WUWÖT 34:10 - PIPÏLIA

¹⁰ Kïlenchï ECHOTYON Musa, “Oman muma nko pipö Israel. Oghan töngönchin ompö tawungwa cho kitomöcha kwighisyö ompö ngwïny kïmïkul anta ompö punton anka tïkwïl akïsïwïyi pïchï omöngekwa kwenungwa ighisyo ECHOTYON, ompöwölo oghwokwa tïkwïn cho pö töngönchin.

WUWÖT 34:10 Referans Kwoze

KINONO KIRURUT 10:21

Sala nyinte, ompöwölo Tororötïnkwa nyo kighwakwa tïkwïn cho pö töngönchin akï pö otyogh cho kyasïwekwa.

TUMWÖY 77:14

Ichinyi Tororöt nyo ighöy töngönchintin. Iporchinenyi pipö punton owesyengu.

ISAYA 64:3

Kimi ato kingwïnanyi, aigh tïkwïn cho pö otyogh cho melö kikikönecha. Kisïwinyi kutïngkotï akïpotonchö ompö nyökoryö.

TUMWÖY 66:5

Apkana, arosa tïkwïn cho kigh Tororöt, tïpö töngönchin cho kighchï ptangengmöt.

YEREMIA 32:21

Kimïtunenyi piköku koro Misri ompö töngönchin cho kighanyi ompö owesyengu nyo wow

2 SAMWEL 7:23

Mömicha puntonï walaka cho lata pipö Israel ompö ngwïny kïmïkul cho kisörunenyi koro Misri atökïlïkwï piköku kegh, atökwororit kaynengu. Kighchinyi chane tïpö töngönchin otini kiyonenyi pich walaka nko tororötinekwa akwompö piköku.

TUMWÖY 78:12

Kigh nyinte tïkwïn cho echön ompö tawu papotïnekwa ompö tömko Soan nyo mi koro Misri.

TUMWÖY 66:3

Mwochinö Tororöt lö, “Pö töngönchin kïtya tïkwïn cho ighenyi! Wow tya owesyengu nyo ighöy punköku kïpotonchö.

KINONO KIRURUT 32:30

Kïlö ne tökïyon chi akong pich cho le elpu akonga, akïyon pich odeny opïn pich elpun taman? Kïpoto ato kyalta ECHOTYON chane, akïpïstö Ghetintengwa chane.

YOSWÖ 6:20

Otini kilïm pich chöghöto kontin kuteghyö tya, kïrul nyu nayatunay lö wanka. Kïwö chi anka tïkwïl kutenar kïtopön tawunyi. Kïnam chane kanasyantanay.

WUWÖT 34:27

Kïlenchï ECHOTYON Musa, “Kira ngalechï ompöwölo kyaman muma nko nyi nko Israel ompö ngalechï.”

TUMWÖY 145:6

Ngölono pich ngaleku cho pö otyogh, omwotïtenan wowïntöngu.

TUMWÖY 106:22

Kigh töngönchin ompö koro Am! Akwigh tïkwïn cho pö otyogh ompö Nanam nyo Pïrir!

TUMWÖY 76:12

nyinte nyo optegho chönökopïr, akwotyeghö pöytoghi ngwïny. Ompö kintöghoghinto tumï. Kïrïp kegh nko Yedutun. Tum pö Asap.

TUMWÖY 65:5

Kewöghökunyi aisörwecha ompö töngönchin, we Tororöt, nyo le sörunötencha. Twoytoninyi kegh pich ompö ngwïny kïmïkul ntökwit sörömu nanam.

TUMWÖY 147:20

Wölo melö kighchï punton lenyoni, melö nkït chane kirurutkachi. Asala ECHOTYON!

KINONO KIRURUT 4:13

Kïmwowokwa lö orip mumanay* kyamakwa nko nyinte, choni kï kirurutchay le taman cho kikikirchï koghïn odeny cho töpölöl.

TUMWÖY 68:35

Pö Tororöt otyogh kïtya otini ngwïno möngenyi, Tororöt pö Israel nyinte! Töni pikachi owesyö nko kimukat. Sala Tororöt! Ompö kintöghoghinto tumï. Kïrïp kegh nko tum pö tapïkoy. Tum pö Daudi.

WUWÖT 34:28

Kitöpö Musa wölini nko ECHOTYON ompö osis tömönut angwan nko nöngötuskökwa, kimamnye makatyan anta gha pögh. Kukirchï koghichay töpölöl ngalechay pö muma le kirurut taman.

KINONO KIRURUT 9:19

Kyawaghan nörekyö ECHOTYON nko köromnyenyi nyo kinörekyokwa akimököy kuwonyokwa. Wölo kïterwanïn ngat nyinte asisoni.

TUMWÖY 72:18

Sala ECHOTYON, Tororöt pö Israel! Nyinte onkït nyo ighöy tïku töngönchin.

TUMWÖY 136:4

Nyinte onkït nyo ighöy töngönchintin cho echön, töpo chomnyenyi kokay.

MIKA 7:15

Oporchinan chane ngala töngönchin cho lenye chay kaghan atanya kyapkanekwa koro Misri.