WUWÖT 34:11 - PIPÏLIA

¹¹ Irip kïgh nyo omwowunyi asete. Oyononan tawunkwa pipö Amori nko Kanan nko Ititi nko Peris nko Ipiti nko Yepusi.

WUWÖT 34:11 Referans Kwoze

WUWÖT 33:2

Oyontonan malaykayan kuntöghoghwokwa, ayonan pipö Kanan nko Amori nko Ititi nko Peris nko Ipiti nko Yepusi.

WUWÖT 3:17

Oyomisan lö omïtwokwa apkanenakwa nyörilwok cho pö pipö Misri, omïtokwa koro pipö Kanan nko Ititi nko Amori nko Peris nko Ipiti nko Yepusi, kor nyo chang chö akï wow kumata.’

KINONO KIRURUT 6:25

Ato kikilöcha kegh kerip kirurut cho mwowecha ECHOTYON Tororötïnyo kï kakighacha kïgh nyo pö man.’

KINONO KIRURUT 6:3

Ater ye nyu ngalechï, pïchï pö Israel arip. Atökuten osiswekwo atotösisyenö awesöchitu lenyini kiyomisokwa ECHOTYON Tororöt pö papotïnekwa lö lïku nyoni ompö kor nyo chang chö akïwow kumata.

WUWÖT 3:8

Kïlenyona kangwïnan ngwïny atosörwan chane kïngetunö mori pipö Misri amïtan chane kïwuwö korononi kïpa kor nyo karam akï pöro. Kor nyo chang chö akï wow kumata, koro pipö Kanan nko Ititi nko Amori nko Peris nko Ipiti nko Yepusi.

YOANA 14:21

“Chi anka tïkwïl nyo toköy kirurutköchan akïrïp, kï chichoni nyo chömanïn. Akï nyinte nyo chömanïn, kïchömöy Paponyan tïkwïl, achöman angongchï kegh nyinte.”

MATAYO 28:20

anet chane kïrïp ngal tïkwïl cho kochikwokwa, ankïtï lö omitan nko akwa osis löwïr ntökuwonyö ngwïnya.”

KINONO KIRURUT 28:1

“Ato aterakwa ngala ECHOTYON Tororötïngwo arip kiyomisutkachi löwïr cho omwowokwa asisete, kutotewunokwa nyinte ompö pipö ngwïny kïmïkul.

KINONO KIRURUT 12:32

“Orip nyu kïgh anka tïkwïl nyo omwowokwa asete arïp, matas kïgh anta achïchuk.

KINONO KIRURUT 12:28

Orip ngalechï löwïr omwowokwa ato aghakwa lenyoni kï koghchikwa ECHOTYON kipö man akï karam tenöy nyu osiswekwa nko cho pö monekwa kokay.

KINONO KIRURUT 7:19

Anana työmutchanye echön kyasïwekwa nko kiporut nko töngönchin nko owesyenyi nyo wow nyo kimïtunenokwa nyinte koro Misri. Kïlenyona ighchini ECHOTYON Tororötïnkwa lenyoni punton löwïr cho owöghekwa.

KINONO KIRURUT 5:32

“Kïlenyona orip nyu lenyoni kimwowokwa ECHOTYON Tororötïnkwa. Mamasta kamas nko kamas

KINONO KIRURUT 4:40

Oripö nyu kirurutkachi löwïr, cho komwowokwa asete, atökuten ortïnekwa nko nyo pö monekwa nko moneko monekwa, atökïchangit osiswekwo ompö konokwa ECHOTYON Tororötïnkwa kokay.”

WUWÖT 23:28

Oyoktonan sïwaw kïpa tawunkwa kïyon pipö Ipiti nko Kanan nko Ititi.

KINONO KIRURUT 33:27

Tororöt nyo pö kokay nyo oryöghchinekwa, tighokwa ewunechi kokay. Kiyon nyinte pungkökwa otini kyomitekwa oletöy tagh, akïlenchokwa, ‘Apara chane lömïs.’

NEEMIA 13:23

Kyasïwan ompö osiswechoni tïkwïl pipö Yaudi cho kip kor cho pö Asdod nko Amon nko Moap.

WUWÖT 8:27

Mïchinecha kepe rutogh nyo pö osis sömök wölnö le surkwen atöketönö ECHOTYON Tororötïncha amöros lenyini kimwoghwecha.”

YOSWÖ 23:5

Yodoy ECHOTYON Tororötïnkwa chane akwompö akwa, akïyon tömosïwïyekwa chane ngat acheng korengwa kïlïkwï nyinkwa lenyini kiyomiswokwa ECHOTYON Tororötïnkwa.

1 OTÖPTINO OSIS 1:14

nko pipö Yepusi nko pipö Amori nko pipö Kirkasyi