YOANA 10:16 - PIPÏLIA

¹⁶ Mito kechirye chichan walaka cho mömicha kweghonete! Mïchinanïn orongwï chane atökïlïm chane tïkwïl kutinyan akïlïkwï okwot akonga nko mösöwon akonga.

YOANA 10:16 Referans Kwoze

ISAYA 56:8

Kikuyomisï Echotyon TORORÖT nyo kimïtuna pikachi Israel kïpkana pïnotön, lö tökumïtu nyinte asïyech pikö walaka kïtuyö nko chane.

1 PETRO 2:25

Kyalatekwa kechir cho kikupotyö, wölo kyoyokukwa kegh ye, atarïpa Mösöwon akï Ripinto mïkulöwekwa.

YOANA 11:52

amelö ompö piko korengwa opïn, wölo tökumï tïkwïl kutuyö pipö Tororöt kïmïkul cho kitoytoyö.

ESEKEL 34:23

Atolapay otönön chane mösöwon akonga, mötworintenyan Daudi. Komönöy chane akïlïkwï mösöwontengwa.

ESEKEL 37:24

“Lïku nyu mötworintenyan Daudi pöytoghintengwa löwïr, kinyorï nyu chane löwïr mösöwon akonga. Rïpöy kirurutköchan akïrïp ngalechan lasiny.

YOANA 6:37

Chi anka tïkwïl nyo konanïn Paponyan, kungwïnöy wölo omitan, amoyonchinanye sany chi anka tïkwïl nyo ngwïnchinanïn.

YOANA 10:27

Teröy kechiryechan kutinyan, ankïtön chane akïrïpanïn chane.

YOANA 10:11

“Ochan mösöwon nyo karam. Tötoy mösöwontö nyo karam söpontanyi ompö kechiryechi.

NGONGUT 3:20

Oghyongenan kukat akonykony ato lïm chi anka tïkwïl kutinyan akïyat kukat, olïtan konyi, amisyö nko nyinte akwomisïyi nyinte tïkwïl nko ani.

1 PETRO 2:10

Kimi ato kimochikwanye pich, wölo kalïkukwa ye pipö Tororöt, akimi ato kimonkïtökwanye lö ne kisyonöto Tororöt, wölo katakakwa ye kisyonötenyi.

2 TESALONIKE 2:13

Mïchinecha keyokyine Tororöt sörö kïnomnyö ompö akwa, tupchenicho akwa chona kichamak Echotyon, ompöwölo kikïlakwa Tororöt kïngeta towunöt atonyorunö sörunöt ompö owesyo Mïkulögh atökeghakwa alïkuna pikachi cho tïlilöch ompö kighanat nyo pö ngölyonto man.

MATAYO 17:5

Otini kitökïngölonöy, kulum polta chane nyo rel akungwïna kut poltonini nyo kilö, “Werïnyan Anyï nyo le chamanenyan nyo ochömonan kegh nyoman atera ngalechi.”

TUMWÖY 86:9

Pkonöy pipö punton löwïr cho kighanyi akïsaghinyi, we Echotyon, töroröy chane kaynatengu.

IGHISYEWUT 22:14

Kïlenchanïn, ‘Kakwighinyi Tororöt pö kukötinecho nkïtunö machatenyi, atesïwena Mötworintenyi nyo pö man ailïm nyinte kïngölonuneninyi kutinyi.

IGHISYEWUT 18:10

ompöwölo omitan nko nyi. Möminye chi nyo muköy kwighunyi nyo gha ompöwölo chang piköchan ompö kanasyantanetenyi.”

IGHISYEWUT 15:14

Kötökïmowecha Simon wölo kinyaghta Tororöt kichakagh cho le chechi ompö pipö punton.

SAKARIA 2:11

Pkonöy koroswö osiswechoni akïlinyö nko ECHOTYON. Lïku nyu chane piköchan, amangan kwenungwa. Onkïtukwa nyu lö, ECHOTYON Kimuktoghin nyo kiyokwanïn wölo omikwa.

OSEA 1:10

Wölo chongitu nyu pipö Israel le ngayam ompö sörömu nanam, cho mökimukönye kepim anta kiyit. Wölay kilenchï Tororöt chane, “Mochikwanye piköchan,” wölo itïtoy ato lenchini, “Ochikwa monïngo Tororöt nyo satate!”

ESEKEL 37:22

Aghan nyu chane kïlïkwï pich akonga ompö korengwa nko ompö kutïngkoti Israel akïpayta chane pöytoghintö akong. Melö tökïchöghisyot chane kïlïku punton odeny anta lïkwï pöyunötin odeny.

ISAYA 52:10

Keghïtö ECHOTYON ewunyi nyo tïlil, kïsïwïyi pipö punton löwïr. Sïwïyi pipö ngwïny kïmïkul sörunöto Tororötïncha.

ISAYA 49:6

Kimwowanïn ECHOTYON lö, “Möghömönye pat lïkunanyi mötworintenyan, nyo isyolöy pipö Israel chi kingötï, wölo oghinyi tïkwïl lïkune löpoyïn pö pipö punton atökesörï nyu ngwïny kïmïkul.”

ISAYA 43:6

Omwochinan pipö ewu löt kïpïstö chane, amwochan cho pö ewu tagh kutyak chane. Nya kïmïlisyeghö chane koros cho lowöch, nya kïpkana koroswo ngwïny löwïr.

OMTOGHIN 12:11

Karkegh ngala pich cho ngöghomöch nko köröyö nyo ngatip, akïkarkegh ngala ngötïnyö cho kakituyö cho mwowu Mösöwontö akong nko chumaris cho kakïparta lö kïng.

TOWUNÖT 49:10

Melö wegho lïpö paytagh Yuda. Pöytoy monechi kokay ntökïtenö kungwïn nyinte nyo mïchini kïpayta, akïkïtïngchini pipö punton nyinte.

EPRANIA 13:20

Nya kwighakwa Tororöt pö kalya otïlilitunö ompö köromnyö anka tïkwïl nyo kigh Echotyontencha Yeso nyo le Mösöwonto kechir nyo Wow ompö areto meghenyi kututunö wölo mi cho kimeghö akukïninieghö nyoni muma* nyo pö kokay.

YOANA 10:2

Wölo chi nyo lïtöy kuweröy kukat kï mösöwonto kechir nyinte.

ISAYA 11:10

Itu asis ato ngetuno pöytoghintö nyo rel ara Yese nyo ghyongöy kïlïku kiporunöt ompö pipö punton. Pkonöy pich kïtuyegho kanasyantenyi nyo töror akutö nyinte konyït.

1 PETRO 5:4

Akwato itï Mösöwonte nyini Wow, onyorukwa nyu tenta ororyö nyo mepoytonye.

ESEKEL 34:6

Kitoytoyö kechiryechan akupotyö kïghömï kutïngkot nko komos löwïr, kitoytoyechï kechiryechan ngwïny kïmïkul akï puryö chi nyo kiyarata chane.

ESEKEL 34:12

Le wölo yokwïytoy mösöwontö kyakichi, oyokwïyan kechiryechan lenyoni. Osörunenan chane wölini kïtoytöyechï löwïr ompö asispa kïruntï nko turï.

YOANA 10:3

Yotini nyinte ripinto kukat akïlïmöy kechiryechi kutinyi, kuröy nyinte kaynötutkökwa kwakonga akonga akuntöghoghchï chane.

YOANA 10:4

Otini kayat kechiryechi kïpka sany, kuntöghoghchï, akïrïpöy kechirye nyinte, ompöwölo nkït kutinyi.

YOANA 10:5

Mörïpöcha chi nyo le ton, nyinö kötörïpöy, kupertegho nyinte, ompöwölo menkïtcha chane kuti ton.”

YOANA 17:20

“Mosoghanye ompö chane opïn, wölo osoghchinan pich tïkwïl cho ghönanïn ompö amtaghto pïchete

RUMI 11:25

Omöchokwa onkïtune, tupchenichu, manï wïngate, tömalïs kegh lö kïchï ngöghomöch. Oghïghyo mïkulis pö pipö Israel kïpo pat ntökïtenö kïpkonchï Tororöt pipö punton walaka.

LUKA 15:8

“Anta ato tïng korka ropïyeni silpa cho le taman akupot akong, ighöy ne? Pköngöy ta akupuch konyi akïsakas lasiny woptin löwïr ntökïnyorï.