YAKOPO 1:2 - PIPÏLIA

² Oyitö kegh tupchenyu lö ochikwa pich cho ngörekyote ato onyorukwa työmut cho sisinchö.

YAKOPO 1:2 Referans Kwoze

YAKOPO 1:12

Soyönote chi nyo kömöghöy työmut, ompöwölo otini kemuyta tyomutchoni, kïnyoru nyinte söpon nyo kiyomisyï Tororöt pich cho chömöy nyinte.

PILIPI 1:29

Ompöwölo kakekonokwa pöropchö nyo opöghisyechini Kristo melö ompö kighanat onkït, wölo ompö kiwongunöt tïkwïl nyo owongunonekwa nyinte.

2 PETRO 2:9

Kïlenyona nyu Nkït Echotyon kïsöru pich cho wöghöy Tororöt kïngetunö työmutkökwa akunyaril kong pich cho ghach ntökwit asispa kirwok,

KOLOSAY 1:24

Ongörökyinan ye nyu nyörilwoköchan cho keghanïn owongwï ompö akwa, ompöwölo ompö nyörilwoköchan, kamukan anyïghit chölös nyo kirarteghate ompö nyörilwok pö Kristo ompö portanyi, nyoni le kanisa.

NGONGUT 2:10

Meway kïgh nyonikïny nyo mach kwipunyi nyarïl. Rosa! Työmokwa Onyötö akïtorchokwa chela, akechopokwa kong osis taman. Alïkwï cho ghönote ompö ani, kïrkegh meghe, ato konok tenta söpon.

IGHISYEWUT 5:41

Kïngeta kiyoktoghï Kokwö nko ngörekyö nyo wow, ompöwölo kisïwa lö, mïchini kuwongunö chane kaynata Yeso.

EPRANIA 10:34

Kyaghamakwa nyarïl nko pich cho kikïrat. Otini kimasenokwa pich tïkukwo, opïstekwa ompö ngörekyö, ompöwölo kyonkïtökwa lö, otïngetekwa tïkwïn cho karamach tya ompö yïm akï tïkwïn cho tïpiyot kokay.

PILIPI 2:17

Kïrkegh keparanïn, akepighchï kisönköchan parakuto kighanatenkwa nyo le amöros nyo kïropchini Tororöt, ongörökan nyoman oturönön nko akwa löwïr.

RUMI 5:3

Kïngörokyinecha tïkwïl kömpölelutköcho ompöwölo kinkïtöcha lö, ipu kömpölelyö mïkukönöt,

YAKOPO 1:16

Makany kelïsak chamankachu cho kïtupchö!

YAKOPO 1:19

Anan ya ngölyontonï chamnkachu cho kïtupchö! Akanya kïkwïskwïsit chi anka tïkwïl ompö kïgh kïlïmöy nyo, wölo melö cho pulchini kïngalan anta narek lawel.

YAKOPO 5:11

Kiyitecha chane lö pich cho soyönote, ompöwölo kimïkukön. Kyalïmakwa wölo kimïkuköntö Ayupu, ankïtökwa kïgh nyo kighchï Echotyon nyinte ato le söröm ompöwölo wow kisyonötenyi nko lulötenyi.

PILIPI 2:18

Kïlenye nyoni tïkwïl ompö akwa, mïchinokwa ongörekyenö, aturonchö nko ani.