YAKOPO 1:3 - PIPÏLIA

³ Ompöwölo onkïtökwa lö ato alotakwa ompö kighanatenkwa, sörömunyi onyorunekwa mïkukönöt.

YAKOPO 1:3 Referans Kwoze

EPRANIA 10:36

Mïchini omïkukönökwa atamuka agha machata Tororöt, tonyorunö kini kikiyomisï.

KOLOSAY 1:11

Nya kuchïchimakwa Tororöt ompö owesyo ororyenyi kïmïkul atamuka omïkukönö, akamagh kïgh anka tïkwïl ompö ngörekyö.

1 PETRO 1:7

Keröto työmutchoni kï tökïrumï lö pö man kighanatenkwa. Arose lö kïtyömo ma koltin cho kinkït lö wïryot. Kïlenyona nyu, kïtyömöy nyo mötïny kighanatenkwa nyo tïng olyot nyo wow tya kïtïl koltin tökïchïchïm, sörömunyi onyorunekwa salat nko ororyö nko konyït. Asisoni kïngongu Yeso Kristo.

RUMI 8:28

Kinkïtöcha lö, ompö tïkwïn lapay ighöy Tororöt kïgh anka tïkwïl karamit ompö pich cho chömöy nyinte, pich cho kikur nyinte kïrïp kegh nko machatenyi.

2 KORINTO 4:17

Kïnyorunecha kömpölelut ye atö ipkecha ororyö nyo tïlöy kinonutköcha löwïr, ororyö nyo mötïngnye söröm.

RUMI 15:4

Ompöwölo tïkwïn löwïr cho kikikir könyisyok, kï kikikir tökunetecha atömanyïl kesïch kikönöt ompö mïkukönöt nko kikilöto kegh nyo kïsïkonecha Kikirut.

2 PETRO 1:6

atasa ngöghomnyengwo ripöto kegh, atasa ripöto kegh mïkukönöt atasa mïkukönötengwo kiwaghata Tororöt,

RUMI 8:25

Wölo ato kikönöcha kïgh nyo melö kïsïwïyecha, keköngisïyecha ompö mïkukönöt.

EPRANIA 12:1

Kïtïngetecha acha söwï cho chang nyoman cho kiwitwitecha. Kenateghena nyu nïkisyö anka tïkwïl nyo tungecha nko ngokï cho sïkwïrecha, akeryagh ompö nyakanat kanyanyighos nyo mi tawunyo.

2 TESALONIKE 3:5

Nya kuntöghoghchï Echotyon mïkulöwekwa ompö chomnyo Tororöt nko ompö mïkukönöt nyo konecha Kristo.*

2 TESALONIKE 1:4

Nka nyoni kïgh nyo keghecha kekwolenö kegh akwa ompö kaniseni Tororöt. Kïkwolecha kegh ompö or nyo omitekwa orïpöy ompö kighanatenkwa nyo melö wöghöko, kïrkegh nyörilwok nko kiwongunöt cho konyorukwa.

RUMI 2:7

Töni Tororöt söpon pö kokay pich cho ighchini pikö walaka nyo karam akïsomöy Tororöt kutö chane ororyö nko konyït nko söpon nyo melö wïröy.

LUKA 21:19

Achïchïm nyu lasiny tonyorunö söpon.

EPRANIA 6:12

Malïkwï körsong, wölo okil kegh, arïp pich cho kighan akïmïkukön atomi söröm kïnyorï tïkwïn cho kiyomisyï Tororöt chane.