WUWÖT 34:12 - PIPÏLIA

¹² Orip kegh atömam mis nko pipö koronini opetekwa, atömölïkwï ngöghöp ompö kwenunkwa.

WUWÖT 34:12 Referans Kwoze

KINONO KIRURUT 7:2

Otini ketö ECHOTYON Tororötïnkwa chane morikwa apar chane kuwonyö lömïs. Mam mis nko chane amotöp ntosyonchï.

KINONO KIRURUT 7:16

Awany nyu pich löwïr cho töni ECHOTYON Tororötïnkwa morikwa amakany kusyonok chane. Amopöghisyechï tororötinekwa, ompöwölo lïku ngöghöp choni ompö akwa.

TUMWÖY 106:36

Kïsagh körkeyïntin, cho kïlïkwï ngöghöp ompö chane.

KIRWOKÏ 8:27

Kwigha Kidyon körkeyïn karichoni pö koltin akutö kanasyantenyi nyo kimi Opra. Kïlïkwï pipö Israel kalomak akïsagh körkeyïntin, kïlïkwï nyoni ngöghöp ompö Kidyon nko piko konyi.

KINONO KIRURUT 20:18

Atömenetakwa chane otöptin cho ghach cho ighchini tororötinekwa akwighakwa oghchinö ngokï ECHOTYON Tororötïngwo.

1 PÖYTOGHÏ 11:2

Melö kiyang nyinte kiyomisöto Tororöt nyo kitagha pipö Israel kwip tipö pich walaka, ompöwölo kighöy nyoni pikachi kupotyö akwigh chane kïsagh tororötin walaka, wölo kip pat chane kïsamta.

2 PÖYTOGHÏ 17:10

Kitek chane pchörin cho pö körkeyïntino tororöt nyo kikuro Asyera* ompö kutïng anka tïkwïl nko ket anka tïkwïl nyo kiwuro

2 OTÖPTINO OSIS 24:18

Kïpïstö pich kïsagha Kö pö ECHOTYON Tororöto papotïnekwa, akutor kïsagh körkeyïntin nko Asyera* tororöt nyo le korka. Kïnarek ECHOTYON ompö Yuda nko Yerusalem ompö ngoki choni kigh.

KIYITUT 33:52

ayon pich cho möngöy tagh korononi, anyar koghikwa cho kigho körkeyïntin nko körkeyïntinekwa cho pö karïn arultö ato osoghokwa.

KINONO KIRURUT 31:5

Konokwa ECHOTYON owesyö nyo orïntegho chane, parakunkwa nyu oghchinö chane lenyini komwowokwa.

YOSWÖ 9:7

Wölo kïlenchï pipö Israel pipö Ipiti, “Nkïtöptoy omöngekwa atolekït ompö acha, kyomecha nyu mis lö ne nko akwa?”

KIRWOKÏ 6:10

omwowokwa lö, “Ochan ECHOTYON Tororötïnkwa, masagh tororötino pipö Amori cho omöngekwa korengwa.” Wölo kyapenyakwa ngalechan.’ ”