WUWÖT 34:13 - PIPÏLIA

¹³ Ingany ato kïpelo amöros airul pchörinekwa aitör tororötinekwa Asyera.

WUWÖT 34:13 Referans Kwoze

2 PÖYTOGHÏ 18:4

Kinyar wölo kïsogho körkeyïntin akurultö pchörin akuriy körkeyïntin cho pö tororöt nyo kikuro Asyera* nyo le korka akïtörotör moroy nyo pö taghoy nyo kigh Musa nyo kikuro Neustan, ompöwölo kitökïpelchini pipö Israel amörostin osiswechoni.

WUWÖT 23:24

Mokïtïngchï tororötinekwa anta asagh anta arïp ighisyeghutkökwa. Mïchini anyarakwa arultö pchörinekwa kïlïkwï mïrngany.

KINONO KIRURUT 16:21

“Ametö körkeyïn pö ket nyo pö Asyera* atolekïtö ato kïpelo amöros pö ECHOTYON Tororötïngu.

KINONO KIRURUT 7:5

Kïlenyona anganya ato kïpelo amöros arul pchörinekwa cho tïlilöch atörotör tororötïngwa Asyera* apel körkeyïntinekwa cho kipötöy.

2 OTÖPTINO OSIS 31:1

Nyini kimuchö ngalechoni löwïr, kïpa pipö Israel löwïr cho kimi atoni kïtoyechï kanastina Yuda akusyewsyew pchörin cho kikigha köghïn akïtörotör körkeyïn pö Asyera* tororöt nyo le korka akïngany wölo kïsogho körkeyïntin akïngany ato kïpelo amöros ompö koro Yuda kïmïkul nko Penchamen nko ompö Epraim nko Manase tïkwïl, kïngany tökïtenö kïsïwa lö, kewonyö lökïr. Atolapay kïmïlisyö pipö Israel kanastinekwa kïwö chi anka tïkwïl kutang möngenyi.

2 PÖYTOGHÏ 23:14

Kurultö Yosia pchörino koghïn kïmïnchïrisyö, akïtörotör körkeyïn pö Asyera tororöt nyo le korka akunyïghit otini kighyongo koyo pich.

KIRWOKÏ 6:25

Kïlenchï ECHOTYON nyinte oghononi, “Kata kïrkïto papongu nyo pö odeny nyo pö könyis mut nko odeny, aiwö irul ato kipelo papongu amörostino Paal,* aitör Asyera* nyo lekïto atoni.

KIRWOKÏ 2:2

Amotöp ntam muma nko pich cho möngöy koronete, wölo onyorekwa ato kïpelo amörostinekwa.’ Wölo melö kyarïpakwa ngölyontenyan. Ompö ne taghakwa le nyï?

KIRWOKÏ 6:26

Atolapay itek ato kïpelo amöros ompö ECHOTYON Tororötïngu ato sïtote, aitat koghi lasiny, atolapay ikat kïrkïyay, aitötö kïlïkwï ropöwon aipela kwenchay pö Asyera, ketörönyi.”

1 PÖYTOGHÏ 14:15

Chopöy ECHOTYON kong pipö Israel akusasak le soywon nyo kisösoko lalwa. Ngöwuno nyinte pipö Israel koronete karam kitö nyinte papotïnekwa akutoyö chane kwoghyö lalwa Yuparet, ompöwölo kigh chane nyinte kïnarek tya otini kigh körkeyïn nyo pö tororöt nyo le korka nyo kïkuro Asyera.*

2 OTÖPTINO OSIS 14:3

Kingany ato kïpelo amörostin ompö tororötin walak nko wölo kïsogho körkeyïntin akï tïwu koghay tïlil akïtör wölo kighyongo Asyera.*

2 OTÖPTINO OSIS 15:16

Kiyon pöytoghintö Asa kame Maaka ompö ngacharu paytagh ompöwölo kikikwigh körkeyïntino Asyera.* Kirultö Asa körkeyïnoni pö Asyera akïtïghotïgh akïpel ompö mpöghoghyo Kidron.

2 OTÖPTINO OSIS 17:6

Ki nyakan mïkulöwunyi ompö ortïna ECHOTYON kulet tagh kunyar wölay syolote nko Asyera* ompö Yuda.

2 OTÖPTINO OSIS 24:18

Kïpïstö pich kïsagha Kö pö ECHOTYON Tororöto papotïnekwa, akutor kïsagh körkeyïntin nko Asyera* tororöt nyo le korka. Kïnarek ECHOTYON ompö Yuda nko Yerusalem ompö ngoki choni kigh.

2 OTÖPTINO OSIS 33:19

Kïkany sowutkachi nko wölo kiterta Tororöt somötenyi nko ngokichi löwïr nko wölo kipïsteghtö kighanatenyi nko onkuninö kitekta wölo kïsogho körkeyïntin akupintit Asyera, tororöt nyo le korka nko körkeyïntin, atanya kitomönye kïrïny kegh Manase ompö tawu Tororöt, kukirote kitapu otöptino werkoy.

ISAYA 17:8

Melö tökïtigho kegh ngat ato kïpelo amöros, cho kiteka chane morikwa cho le körkeyïntino tororöt Asyera* nyo le korka nko wölo töror kïpelo tïkwïn cho ngutoy nyo karam.

ISAYA 27:9

Wölo kïlöstoghchini pipö Israel ngokikwa otini kewany chane kïngagh koghi tïsöwo pipö punton kïkarkegh nko pïsya amelö tökïmi ngat koghïn cho ngötu cho kïpelo tïsöw anta körkeyïntin cho pö tororötnay le karka kïkuro Asyera.*

YEREMIA 17:2

Soghöy pikökwa körkeyïn Asyera* ompö ket cho tïnkusöch nko kutïngkot

MIKA 5:14

Arultenan körkeyïntin pö Asyera* cho otïngetekwa, anyoran kanastinekwa löwïr.

KIYITUT 33:52

ayon pich cho möngöy tagh korononi, anyar koghikwa cho kigho körkeyïntin nko körkeyïntinekwa cho pö karïn arultö ato osoghokwa.

KINONO KIRURUT 16:22

Ametek pchöri kogh nyo kïsogho körkeyïntin, ghöchini nyoni ECHOTYON Tororötïngu.

2 PÖYTOGHÏ 10:27

Kïlenyona kunyar köyay kïsogho Paal akwigh kïlïkwï kö pö samï nko nyete le ye.