YAKOPO 2:3 - PIPÏLIA

³ Ato oporchikwa konyït chichoni loköy sïro cho pïchighöch, alenchï nyinte, “Mpurö yi karam,” wölo olenchikwa meywontonay, “Ghyongenö otinö,” anta, “Mpurö ngwïny otï le kelyechan.”

YAKOPO 2:3 Referans Kwoze

2 KORINTO 8:9

Ompöwölo onkïtökwa pöropcheto Echotyontenyo Yeso Kristo nyo kïrkegh kitïng nyinte kïgh anka tïkwïl, kwigh kegh meywon ompö akwa atökumï kwighakwa alïkuna sïkön ompö meywontönenyi.

YAKOPO 2:6

Wölo kasasakwa mey! Melö so sïkön chay pïrokwa akumïtakwa ka kirwok?

YUDA 1:16

Ngwïrngwïronöy pïchoni kïtenö osis akugheghchini pikö walaka. Pich chane cho rïpöy möchutkökwa cho ghach, menöy lö kïchï pich cho echön, akï lïso kïnamata kegh nko pich ngalekwa cho onyïn, atökïnyorï tïkwïn cho kömököy.

ISAYA 65:5

Atolapay kïlenchï pich, ‘Amal kegh, marikecha!’ Lenye pïchï ighöt nyo chilchilanïn sörun, lenye ma nyo nöghöy kwimön.

NGÖTÏNYÖ 18:23

Pöghisyegho meywon saghsaghat, wölo mölyöngu sïkönö ompö köwköwghyö.

LUKA 23:11

Kïnget Erode nko askarinechi Kïnyernyera Erode nko askarinechi Yeso akutö arasï. Atolapay kulokyï nyinte sïro pö paytagh akuyoda kïwö wölo mi Pilato.

YAKOPO 2:2

Kemwaghe ya lö, ato lïtï tuyenkwa nyo tïng kaymorispa koltin akuloköy sïro cho pïchighöch akwitï meywon tïkwïl nyo loköy sïro cho kiwïryö.