi nyo pö odeny yïm.
Kinkït Yeso lö kikikutö Paponyi tïkwïn löwïr morichi akinkït lö kingwïna nyinte wölo mi Tororöt akïwetöy ngat wölini mi Tororöt.
Wölo lentöy Kikirut paraku wölo kiyityinegho pich man ompö ara kighanat lö, “Memwagh ompö mïkulöwungu lö, ngo nyo pusöy yïm?” (Nyoni kï kepu Kristo ngwïny.)
Ekïlïku nyu ne köny ato asïwekwa Wero Chi kïwetöy yïm wölini kingwïna otini le tagh?
“Wow chichoni ngwïno yïm kïtïl pich löwïr, nyinte nyo pö ngwïny kïpö ngwïny akïngölonöy nyinte ngala ngwïny. Wow chi nyo ngwïno yïm kïtïl pich löwïr.
Molenchï kegh mi chi nyo kikïsïwa Papo, kïpoto chichoni kingwïna wölo mi Tororöt, chichoni onkït nyo kakïsïwa Papo.
Kïtep kegh chane lö, “Mö Yeso so nyete nyaye le wero Yosep? Kumuko lö ne kïlentöy, ‘Korökunan yïm?’ Kinkïtöcha kwanta nko kame!”
Melö mi yïm nyo olentekwa, ‘Ekï ngo nyo pustoy wölini atökurekwecha, atökemuka kelïma akerip?’
Paponyu! Konante ororyö ompö tawungu ye, ororyö nyo karkegh nko nyanya kyotïngetan nko nyi kïtomö ketowï ngwïny.
Kïlenchï Yeso, “Ntökö Paponkwa Tororöt nyoman, kötochömanïkwa, ompöwölo kyangwïnan wölo mi Tororöt akwanyï ye omitan yi. Kimongwïnchanye kegh ante, wölo kiyokwanïn nyinte.
Ochan makatyan nyo satate nyo kirökunö yïm. Ato töp chi anka tïkwïl ntökwam makatyantanoni, kïsöpöy kokay. Akï makatyan nyo otöninan nyinte kï portönyan nyo okonunan atökïsöpö ngwïnya.”
Ompöwölo makatyan nyo konu Tororöt kï nyinte nyini körökunö yïm atökutö ngwïny söpon.”
Akamana kegh arip, apagh kechiryo Tororöt cho kökonokwa Mïkulögh nyo Tïlil ayakwïya. Alïkwï mösöw cho pö kanisa Tororöt nyo kyala nyinte kisönko Werïnyi.
anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”
Kanisa kï por pö Kristo akï nyinte nyo nyïghitöy tïkwïn tïkwïl ompö woptin löwïr.
Kuyokyï Yeso nyinte lö, “Tïngeto chepkonöw pïrïmpotikwa akïtïng töritwö korikwa, wölo mötïngnye Wero Chi wölo rïwöy.”
Ato komwowokwa ngala ngwïny amelö oghönekwa, omukekwa nyu lö ne oghöne ato omwowokwa cho pö yïm?
