WUWÖT 5:22 - PIPÏLIA

²² Kïlenchï Musa ECHOTYON, “Echotyon, ompö ne teghchinönyi pïchï nyo gha? Akwompö ne teyoktaninyi?

WUWÖT 5:22 Referans Kwoze

YEREMIA 20:7

Kelïsaninyi we ECHOTYON alïsan kïlïsa! Ichinyi awes kïtïlanïn akilotaninyi. Kalïkwan chi nyo kïroröchini kwimön, mïnanïn chi anka tïkwïl.

APAKUK 2:3

Ompöwölo tökïköngöy ngongutyononi osiswechi cho kikïtat. Wölo kelu asisoni lawel akungwïnöy kïyoni oporunyi kïlïku man. Kïkany ato lentöy chi keropï, wölo kanganyi itu nyo mötïny, meropunye.

TUMWÖY 73:25

Ngo nyo otïngetan ompö yïm kïpoto nyi? Akï ne nyo toyöran ato omitan nko nyi?

1 PÖYTOGHÏ 19:10

Kuyokyï Eliya lö, “ECHOTYON Tororöt nyo pö owesyö, kasïwan nyo gha nyoman ompö pipö Israel ompöwölo kapeny chane muma* nyo nko nyi, akunyar ato kïpelo amörostineku akïpar werkoyköku löwïr. Ani ye nyu onkït nyo köngötï, akwanyï ye mi chane kïyöröy kïpöranïn tïkwïl.”

1 PÖYTOGHÏ 19:4

Atolapay kïweghö Eliya atoni onkït kwimön kutang surkwen. Kumungö ket ghït akïsagh lö opï kameghan, kïsagh lö, “Heywey ECHOTYON, melö tomukan. Osoghinyi ye lö chenga söpontönyan, ompöwölo melö ochan karam kïtïl werkoyi walaka cho kimi tawunyan.”

1 SAMWEL 30:6

Kusus kegh Daudi nyoman, ompöwölo kimököy pich kïwiro nyinte koghïn. Kinörekyö chane tya ompö monekwa, wölo kukil kegh Daudi ompö ECHOTYON Tororötïnyi

KIYITUT 11:11

akïlenchï ECHOTYON, “Ompö ne teghwaninyi nyo gha le nyï? Akwompö ne tömonyorwan chömchin ompö wölo iminyi? Ompö ne tetönaninyi nïkisyo pïchï löwïr.

WUWÖT 17:4

Kïrirchï Musa ECHOTYON lö, “Oghan ne ompö pïchï? Kamach kïwirenanïn koghïn.”

YEREMIA 12:1

Iponyi man we ECHOTYON, kïrkegh opunyi ngwïrngwïryenyan. Wölo omochan opunyi teputyenyu. Ayo, ompö ne tökïsïköy mwokïyis kel nyo karam? Ompö ne tökuletöy tagh pkatis löwïr?

YEREMIA 4:10

Atolapay olan, “Ayo Echotyon TORORÖT, mökelïsanyinye nyoman pïchete pö Yuda nko Yerusalem? Kelenchinyi chane, ‘Momokwanye kïgh,’ akwanyï kikenömchï chok sïghinchonikwa.”

YOSWÖ 7:7

Kïlö Yoswö, “Heywey! Echotyon TORORÖT, ompö ne temïtunanyi pïchï kwowï Yordan, tetönecha mori pipö Amori, tökuwanyecha? Kitö kaykay kemangacha Yordan antakwagh!