WUWÖT 34:9 - PIPÏLIA

⁹ lö, “Ato kechamanyi kïgh nyo kaghan, we Echotyon, osoghinyi lö, wïyö nko acha, kïrökegh kö pich cho oghïghe mötöwöy ailöstewecha ghöyityenyo nko ngokicho aichengecha kelïkuna piköku kegh.”

WUWÖT 34:9 Referans Kwoze

TUMWÖY 33:12

Soyönote puntonï cho ECHOTYON kï Tororötïngwa, pich cho kikïl Tororöt kïlïkwï chechi!

TUMWÖY 94:14

Melö pökoktoy ECHOTYON pikachi anta pïstö mïlankachi.

KINONO KIRURUT 32:9

Ompöwölo kikïl ECHOTYON pipö ara Yakopo akïlïkwï pïchoni karerantanyi.

TUMWÖY 135:4

Kikïlchï kegh ECHOTYON Yakopo, kilïkwï pipö Israel mïlatenyi.

TUMWÖY 28:9

Isörï piköku, we ECHOTYON, aisoyön pich löwïr cho le cheku. Ilïkwï mösöwontengwa aikaman chane kokay. Tum pö Daudi.

YEREMIA 10:16

Wölo melö karkegh tïkuchoni nko Tororöt pö Yakopo, ompöwölo nyinte nyo kigh tïkwïn löwïr, akïkïl pipö Israel kïlïkwï chechi. Kïkuro kaynenyi ECHOTYON Kimuktoghin.

WUWÖT 32:9

Kïlenchï ECHOTYON Musa, “Kasïwan pïchï lö, pich cho oghïghe mötöwö.

SAKARIA 2:12

Pöyitu ngat atoni koro Yuda ECHOTYON nyo chömo kegh tya ompö koronï tïlil akïkïlchï kegh ngat kanasyanta Yerusalem.

TUMWÖY 78:62

Kïpïstö pikachi kuwonyeghö chok otini kinörekyï chane.

WUWÖT 19:5

Ato okonyïtanïkwa lasiny arip mumenyan. Olïkukwa piköcha kegh kïtïl pipö punton löwïr, kïrkegh kö nyinyan ngwïnya kïmïkul,

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

ISAYA 48:4

Kyonkïtön lö kyochikwa penyï, cho kiyomö kotwonï le karïn, akïkarkegh tokochwekwa nko taghoy.

TUMWÖY 25:11

Löstewante ngokichu, cho möngörï ompö kaynengu kegh we ECHOTYON.

KIYITUT 14:19

Osoghinyi ye ECHOTYON lö mötoghchinö pïchï lelutkökwa, kïrïp kegh nko chomyengu nyo möminye söröm le ato kilöstoghchinyi chane kïngeta kïpkana Misri.”

WUWÖT 34:7

Syonchini cho chang akïlöstoghchini ghöyityengwa nko lelutkökwa nko ngokikwa amelö yityini chi nyo gha lö mötïnye ghöyityö, ghokyini monïng ghöyityeto papotïnekwa nko kukötinekwa löwïr, ntökwit pïnta nyo pö sömök nko nyo pö angwan.”

KINONO KIRURUT 4:20

Wölo kisörunenokwa ECHOTYON mapa karïn ompö koro Misri atalïkuna pikachi kegh otï le ye.

KINONO KIRURUT 9:18

Kyorïwön ngwïny tawu ECHOTYON osis tömönut angwan nangat nko pöghet, le atanya le tagh. Melö kyomisyan anta aghegh pögh ompöwölo kyoghchikwa ngokï ECHOTYON, otini kyaghakwa kïnarek nyinte.

KINONO KIRURUT 9:26

Asaghan nyinte lö, ‘We Echotyon TORORÖT, mewany piköku kegh cho kisörunyi aimïtunenyi koro Misri ompö owesyengu nyo wow.

KINONO KIRURUT 9:29

Akwanyï piköku chane kegh, cho kimïtunenyi Misri ompö owesyengu nyo wow.’

MIKA 7:18

Möminye Tororöt anka nyo lata nyi nyo löstoghchini pich ngokï akïpïstö lelut pö pikachi cho pö man amelö roröy nörekyö kokay ompöwölo ichömechanyi nyo möminye söröm.

WUWÖT 33:12

Kïlenchï Musa ECHOTYON, “Kemwowaninyi lö, ‘Mïta pïchï,’ wölo melö onkïtön lö, ngo nyo wetöy nko ani. Kemwaghanyi lö, ‘Onkïtön kaynengu, akenyorunyi tokoch nyo karam ompö tawunyan.’